منزل وكنيسة القديس القمص يسى ميخائيل بكوم غريب

07/01/2025

قداس عيد الميلاد المجيد 2025
Abona Boktor
كل عام وانتم بخير

13/06/2024

مديح القديس القمص يسى ميخائيل قديس كوم غريب+ تقديم دير القديس القمص يسى ميخائيل+ تحت رعاية الحبر الجليل الأنبا أسحق اسقف طما+ أداء: بافلي يونان - بولا

13/06/2024

13/06/2024

30/03/2024

31/10/2023

نعتذر عن الخطأ الذي حدث
هناك محاولة لاختراق الصفحة
وجاري حل المشكلة

10/06/2023

+ اليوم بتذكار نياحة القديس القمص يسى ميخائيل كاهن كنيسة الأنبا شنودة رئيس المتوحدين بكوم غريب مركز طما وقد ولد هذا القديس وكان اسمه يسى فى سنة ١٨٧٧م بقرية كوم غريب وتنيح فى ٣ بؤونى سنة ١٦٧٨ للشهداء الأبرار الموافق ١٠ يونيو سنة ١٩٦٢م, شفاعته تشملنا جميعا آمين.

+ وأيضا نعيد اليوم نعيد بتذكار نياحة القديس الأنبا أبرآم أسقف الفيوم والجيزة
وقد ولد هذا القديس وكان اسمه بولس في سنة ١٥٤٥ش الموافق ١٨٢٩م بقرية دلجا التى تتبع حاليا مركز ديرمواس محافظة المنيا وتنيح فى ٣ بؤونى سنة ١٦٣٠ للشهداء الأبرار الموافق ١٠ يونيو سنة ١٩١٤م, شفاعته تشملنا جميعا آمين.

30/01/2022

كان فى شاب بيحب ربنا جدا جدا
قال لربنا يارب اؤمرنى اعمل اى شئ انت تطلبه منى لانى بحبك اوى
رد ربنا وقاله ..فى صخرة كبيره قدام بيتك كل يوم الصبح ادفعها بكل طاقتك
قالو حاضر يارب بسيطة اوى
بقي كل يوم الصبح يزق الصخرة كل يوم لمده سنة ..الصخرة كبيرة جدا مش بتتحرك ولا سنتى
جه ابليس بعد سنة قاله انت يا اهبل ايه اللى بتعمله ده
قالو بنفذ وصية ربنا
رد ابليس وقالو وهو فى حاجه بتتحرك اصلا الصخرة زى ما هي بطل هبل

سمع لكلام ابليس وبدا يخف بقي كل اسبوع او كل شهر يزقها مرة
جه يسوع ظهرله قاله ..عملت ايه سمعت كلامى ؟؟
قالو معلش يارب انا فضلت سنة بنفذ كلامك بس لقيت مفيش فايده مفيش حاجة منظورة بتتغير فبطلت بقي كل شهر او لما افتكر
رد يسوع وقالوا
ومين قالك مفيش تغيرر تعالى بص فى المرايه واخلع القميص
بص فى المرايه لقى جسمه متغير اوى كله عضلات
رد يسوع وقال ...التغيير مش فى اللى قدامك ..التغيير بيحصل جواك

كلمة ربنا اللى بتقراها يمكن مش فاهمها او حاسس انها مش بتفرق بس بعدين كل كلمه واية بتيجى فى وقتها علاج
فى أوقات معينة ، حينما نسمع كلمة من الله ، نميل لاستخدام ذكائنا فى فهم ورسم صورة لما يريده منا، بينما ما يريده الرب حقيقة هو ببساطة الطاعة والثقة فيه وبكل وسيلة ، درب إيمانك على تحريك الجبال ، ولتدرك أنه سيبقى الرب وحده هو الذى يحركها فعليا

07/01/2022

قصيدة أتولد غريب
كلمات وأداء: مينا أيمن
هندسة صوتية: وائل صدقي
مونتاج وإخراج: Saber Naeem

قصيدة أتولد غريب+ كلمات وأداء: مينا أيمن+ مونتاج وإخراج: صابر نعيم+ تم التسجيل في ستوديو New Track00:00 الأنترو00:03 القصيدة ▬▬▬ Fo...

27/11/2021

كنت شغالة في شركة من سنين كتيرة وكان مديري أجنبي مبيفهمش عربي خالص، وفي يوم مدير قسم تاني مصري حصل عنده مشكلة في القسم كبيرة جدا بسبب موظف لسه متعين من ٤ شهور ، كان موظف شاطر بس خواف فبينفذ الشغل متأخر لأنه بيخاف ياخد قرارات حتى لو صغيرة ..

المهم .. المدير المصري ده شتمه جامد وسط الشركة والشركة كلها أجانب يُعتبر .. مفيهاش إلا قليل مصريين، شتمه و هانه وعايره وقاله كلام وجعني جدا جدا،

على الرغم إن مكنتش في القسم بتاعهم وكنت في إدارة تانية خالص .. إلا إني كنت حاضرة ومديري الأجنبي كان واقف جنبي بيشرب شاي ..

سألني : ترجميلي بيقوله إيه..
قولتله : شتمه .. و غلط فيه بشكل مهين .. وقال له ألفاظ سيئة ..
مديري سكت و مشي.
طلعت له فوق قلت له احنا مش هنكتب شكوى كشهود ونبعتها للإدارة؟

قالي " نور، أنا قرأت كل الكتب السماوية و معظم كتب الفلسفة وقدرت أفهم إنه فيه قوة ما خلف هذا العالم مهياش عشوائية بتعرف ترتب الأحداث جدا، وأنا من فترة قررت أبحث ورا القوة دي، فقررت ميكنش ليا في بعض الأمور أي رد فعل مهما اتضايقت، عشان أشوف رد فعل القوة دي وأنا مش بختبر صاحب القوة دي أيا كان هو اسمه إيه إله أو طبيعة ! أنا بس بحب أشوف قدرته على تنفيذ خططه الكونية ببراعة .. فانتظري وهوريكي بعينك"

تخيلوا مديري مكنش على أي دين .. كان رافض الأديان ! لكن باحث عنها في نفس الوقت، قال الكلمتين دول وسكتنا ..

بعدها بشهر ونص تقريبا كنا في اجتماع كبير وكنت بحضر البريزنتيشن اللي هعرضها وكنت مشغولة جدا .. فجأة لقيت مديري جاي يجري ع المكتب وهو عنده ٥٧ سنة ! مش صغير !
يجري وعنيه بتلمع مبقتش عارفة هو بيعيط ولا فرحان، خرجت وراه وكنت بحبه جدا فبقوله فيه ايه، شدني من دراعي ونزل بيا جري ..

" الموظف اللي بنعتبره غبي قال فكرة قصاد حد من الإدارة العليا كان موجود قدرا بيمر والفكرة دي اتسببت في نجاح عظيم نقل أرباح الشركة لرقم كبير جدا .. فقرر الشخص اللي من الإدارة العليا إنه يصرف مكافأة ويرفع مرتبه بأثر رجعي و يخليه مدير القسم !

ومديره اللي شتمه هيشتغل في إدارة تانية ..

لقيتني بقول لمديري : شفت ربنا جاب له حقه إزاي واحنا واقفين نسقف له ..

مديري: لأ، لسه !

قلت له لسه إيه؟

قالي .. القوة اللي بتحكم العالم مش عشوائية، هي ردت اعتباره بس لسه منزعتش الأذى اللي وجع قلبه وقتها !

وبين ما احنا بنتكلم ..

الراجل اللي من الإدارة العليا سأل الموظف ده نفسك في إيه أحققهولك؟

قال له : من فترة غلطت عشان كنت خايف آخد قرار غلط فيمشوني ومراتي حامل و عليا ديون كتير .. خفت لو أخدت قرار صعب اترفد وأنا مش متثبت لسه .. فالراجل ده شتمني واعتدى عليا بألفاظ وحشة وزقني ومكنتش عارف أرد عليه لأني مبعرفش أرد على حد بيشتمني ..

قال له كلمة معبرة جدا : " انت صاحب القرار، لو عايزني أوقفه عن العمل الآن لأنه لم يتبع ميثاق الأخلاق بتاعنا هوقفه وممكن نمشيه خالص .. ولو عاوز يبقى تحت إدارتك وتبقى أنت مديره هنعمل كده "

رد عليه الموظف : قاله أنا مش عاوز حاجة، أنا كنت عاوز أسمع ده بس، عشان لحظة ما اتهانت وصعبت عليا نفسي فكرت إن أنا أقل من إن ربنا ينصرني أو يبص ليا حتى ويجيب لي حقي .. فلما انت قلت كده حسيت إن ربنا موجود و شايفني وإني مش قليل عنده.

مديري بقى : ببكاء شديد جدا " نور، شوفتي .. أهو .. صاحب القدرة المطلقة رد .. جاب له حقه و لم يكتفي ده خلاه يشوفه ويعرف إنه موجود .. مش خلقه كده وخلاص ! "

عرفت يومها .. إن فيه ناس بتاخد الدين بالمعلقة ومبتفهموش، وفيه ناس بيتجرب عليها الدين و بتقع في اختبارات وبتمشي طرق طويلة صعبة عشان تبحث عن الله،

عرفت إن لازم يكون بينا ناس مؤذية وناس تانية مسالمة بتقبل الأذى ..

عرفت إن الله .. مش كتاب بنقراه .. لأ ده طريق بنمشيه بصعوبة و أذى بنتحمله بأعجوبة وصراعات نفس لا تنتهي و خوف ويأس واحباط .. بس نهاية الطريق هو .. هو الله.
منقول✝️☦️✝️