تسابيح لخدمات المحمول في الزقازيق

03/12/2025

16/06/2024

كل سنة و كل أهلي و حبايبي و صحابي بخير

05/06/2024

السلام عليكم و رحمة الله و بركاته
بوست هام جداً ( غير منقول )
حدث معي أنا بالفعل

تعرضت شخصيا أنا و كذا حد لمحاولة نصب صريحة و لله الحمد ربنا ستر ،، بس في واحد للأسف وقع في الفخ ، و حبيت أحذركم منها

حد بيبعتلك رسالة عالواتس أو التليجرام و يقولك إن في شغل عالنت ( وظيفة إضافية ) ، و كل مهمتك إنه هايبعتلك لينكات لفيديوهات و تدخل تعمل عليها ( لايك ) و تبعتله سكرين شوت ، و كل 3 سكرينات ل 3 فيديوهات عليهم مكافآة مبلغ كذا ( 60 أو 75 )

و طبعا المهمة بتتم بمنتهة السهولة و دي إسمها ( مهمة فيديو )
و بيبعتلك الفلوس على أي رقم فودافون كاش بتديهولة لحظياً

و بيطلب منك تدخل على جروب تليجرام ، حرفيا كل دقيقتين بتلاقي بوست لناس كسبت 2000 جنية و 3000 و 15 و 20 و 30 و آيفونات و حركات و بيجيلك إحساس إنا السما بتمطر فلوس

تاني يوم بيبعتلك 3 مهام تاني و بتفذهم بسهولة و بيبعتلك الفلوس الحافز لحظياً

طبعا إنه يبعتلك فلوس مرتين بيديلك ثقة جامدة جداًو كمان إشتراكك في الجروب بتحس إن الناس اللي معاهم بيكسبوا ملايين في الشهر

❌❌❌ بعدها بقى تيجي الخديعة ❌❌❌

بيقولك هاتدخل المستوى التاني و هي المهام الإستثمارية

هاتبعت لنا مبلغ و نرجعهولك تاني خلال 10 دقايق عليه مكسب بيبدأ من 30% لغاية 80%

المبلغ ده هو عامل لك جدول ، كل ما المبلغ بيزيد العمولة بتزيد
و المبلغ بيبدأ من 390 جنية

طبعا إنت كسبت منه 75 أو 150 جنية

و بسهولة ممكن تقول أجرب أبعت ال 390 جنية
فا تبعت للأسف

و فعلا خلال دقايق بيكون رجعلك ال 390 جنية و عليهم المكسب 30%
يعني بيبعتلك حوالي 130 جنية مكسب

ساعتها إنت بتطمن أكتر

و لو بعتت بعدها مبلغ أكبر
يقوم في ثانية قايل لك حصل مشكلة و عايزك تبعت مبلغ أكبر عشان تسترد المبلغين

ممكن تفتكر إن الكلام ساذج بس فعلا الرسايل و سرعتها و الجروب بتاع التليجرام كل دقيقة ناس كسبت ناس كسبت و بيجعلك فلوس بمكسب كذا مرة

فللأسف إنت بتتسحر و بتصدق

الكلام ده حصل معايا و مع أخويا في نفس الأسبوع و حصل مع واحد تاني و للأسف بعتلهم 8000 جنية و راحو عليه

❌❌❌ خدو بالك ❌❌❌
الموضوع بجد خطير و أوعى تقول أجرب لأنك فعلا بتتسحر

🎯 هأسيلكم جدول الفلوس في التعليقات

و ربنا يحفظ عليكم أموالكم و أعراضكم

27/08/2023

إسأل عن عروض التقسيط

27/08/2023

تغيير شاشات و باغات و تاتشات
لجميع أنواع المحمول

26/08/2023

تحويل و إستلام الأموال
فودافون كاش و إتصالات كاش
📍 فودافون كاش 01092579315
📍 إتصالات كاش 01127089011
و متاح خدمة التوصيل
يعني يجيلك مندوب و يستلم الفلوس و يحولها
أو تحول فلوس على المحفظة و نستلمها و نوصلهالك
خليك قاعد في البيت ☺️☺️☺️