19/05/2023
في فنيين صيانة كتير مبيحبوش يشتغلوا في الأيباد Ipad (و أنا كنت منهم في يوم من الأيام) ، عارفين ليه ؟
- عشان التقفيييييييل .
مش صعب تفتح الآيباد ، ولا صعب تشتغل فيه (لو فاهم) ، لكن فعلاً صعب تقفله تقفيل محترم .
هياخد منك وقت و مجهود كبير ، و ممكن برضه في النهاية النتيجة متكونش مرضية 😔 .
و أنا لأني perfectionist و موسوس 🤣 كنت بتعذب مع الآيبادات ، ياما ضيعت وقت و أخرت شغل بسببهم😭 . و أحياناً ماكنتش ببقى راضي عن النتيجة برضه (رغم أن الزبون بيبقى مبسوط) . لحد ما حطيتهم في دماغي ، و أخدت الموضوع تحدي . و قررت إني مستلمش أيباد Ipad إلا و أنا مسلمه لصاحبه perfect .
و فعلاً ، جبت الأدوات اللازمة ، و اتدربت على كل الطرق ، لحد ما اكتشفت أفضل طريقة (بالنسبالي) لتقفيل الآيباد تقفيل مصنع ، بدون أي عيب من عيوب التقفيل المعتادة .
و الحمد لله ، النتيجة زي ماهو واضح في الفيديو .
الفيديو في أول كومنت .
و قريباً هنزل بوست عن عيوب التقفيل عموماً ، و الآيباد خصوصاً ، و أسباب العيوب دي .
م.معتز 01012101160
الإسكندرية - ميامي
