Adibide Komunikazioa

07/05/2018

6 urteren ostean, Gimp 2.10 bertsioa d**oeneko eskuragarri d**o!

Argazkiak prozesatzen badituzue edo/eta software librearen zaleak bazarete, ezagutuko duzue GIMP (GNU Image Manipulation Program) softwarea. 1995ean sortutako programa librea da, bit-mapa formatuko irudiak lantzeko. Orain arteko bertsiorik berriena 2012koa zen, baina 6 urteren ostean GIMP 2.10 eskuragarri d**o Linux eta Windows sistema eragiletarako, eta hemendik gutxira OS X sistemarako bertsioa ere prest egongo dela iragarri dute.

Azken bertsio honek hainbat berrikuntza interesgarri eskaintzen ditu:

- Lehen begiratuan, interfazean aldaketak ikus ditzakegu. Interfaze iluna da lehenetsitakoa, eta tresna berrien ikonoak t**a ditzakegu bertan, bai argazkien lanketarako eta baita ilustrazio digitalerako ere.

- Bit sakonera handiko irudiak onartzen ditu, kolore kanal bakoitzeko 32 bit-erainokoak. Honez gain, arte baino irudi formatu gehiago onartzen ditu, euren berezko irudi zehaztasuna mantenduta: TIFF, PSD, PNG, EXT, RGBE.

- Transformazio tresnak hobetu dira, eta berriak ere baditu: transformazio bateratua, deformazioa eta tiradera bidezkoa.

- Aukeraketa tresnak finduta daude eta maskaratzeko era berriak ere t**a ditzakegu.

- Ilustrazio eta diseinurako, pintzelen gogortasuna eta indarra zehazteko kontrolak ditugu eskura, eta baita pintzelaren ezaugarriak blokeatzeko sistema ere.

- Irudien metadatuak ikusteko aukerak ere baditu, eta metadatu hauek hainbat irudi formatutan gordetzeko aukera ematen du gainera.

Oraindik ere Gimp-ek ez ditu bere horretan RAW formatuko argazkiak irekitzen, baina hainbat gehigarri t**a ditzakegu honetarako, ziur aski ezagunena UFRaw delarik. Gure gusturako, irudi lanketa sakon baterako hainbat ezaugarri faltan ditu oraindik software honek (CMYK espazioan lan egiteko aukera edota doitze-kapak sortzekoa, adibidez), baina ordainpeko edizio programen alternatiba libre osatuena dela esango genuke, aukera eta zehaztasun maila oso txukunak eskaintzen baititu.

Probatu nahi izanez gero, https://www.gimp.org/ webgunetik deskargatu dezakezue.

13/04/2018

Atzo eman zituzten argitara aurtengo World Press Photo argazki irabazleak.
Sari nagusia Ronaldo Schemidt fotokazetariak irabazi du, Venezuelako liskarretan egindako argazkiarekin. Bertan oposizioko manifestari bat ikusten da (José Victor Salazar) suak harrapatuta, bere alboan zegoen moto baten depositoa lehertu ostean.

Kategoria guztietako argazki sarituak World Press Photo erakundearen webgunean ikus ditzakezue:

José Víctor Salazar Balza (28) catches fire amid violent clashes with riot police during a protest against President Nicolás Maduro, in Caracas, Venezuela. President Maduro had announced plans to revise Venezuela’s democratic system by forming a constituent assembly to replace the opposition-le...

02/03/2018

Aste honetan sare sozialetan zabaldu den istorio hau izugarri gustatu zaigu.

Owura Kwadwo irakaslea da Kumasin, Ghanako hiria. Informazioaren eta Komunikazioaren Teknologien irakaslea da, ordenagailu edota tresna elektronikorik ez duen eskola batean. Baina medio falta ez da oztopo izan Owurarentzat eta bere ikasleei Word erabiltzen irakasteko, nahikoa izan ditu arbela eta koloretako klarionak: software honen interfaze grafikoa eskuz marraztuta irakatsi die gazteei hura erabiltzen.

Irudi hauek izugarri zabaldu dira sare sozialetan eta honek berriro ere jarri du medio faltaren eztabaida mahai gainean.

Lan ederra ari dira egiten Owura eta bere moduko irakasleak!

23/02/2018

Bitxikeria historiko bat t**atu dugu aste honetan.
Gaur egun oso erraza da pantailan ikusten ari garenaren kapturak egitea, bai gailu mugikorretan eta baita ordenagailuetan ere. Gailu mugikorretan menuko aukera bat izan ohi da, eta zenbait kasutan gailuaren botoiak ere konfiguratu daitezke kapturak egiteko (mugikor askotan bolumena ukitzeko teklak erabilita izan ohi da, adibidez). Ordenagailutan, teklatuko "Print Screen" teklarekin gorde ohi da ikusten ari garenaren kopia bat, eta hainbat nabigatzailek beren barneko irudi osoa ala ikusten ari garenaren atal askeak gordetzeko aukera ere badute gaur egun.
Baina nola egiten ote ziren kapturak duela zenbait hamarkada? Irudi hau t**atu dugu, 1983an erabiltzen zuten teknikarekin. Eskerrak denborarekin ekintza hauek erraztu zaizkigun...!

08/02/2018

Diseinuan eta ilustrazioan aritzen garenontzat tresna erabilgarri bat aurkeztu nahi dizuegu. Gure proiektuak izango duen gama kromatikoa aukeratzeko hainbat online hautagailu daude, baina batek piztu du gure arreta: Pigment.

Interfaz bisual oso txukun eta erabilterraza du, aukera ugari eskaintzeaz gain: oinarrizko kolore paleta, luminositatea, saturazioa... Behin gustuko koloreak t**atutakoan, bakoitzaren erreferentzia 3 kodetan eskaintzen du gainera: hexadezimala, RGB espazioan eta Pantone erreferentzian.

Konbinazio kromatikoak erabakitzeko oso tresna polita, dudarik gabe!

A unique way to generate fresh and natural colors based on lighting and pigment, instead of math.

01/02/2018

Ezagutzen al duzue Kutxaren Fototeka? Hamarkadak daramatzate Gipuzkoako argazkiak gorde eta zabaltzeko lanetan, Europako argazkilaritza funts oparoenetakoa bilakatu delarik. Milioi bat argazkitik gora daude bertan, gure historia garaikidearen lekuko.

Irudi gehienak Donostiakoak dira, baina badira Gipuzkoako beste zenbait txokotako argazkiak ere. Duela urte gutxira arte, argazki kamera bat edukitzea ez zen gaur egun bezain ohikoa, are gutxiago argazkiak egiten eta errebelatzen jakitea. Garai haietako argazkilarientzat errazagoa zen hiriburuan negozioa egin ahal izatea, are gehiago Donostiak Belle Epoque garaian izan zuen urrezko garaian. Hala, ulertzekoa da hamarkada batzuk atzera Donostiako horrenbeste argazki egin izana beste herriekin alderatuta. Baina esan bezala, badira Gipuzkoako beste tokitan egindako argazkiak ere funts honetan.
Milioitik gorako argazki horiek digitalizatu eta eskuragarri jarri ditu Fototekak bere webgunean, bilatzaile aurreratu batekin. Erresoluzio baxuan (pantailan ikusteko nahikoa) Creative Commons lizentziapean deskargatu daitezke, eta guztiek aukera hori ez duten arren, askok erresoluzio altuko kopia erosteko aukera ere ematen dute, 10€-ren truke.

Diseinuak, kartelak, collageak eta bestelako sormen lanak egiteko sekulako tresna dugu eskuragarri webgune honetan, CC lizentziapean lan egiten badugu betiere. Eta baita argazki zaharrak (eta gure historia) gustuko baditugu ere, edota etxeko hormak garai bateko irudiekin apaintzeko.

Hartu tarte bat eta emaiozue begiratu lasai bat funtsari, merezi du eta:

https://kutxateka.eus/

23/01/2018

Hilabeteak eman ditugu sare sozialetatik desagertuta, baina horrek ez du esan nahi lanean aritu ez garenik, ez horixe! Egia esateko, denbora tarte honetan hamaika proiektu izan ditugu eskuartean, hainbat eratakoak: webguneak, datu baseen kudeaketarako sistemak, diseinu eta maketazio lanak, formakuntza tailerrak, komunikazio aholkularitza, argazki saioak... denetarik egin dugu!
Fundamentuz egin ez dugun bakarra, sare sozialetako komunikazio lana izan da (hau lotsa!).

2018 honetarako gure buruari egindako promesatako bat honi buelta ematekoa da, hemendik aurrera berriro helduko diogu beraz. Egiten ditugun lanak, eskaintzen ditugun zerbitzuak eta interesekoak iruditzen zaizkigun gaiak gutxieneko maiztasun batekin zabalduko ditugu, zuen interesekoak ere izango direlakoan.

Bueltan gara!

15/06/2017

Ikusi al dezue Gaztezulok dakarkigun berrikuntza? Itxura polita du, ezta?
Eta elkarlan interesgarria ari da izaten...

https://www.gaztezulo.eus/g-telebista/amancay-gaztanaga-teaser-1

22/03/2017

Egun on denei!
Datozen hilabetetan zenbait komunikazio tailer eskainiko ditugu, Saretuz sareak antolatuta eta Kalaka Komunikazio Parekidearekin elkarlanean!
Hilabete bakoitzeko azken ostegunean izango dira, eta d**oeneko irekita d**o izena emateko epea.
Animatu zaitezte, interesgarriak izango dira eta!

24/02/2017

Gaurko Irutxuloko Hitzan beste kolaborazio bat dezue ikusgai eta irakurgai!
Donostiaren mugak zeintzuk diren jakiten saiatu gera (geografikoak behintzat), eta haietako batzuk argazkitan bildu ditugu.

Hona erreportajea:
http://irutxulo.hitza.eus/2017/02/24/donostiaren-mugak/

04/01/2017

Urte berri on denoi!

Urte amaiera potentea izan degu, baina indarberrituta heldu diogu 2017 honi! Urtea amaitu aurretik guk egindako hainbat webgunek ikusi zuten argia. Beste batzuen artean, Pensión Urkia, Mikel Gurrea, Ikasplay, Sexuenea, Saretik Hizkuntza Zerbitzuak edota Doka Antzokiaren webguneak argitaratu genituen, eta bestelako enpresa eta eragile ugarirekin ere aritu gera elkarlanean. Euskarri fisiko desberdinetarako diseinu eta maketazioak egin ditugu, komunikazio tailerrak ematen aritu gera, ikusentzuteko ekoizpenetan arlo teknikoan lagundu degu, argazki saio ederrak egin ditugu... Urte amaiera potentea, esan bezela!

Eta oraindik ere baditugu eskuartean hainbat proiektu interesgarri, 2017ak ere itxura polita du!