ტელეკომპანია TV12

28/07/2026

“ვისოლი” ელექტრომობილების დამტენი სადგურების განვითარებას აქტიურად განაგრძობს. ამჯერად კომპანიამ აჭარაში, კერძოდ ბათუმში, კიდევ ერთი სასიამოვნო სიახლე დანერგა, რც პირველ რიგში ელექტრომობილების მფლობელებს გაახარებს.
ამიერიდან, ბათუმში, ტბელ-აბუსერიძის ქ. N24-ში მდებარე „ვისოლის“ კომპლექსზე ელექტრომობილების ახალ, მასშტაბურ ჰაბზე ერთდროულად 10 ელექტრომობილის ულტრა სწრაფი დამუხტვაა შესაძლებელი, რაც ელექტრომობილის მფლობელებს საზღვაო კურორტებისკენ შეუფერხებლად მოგზაურობის საშუალებას აძლევს.

25/07/2026

ბათუმში მომხდარ მძიმე ავტოსაგზაო შემთხვევას ორი ადამიანი ემსხვერპლა

ბათუმში, დღეს მომხდარ მძიმე ავტოსაგზაო შემთხვევას ორი ადამიანის სიცოცხლე ემსხვერპლა.

შემთხვევა ვაჟა-ფშაველასა და ზურაბ გორგილაძის ქუჩების კვეთაში მოხდა. არსებული ინფორმაციით, დიდი სიჩქარით მოძრავი მსუბუქი ავტომობილი ჯერ მიკროავტობუსს შეეჯახა, შემდეგ კი ხელოვნების უნივერსიტეტის შენობას დაეჯახა.

ავარიის შედეგად ორი ადამიანი დაიღუპა. მიკროავტობუსში ტურისტები იმყოფებოდნენ. მათი ჯანმრთელობის მდგომარეობის შესახებ ოფიციალური ინფორმაცია ამ დროისთვის არ გავრცელებულა.

მომხდართან დაკავშირებით სამართალდამცველებმა გამოძიება დაიწყეს. შემთხვევის გარემოებები დგინდება.

ხვიჩა მამულაძე

23/07/2026

საქართველოს სახელმწიფო ელექტროსისტემის განმარტებით, ქვეყნის მასშტაბით ელექტროენერგიის გათიშვა საქართველოსა და თურქეთის ენერგოსისტემების დამაკავშირებელ მაღალი ძაბვის ელექტროგადამცემ ხაზზე მომხდარმა ავარიამ გამოიწვია.

უწყების ინფორმაციით, ავარიის შედეგად ენერგოსისტემის დაცვის ავტომატური მექანიზმები ამოქმედდა, რის გამოც ქვეყნის დიდ ნაწილს ელექტროენერგიის მიწოდება დროებით შეუწყდა.

ამ დროისთვის ელექტროენერგიის მიწოდება ქვეყნის მასშტაბით ეტაპობრივად აღდგება.

22/07/2026

ბათუმში, ფიროსმანის ქუჩაზე 31 წლის მამაკაცი ცეცხლსასროლი იარაღიდან დაჭრეს

22/07/2026

ბათუმში, ფიროსმანის ქუჩაზე 31 წლის მამაკაცი ცეცხლსასროლი იარაღიდან დაჭრეს.

არსებული ინფორმაციით, შემთხვევა რამდნემე საათის წინ
მოხდა.
თვითმხილველების თქმით, თავდამსხმელი მოპედით გადაადგილდებოდა, მამაკაცს რამდენიმე გასროლა ესროლა და ადგილიდან მიიმალა.

შემთხვევის ადგილზე სამართალდამცველების მისვლამდე აღმოჩენილი იყო რამდენიმე მასრა.

ამ დროისთვის დაჭრილი სასწრაფო სამედიცინო დახმარების ბრიგადამ კლინიკაში გადაიყვანა.

18/07/2026

უკომენტაროდ

📹კესო ჯოჯუა

17/07/2026

18 ივლისიდან პუშკინის ქუჩაზე მოძრაობის სქემა იცვლება — ორმხრივი გადაადგილება აღდგება

18 ივლისიდან ბათუმში, ალექსანდრე პუშკინის ქუჩაზე, სატრანსპორტო მოძრაობა კვლავ ორმხრივი გახდება. ამის შესახებ ინფორმაციას „ბათუმის ავტოტრანსპორტი“ ავრცელებს.

მათივე განმარტებით, ცვლილების ამოქმედებამდე ქუჩაზე საჭირო სამუშაოები უკვე დასრულდა. შეიცვალა საგზაო ნიშნები, განახლდა ჰორიზონტალური მონიშვნები, მათ შორის მიმართულების ისრები და გზაგამყოფი ხაზები, ხოლო შუქნიშნების მუშაობა ახალი მოძრაობის ორგანიზებას მოერგო.

უწყება მძღოლებს მოუწოდებს, გადაადგილებისას ყურადღებით დააკვირდნენ განახლებულ ნიშნებსა და მონიშვნებს, გაითვალისწინონ შუქნიშნების სიგნალები და დაიცვან საგზაო მოძრაობის წესები.

ხვიჩა მამულაძე

12/07/2026

08/07/2026

ბათუმში სამი დღის წინ ზღვაში გაუჩინარებული 23 წლის ახალგაზრდის ცხედარი იპოვეს

ბათუმში, სამი დღის წინ ზღვაში გაუჩინარებული 23 წლის ახალგაზრდის ცხედარი იპოვეს.

არსებული ინფორმაციით, ახალგაზრდა 5 ივლისს მეგობართან ერთად ზღვაში შევიდა, თუმცა ძლიერი ტალღების გამო მალევე გაუჩინარდა. მაშველებმა ერთ-ერთი ახალგაზრდის გადარჩენა შეძლეს, ხოლო მეორის გადარჩენა ვერ მოხერხდა.

სამძებრო-სამაშველო სამუშაოები სამი დღის განმავლობაში უწყვეტ რეჟიმში მიმდინარეობდა. დაკარგული ახალგაზრდის ცხედარი დღეს აღმოაჩინეს.

ხვიჩა მამულაძე