„მეგატექნიკის“ მაღაზიათა ქსელი 23 წელია წარმატებით მოღვაწეობს საქართველოში საყოფაცხოვრებო ტექნიკის ბაზარზე. კომპანიის პირველი მაღაზია 1996 წელს გაიხსნა თბილისში. მას შემდეგ ორგანიზაცია სტაბილურად ვითარდებოდა, იზრდებოდა და დღესდღეობით 150-მდე თანამშრომელს ასაქმებს.
„მეგატექნიკის“ ქსელი 20 მაღაზიას მოიცავს. ძირითადი ფილიალები და ფრანჩაიზები წარმოდგენილია საქართველოს 12 ქალაქში: თბილისი, რუსთავი,
ქუთაისი, ბათუმი, ზუგდიდი, თელავი, გორი, გურჯაანი, ახალციხე, წნორი, ხაშური, ბორჯომი.
„მეგატექნიკა“ ასევე ფლობს ყველაზე დიდ სადილერო ქსელს ქვეყნის მასშტაბით, 100-მდე პარტნიორი მაღაზიით 40-მდე ქალაქსა და დაბაში.
„მეგატექნიკა“ მომხმარებლებს პროდუქციისა და ბრენდების მრავალფეროვან არჩევანს სთავაზობს. კომპანია შემდეგი მსოფლიო ბრენდების ექსკლუზიური დისტრიბუტორია საქართველოში: Hisense, Simfer, Hoover, San Giorgio, Elikor, Aux, Skyworth. „მეგატექნიკა“ ოფიციალური წარმომადგენელია ბრენდების: Electrolux, Philips, Hansa, Sony, Lenovo, Asus და სხვ. და ასევე მომხმარებლებს სთავაზობს ისეთი წამყვანი ბრენდების ტექნიკას, როგორებიცაა: LG, Samsung, Hotpoint Ariston, Bosch, Indesit, Scarlett, Huawei, Apple, HP, Dell, Lenovo, Gionee და სხვა.
„მეგატექნიკა“ წლების მანძილზე საიმედო პარტნიორია სხვადასხვა ორგანიზაციების, სამშენებლო და დეველოპერული კომპანიების, სასტუმროებისა და რესტორნების. დაინტერესებულ პირებს კომპანია 150-მდე სხვადასხვა ტიპის ტექნიკას სთავაზობს, როგორებიცაა: ყველანაირი ტიპის მაცივრები, მათ შორის ღვინის მაცივრები, სარეცხი, ჭურჭლის სარეცხი მანქანები და საშრობები, ჩასაშენებელი ტექნიკა და გაზქურები, საცხობი და მიკროტალღური ღუმელები, ტელევიზორები, სმარტფონები, კომპიუტერული ტექნიკა, კონდიციონერები და გამათბობლები, წვრილი სამზარეულო ტექნიკა,წყლის დისპენსერები და სხვა.
