Ejensii Mirkaneessa Gahumsa Ogummaa Oromiyaatti-Damee Adaamaa

07/11/2025

06/11/2025

Ejensiin Mirkaneessa Gahumsa Ogummaa Oromiyaa Hojjettoota fi Hoggantoota Dameelee Isaatiif Leenjii Mata duree “Hammata Gahumsaa Waliigala Amalaa fi Teeknikaa ”Jedhu irratti Kennaa Jira.
____________________________________________________________________________________________________________
Kominikeeshinii EMGOO Onkololeessa 27,2018
Adaamaa
Ejensiin Mirkaneessa Gahumsa Ogummaa Oromiyaa Hojjettoota isaa fi Hooggantoota Dameelee Isaatiif Leenjii Mata duree “Hammata Gahumsaa Waliigala Amalaa fi Teeknikaa ” akkasumas “Qajeelfama Naamusa Hojjetaa Mootummaa ” irratti kennaa jira.
Kaayyoo waltajjichaa kan ibsan I/A Daarektara Olaanaa Ejensii Mirkaneessa Gahumsa Ogummaa Oromiyaa Obbo Tubbaa Maammaa yoo ta’an hojjetaan mootummaaa tokko hammata gahumsaa kana irratti leenjii fudhachuun gaee hojii isaa beekee maamilaaf tajaajila si’ataa, qulqulluufi hanna irraa bilisa ta’e kennuuf baay’ee barbaachisaadha jedhan. Hojjetaan mootummaa qajeelfama hojii eegee hojii hojjechuu, miira tajaajiltummaa gonfachuun, naamusa hojii eeguu, tajaajile kennuu qaba jedhan. Itti dabaluun hojjetaan tokko leenjii kana erga fudhateen booda akka dhuunfattis ta’ee akka mana hojii keenyaatti bu’aa qabatamaatti geeddaruun bu’aa qabeessummaa hojii hojjetu irratti argamsiisuu qaba jedhan.
Leenjii kana kan kennaa jiran Biiroo Paablik Sarvissii Misooma Qabeenya Namaa Oromiyaa irraa Daarektara Daarektoreetii Karoora Misooma Bobba’iinsa Qabeenyaa Obbo Malkaamuu Fallqaati.
Leenjichis guyyaa guutuu kan itti fufu ta’a.
.
https://www.facebook.com/100064751857327/posts/1314803434021373/?app=fbl

01/11/2025

Kaayyoon qormaata haammata gahumsaa (competency framework) qaawwaa dandeettii raawwachiisummaa hojjataa mootummaa adda baasuudhaan carraa leenjii mijeessuuf dha jedhameera.
BPSMQNO~Onkoloolessa 22/2018
Leenjiin haammata gahumsaa(competency framework) irratti xiyyeeffatu
qindoomina Biiroo Pabliik Sarvisiifi Misooma Qabeenya Namaa Oromiyaa fi Yunivarsisii Naannoo Oromiyaatiin hojjattoota Biirichaatiif magaalaa Baatuutti wayita kennamu waltajjii leenjicha haasaan kan saaqan Itti Aanaan Hogganaafi Itti Gaafatamaan damee Siviil Sarvisii Ob.Yaaqoob Taaddasaa yaada kennaniin, kaayyoon qormaata haammata gahumsaa (competency framework) qaawwaa dandeettii raawwachiisummaa hojjataa mootummaa adda baasuudhaan carraa leenjii adda addaa mijeessuuf dha jedhaniiru.
Qormaatni haammata gahumsaa hojjataa mootummaatiif kan kennamuuf, gama tokkoon qaawwaa dandeettiifi gahumsaa hojjataa adda baasuudhaan carraa leenjiifi barnootaa mijeessuuf yommuu ta'u, gama biraatiin hojjataan aadaa dubbisuu gabbifatee gita hojii irratti ramadamee hojjatu irratti dandeettiifi gahumsa raawwachiisummaa isaa akka guddifatuuf akka ta'e Ob.Yaaqoob ibsaniiru.
Qormaata haammatni gahumsaa hojjataa akka fayyadu kan dubbatan Ob.Yaaqoob, qormaata kana ilaalchisee hojjataa gita hojiirra kaasuuf akka ta'etti darbee darbee hololli geggeeffamu akka jiru kan eeran Ob.Yaaqoob, sababa qorumsa haammata gahimsaatiin hojjataan gita isaa irraa ka'u tokkollee akka hin jiraanne dubbataniiru.
Yunivarsitii Naannoo Oromiyaatti Itti Gaafatamaan Waajjira Itti Aanaa Pirezidaantiifi Itti Gaafatamaan Damee Riifoormii Dr.Tashoomaa Kabbadaa gama isaaniitiin ibsa laataniin, Yuniversitiin Naannoo Oromiyaa Biiroo Pabliim Sarvisiifi Misooma Qabeenya Namaa Oromiyaa waliin ta'uun qaawwaa dandeettiifi gahumsa hojjattoota mootummaa naannichaa adda baasuun leenjiifi barnootaan gabbisuuf hojjataa jira jedhaniiru.
Leenjii haammata gahumsaa biirichi qindoomina Yuniversitii Naannoo Oromiyaatiin magaalaa Baatuutti hojjattoota biirichaatiif kenne kanaan maalummaa haammata gahumsaa(Competency framework), maalummaa gahumsa waliigalaa(generic competency), maalummaa gahumsa addaa(Technical competency),...kkf irratti ibsi kennameera.
Leenjii kana irrattis Daayirektoreetii Misooma, Mirkaneessa Gahumsaafi Bobba'iinsa Qabeenya Namaa biirichaa irraa Ob.Abdii Yaasin, akkasumas, Yunivarsitii Naannoo Oromiyaa irraa Daayirektarri Inistitiyutii Mirkaneessa Gahumsaa Dr.Alamaayyoo Shifarraa mata-dureewwan haammata gahimsaa adda addaa irratti ibsa gahaa laataniiru.
keenyaa fuula miidiyaa biirichaarrati.
https://www.facebook.com/100063960363420/posts/1262724095869591/

28/10/2025

23/10/2025

Namootni madaalaa taatanii hojjechuuf fedha qabdaniifii ulaagaa beeksisichi gaafatu guuttan deemuun galmaa'uu ni dandeessu.
odeeffannoo dabalaaf fuula miidiyaa Ejensichaa hordofaa!
https://www.facebook.com/100063760178207/posts/1462937962508196/

21/10/2025

!
Namootni Madaalaa taatanii hojjechuuf fedha qabdaniifii ulaagaa beeksisichi gaafatu guuttan galmaa'uu ni dandeessuu!
Maddi keenya fuula miidiyaa Damichaarraati. https://www.facebook.com/100055535800428/posts/1342413730953141/?app=fbl

21/10/2025

Waliigalteen waloo humna raawwwachiisummaa ogeeyyii damee konistiraakshinii cimsuuf
dandeessisu mallattaa'e.

Ejensiin Mirkaneessa Gahuumsa Ogummaa Oromiyaa , Abbaan Taayitaa Konistiraakshinii Oromiyaafi Biiroon Carraa Hojii Uumuufi Ogummaa Oromiyaa Oromiyaa humna raawwachiisummaa ogeeyyii damee konistiraakshinii cimsuurratti waliin hojjechuuf waliigaltee waloo waliif mallattessaniiru.

Kaayyoon waliigaltichaas damee konistiraakshinii irratti ogeeyyii gahuumsi isaanii madaallii gahuumsa ogummaan mirkanaa’eefi dorgomaa ta’an horachuun qulqullina ijaarsaa dabaluufi damichaan sadarkaa guddinaa biyyi keenya irra gahuuf karoorfatte milkeessuurratti kan xiyyeeffate ta'uun ibsameera.ibsameera

Sirnicharrattis Hogganaa Ittaanaan BCHUOO obbo Habtaamuu Kaasaa, Ittaanaan Daarektara Ol'aanaa Ejensii Mirkaneessa Gahuumsa Ogummaa Oromiyaa obbo Tubbaa Maammaa fi Daarektarri Ol'aanaa Abbaa Taayitaa Konistiraakshinii Oromiyaa injiner Naatinaa'el Geetaahuun hirmaataniiru.
Maddi keenya fuula miidiyaa Ejensichaarrati.
https://www.facebook.com/profile.php?id=100064751857327

14/10/2025

Guyyaa 04/02/2018 .....................................//...................................
Ejensiin Mirkaneessa Gahumsa Oguummaa Oromiyaa Damee Adaamaa Wiirtulee Madaallii Damee isaa jala jiran waliin Raawwii Bara Baajataa 2017 fi Karoora Bara 2018 irratti Mari'achaa oolee jira
Haasa'aa baniinsaa kan taasisan Daarektara QKTM EMGO Oromiyaa kan ta’aan Obbo Yoonaas Warquu yoo ta'an,Wiirtuleen madaallii hunduu qulqulluna madaallii gahumsa ogummaa galmaan gahuu keessatti qooda isaanirraa eegamu akka bahatan,akkasumas akkaataa karoora isaaniitiin raawwachuu akka qaban ergaa dhaamaniiru.
Dabalataaniis Dursaa Garee QKTM EMGO Ormiyaa Damee Adaamaa kan ta’aan Dr Dassaaleny Dafarras Raawwii bara 2017 keessatti ciminoota turan galtee godhachuun hanqinaalee hojii bara darbee keessatti adda bahan bara baajeta 2018 keessatti irratti hojjechuu akka qabaniis raawwii gabaasa isaanii keessatti ibsanii jiru.
Marii geggeeffame kanarrattis hirmaattonni Wiirtulee madaallii mootummaa fi Duunfaarraa dhufan bara baajeta 2018tti cimanii hojjechuu akka qaban yaada isaanii kaasaanii jiru.