Ana Álvarez - Comunicación e Deseño Gráfico

Unha parte de min está namorada da comunicación, dos medios, das -boas- estratexias publicitarias. A outra quedou prendida do deseño e a creatividade. A cotío traballan xuntas, converténdome nunha comunicadora polivalente:
Ordeno e planifico a comunicación da marca, do negocio. Deseño as creatividades ou planifico o material necesario con proveedores locais. Xestiono campañas de publicidade onlin

e e offline. Digamos que traballo a creatividade cun sentido, cun plan, cun por qué. Son autónoma e traballo dende un lugar precioso que se chama Trebella, en Cangas, onde comparto oficina con outros profesionais. Tamén estou aberta a traballar como freelance para outras empresas. Levo incorporadas as "soft skills" da empatía, a análise, o pensamento crítico e o traballo en equipo. Aínda que non vou mentir, son máis de pequeno grupo de jazz que compoñente dunha gran orquestra.