28/08/2026
Comercio Galego. Unha marca para activar vida.
O comercio de proximidade non é só transacción: é encontro, relación, identidade e vida compartida.
Desde Costa desenvolvemos para a Xunta de Galicia a identidade de Comercio Galego (Comercio galego Xunta de Galicia), unha marca común para apoiar, recoñecer e fortalecer o comercio a pé de rúa en Galicia.
O sistema nace dunha C en movemento que se repite, que xira, que se entrega e se conecta, representando ese intercambio continuo entre comercios, persoas e comunidades. Da súa repetición xorde unha flor: unha síntese da vida, o coidado, a beleza compartida e a prosperidade que o comercio é capaz de xerar ao seu redor.
Unha identidade modular e flexible, pensada para convivir con establecementos, campañas, sinalización e comunicación institucional sen perder cohesión. Unha marca que florece, pero que tamén nos lembra que, como todo aquilo que está vivo, o comercio necesita ser coidado para seguir medrando e dando vida ao seu redor. Porque con tendas abertas temos comunidades vivas.
