اتعلم كمبيوتر مع المهندس

20/11/2020

النهاردة و بس 50% خصم ع الصيانة فقط.
متنسوش تصلوا علي سيدنا النبي

15/11/2019

هل ينافس "داك داك جو" محرك البحث"جوجل"؟

في ناس كتير فاكرة إن "جوجل- Google" هو محرك البحث الوحيد في العالم من كتر ما هو مشهور، لكن الحقيقة هي إن في محركات بحث تانية موجودة ممكن تكون مش معروفة قوي زيه إلا إنها ناجحة وبتستقبل ملايين من طلبات البحث يوميًا.

وعلشان الأمور تكون واضحة خلينا نبص على قائمة أفضل 10 محركات بحث في العالم ونشوف الحصص السوقية لمنافسين "جوجل" هنلاقي إنه وفقًا لأحدث تقرير عمله موقع "ستيت كاونتر- StatCounter" المتخصص في تحليل بيانات شبكة الإنترنت واللي بيغطي الفترة من أغسطس 2018 إلى أغسطس 2019 كانت الشركات الخمسة اللي حصصها أعلى في سوق محركات البحث العالمي هي "جوجل" بنسبة 92.37%، وبعد كده "بينج- Bing" بنسبة 2.63%، بعدين"ياهو- Yahoo" بنسبة 1.8%، وبعد كده "بيدو- Baidu" بنسبة 1.1%، وبعدين "داك داك جو- DuckDuckGo" بنسبة 0.55%.

ولما نتابع تقارير السنوات الماضية هنلاقي إن محرك بحث "داك داك جو" duckduckgo.com قدر يتحرك من المرتبة الثامنة في عام 2015 ويجي في المرتبة الخامسة في 2019 ودي حاجة ممكن للوهلة الأولى ما نهتمش بيها خاصة إن جوجل شبه محتكر لسوق محركات البحث بقاله سنين لكن هنلاقي نفسنا بنرجع لها لما نسمع الأصوات الكتير اللي بدأت تتكلم عنه بوصفه من محركات البحث الواعدة اللي ليها مستقبل واللي ممكن على المدى البعيد يدخل في منافسة حقيقية مع جوجل.

الآراء اللي بتتبنى وجهة النظر دي شايفين إن "داك داك جو" بخلاف محركات البحث التانية اللي موجودة في السوق قدر يخلق لنفسه مجموعة من المميزات الخاصة بيه هو بس واللي بدأت تجتذب ناس كتير علشان تجربه، وممكن نقول إن واحدة من أهم المميزات دي واللي اكتسب المحرك شعبية كبيرة بسببها هي إنه سهل الاستخدام وفي نفس الوقت بيحترم خصوصية المستخدمين وبيحمي بياناتهم وهما بيبحثوا عن أي معلومة أو بيتصفحوا أي موقع وده لأنه مش بيجمع أو بيشارك أي معلومات شخصية عنهم أو أي نشاط بيعملوه وبالتالي مفيش إعلانات بتفضل تلاحقهم.

"داك داك جو" بيعمل ده من خلال توضيح ممارسات الخصوصية السيئة للمستخدمين لما بتكون معروفة، وفي نفس الوقت بيحظر برامج التتبع الخفية اللي بتكون موجودة على المواقع اللي بيزوروها وينقلهم للإصدارات المشفرة من المواقع لما بيكون ده ممكن.

كمان المحرك متاح بـ23 لغة، وبيتميز بتصميمه البسيط ودقة نتائجه لدرجة إنه بيسمح للمستخدمين إنهم يبحثوا من خلاله جوا مواقع تانية، مش بس كده هو كمان بيسهل الحصول على النتائج عليه لأنه بيظهرهم كلهم في صفحة واحدة بيقدر المستخدم يمر عليهم بشكل لا نهائي وبالتالي مش بيكون مضطر يتنقل بين أكتر من صفحة، ده غير كمان إنه آمن في الاستخدام العائلي يعني الأطفال يقدروا يستخدموه بدون قلق من جانب الأهل.

ده بالإضافة إلى سرعة استجابة فريق الدعم الخاص بالموقع للمشكلات اللي بتواجه المستخدمين وحلها بشكل فوري، وعلشان كده هنلاقي إن متوسط عمليات البحث اللي بتتم على محركهم البحثي بتزيد سنويًا ووصلت في أغسطس اللي فات لـ44 مليون عملية بحث يوميًا وده لأن في ناس كتير بدأت تسيب محركات البحث التانية وتستخدمه.

ونقدر نقول إنه في الوقت اللي غالبية الناس ما بقاش عندها أي أمل في إمكانية وجود خصوصية ليهم على شبكة الإنترنت مؤخرًا هنلاقي إن محرك "داك داك جو" وجهود رئيسه التنفيذي جابريل وينبرج اللي خلى النقطة دي مهمته الأساسية والميزة التنافسية اللي في مشروعه من عام 2008 بدأت تؤتي بثمارها أخيرًا.

لأنه من أكثر من 10 سنين كانت معظم الناس مش حاطة جزئية الخصوصية في اعتبارها لأنهم ما كنوش شايفين إنها ممكن تمثل تهديد ليهم لكن مع زيادة نفوذ شركات كثيرة أبرزها: "جوجل" و"فيسبوك" و"أمازون" وتصاعد الغضب عليهم بسبب سيطرتهم على بيانات المستخدمين واللي ثبت تورط بعضهم في بيع البيانات دي من ورا أصحابها للمعلنين علشان يساعدوهم على تغيير عادات الشراء، وبيعها كمان لشركات الخدمات السياسية علشان يغيروا نتائج الانتخابات الوضع اختلف تمامًا وبقيت الناس عايزة تحمي خصوصيتها.

وده خلى جابريل وينبرج يعمل تحركات جادة علشان يشجع الناس على الدفاع عن حقهم في الخصوصية فهنلاقيه عمل مدونة بيقدم لهم فيها نصائح عن إزاي يحموا نفسهم على الانترنت ده بالإضافة لتحليلات عن وضع المراقبة على الإنترنت.

مش بس كده هو كمان بيطور مشروع قانون مناهض لتتبع بيانات المستخدمين، وده بهدف إعطاء قوة قانونية لمبدأ حماية خصوصية المستخدمين على الإنترنت خاصة إن كان في مشاريع قوانين سابقة في نفس الإطار ده وتم إيقافها رغم إن كون الحق في الخصوصية واحد من حقوق الإنسان اللي نص عليها الإعلان العالمي لحقوق الإنسان الصادر عن الأمم المتحدة.

وفي النهاية، الكلام ده بيخلينا نأكد من جديد على أهمية إنك تشتغل على نفسك وعلى مشروعك رغم أي صعوبات بتواجهها علشان لما الفرصة تجيلك تكون جاهز لاقتناصها زي ما جابريل وينبرج عمل كده لأنه من البداية أدرك إن خصوصية المستخدمين وأمنهم ميزة تنافسية يقدر يقدمها للناس وفعلًا هي دي الجزئية اللي سمحتله إنه يضمن لنفسه حصة في سوق محركات البحث بدأت تزيد بسرعة في السنوات الأخيرة لما الناس أدركت أهميتها فهنلاقي إنه من عام 2014 عدد الزيارات على موقع "داك داك جو" بيزيد بمعدل 50% سنويًا.

The Internet privacy company that empowers you to seamlessly take control of your personal information online, without any tradeoffs.

05/10/2019

التحكم في برامج بداية التشغيل
=================
توجد بعض البرامج والتي تعمل تلقائياً عند تشغيل النظام و في بعض الأحيان تتراكم الكثير من البرامج مما يسبب بطء الجهاز ويستنزف الكثير من الذاكرة وأغلب تلك البرامج ليست ضرورية

ويمكن التغلب على هذه المشكله بالآتي .
1. Start

2. Run

3. أكتب الأمر التالي msconfig

4. واختر نافذة Startup

5. أزل العلامة من أمام اسم البرنامج لمنعه من العمل في بداية تشغيل الجهاز .

6. إضغط على Ok .. ثم أعد تشغيل الجهاز .

ويمكنك في أي وقت آخر إعادة ميزة التشغيل التلقائيه لأي برنامج . وذلك بتكرار العملية السابقة . والتأشير بعلامة أمام اسم البرنامج . وستجده عادا مجدداً للعمل تلقائياً في بداية التشغيل .

05/10/2019

أشهر 7 فيروسات
1- الأوتورن : هذا ليس بفيروس إنما ملف يشغل الفيروس عند وصل القرص المحمول بالحاسب
2- سالتي : من أسوء انواع الفيروسات حيث أنه يصيب الملفات التنفيذيه exe ويمنع من تنصيبها
3- الشبح: يخفي جميع الملفات والمجلدات بالفلاشة وينشأ إختصارات لها وعند ضغطها تنتشر بالجهاز
4- الصيني : عند فتح الفلاشة دبل كليك لا تفتح وتصاب كل السواقات بقائمة زر اليمين بكلمات صينية
5- مجلد جديد : ينشأ ملف تنفيدي تحت اسم new folder داخل كل مجلد وعند تشغيلة يتكاثر أكثر
6- الدب : يظهر بالفلاشة أو كرت الذاكرة بحجم أكبر من سعتها يعني ستجد ملف 6 غيغا بايت بفلاشة 6 غيغا بايت
7- مليسا : أختصاصوا يسرق صوره عشوائيه من جهازك ويدمجها بفايروس ويبعثها بفايروس لأصدقاء بالإيميل

03/10/2019

الكل يحاذر وهو بينزل اي ملفات من علي الإنترنت لان الفتره ديه انتشر فيرس الفديه وللاسف تم صدور رانسوم وير جديد للهواتف التى تعمل تحت منصة نظام التشغيل : اندرويد ! احذروووووووووووو

29/09/2019

في الموبايل بتاعك كنز كدة اسمه Play store لازم تستغله صح
محتاجك تاخد لفة كدة في البوست ده هتلاقي 50 ابلكيشن مفيد واحسن من الفيسبوك والواتس والانستجرام حمل منهم اللي يناسبك واللي انت شايفة هيكون مفيد ليك اكتر

1- Qoura
ده عبارة عن مجتمع كدة لكل الناس اللي عنده اسئلة بيسألها في ناس بيجاوبوا عليها في كل المحلالت بقي يعني اللي انت عايز تعرفه اسئل عنه وهتلاقي اللي يجاوبك.
2- Linkedin
ده بقي بديل الفيسبوك بس ده بقي اللي هيعملك شبكة اجتماعية تقدر من خلالها تبحث عن الوظائف اللي انت محتاجها.
3- TED
تيد عبارة عن حدث يتم احيائه في جميع دول العالم حتى من الدول العربية يحتوي على اشخاص ذوي تجارب وبحوث وخبرات ومشاريع واختراعات يقومون بعرضها امام الناس الحدث ليس مقيدا بتخصص معين كل التخصصات فيه وجميع الفيديوهات فيه مفيدة
4- Science journal
مجلة تحتوي على معلومات قصيرة ومفيدة جدا مقدمة من جوجل، هذا التطبيق سيفيدك جدا سواء كنت طالب او موهوب اكاديمي او مبتدئ فقط قم بفتح التطبيق وابحث او احصل على اخر المعلومات والعلوم، يحتوي التطبيق على معلومات هائلة مدعمة بالصور والسيناريوهات لأجل ان تصل المعلومات اليك بشكل بسيط
5- Medication reminder
يعتبر هذا التطبيق واحد من افضل تطبيقات الاندرويد لمتابعة المرضى، ميزة هذا التطبيق انه يعمل بمثابة تذكير على موعد اخذ دوائك، اذا كنت مريضا او قريبا لك مريضا (لا قدر الله ذلك) وتأخذ ادوية بالطبع سيكون لهذه الادوية مواعيد ووقت محدد حتى تتماثل للشفاء بشكل سريع،
6- Photomath
تطبيق مفيد جدا في حل المسائل كل اللي عليك تصور المسألة وتسيبه هو يشتغل
7- Pocket
يسمح لك بحفظ اي رابط تريد وذلك من خلال تويتر مباشرة او من خلال اي موقع بالضغط على الرابط ثم عمل مشاركة واختيار تطبيق بوكيت او بفتح التطبيق والدخول عليه واضافة الرابط يدويا.
8- Never miss fajr
هيصحيك تصلى الفجر ومش هيسكت غير بعدد ضغطات معينة تحددها او مسائل رياضية تحلها مثلاً.
9- Alarmy
افضل برنامج منبه في العالم بمجرد ما تظبطه عل الساعة ويشتغل مش هيفصل الا اذا عطالك مسائل وانت حليتها يعني هتقوم هتقوم
10- Fing
تطبيق متكامل يوفر لك أدوات عديدة من أجل التحكم في الشبكات الخاصة بك، يمكنك التطبيق من حل مشاكل الاتصال عبر شبكات الواي فاي في جهازك، معرفة معلومات عن الشبكة، معرفة سرعة الانترنت أيضا و العديد من البرمجيات الصغيرة التي يجمعها تطبيق Fing
11- Star walk 2
برنامج حلو جدا في اكتشاف عالم الفضاء بيوضحلك النجوم والكواكب ويديلك معلومات عنها وشكلها وكل حاجة عن الفضاء
12- ISS live
ده بقي بيخليك تشوف الكرة الارضية فيديو جميل جدا متصور من محطة الفضاء الدولية وبيكون تصوير مباشر
13- Expedition
مشروع اخر من مشاريع جوجل الكبرى و الرائعة أيضا، هو مشروع مبني بتقنيات حديثة تمكنك من الإطلاع على أماكن في هذا العالم بشكل ثلاثي الأبعاد، يعتمد التطبيق في الأساس على الـ Virtual Reality من أجل توفير رؤية أفضل، لكن لازال بإمكانك إستخدام التطبيق و إن كان هاتفك لا يدعم تلك التقنية، يمكنك زيارة أماكن في هذا العالم و تصفحها كما لو كنت موجودا هناك.
14- audio to text for whatsapp
ده بقي عشان لما حد من صحابك يبعتلك ريكورد علي الواتس والحاج قاعد جنبك وخايف يكون في شتيمة فده هيحولك الريكرد لكلام تقرأه
15- calendar clock wedgit
يقوم هذا الويدجيت بوضع مواعيدك مثل التنبيهات والتذكيرات والأحداث في التقويم التي على هاتفك بوضعها في عجلة وعرضها على الشاشة الرئيسية بحيث تصبح عملية الوصول اليها والتذكر بأن لديك شيئ ما بسيطة جدا ويمكن القيام بها بسهولة.
16- For9a
ده تطبيق بيعرضلك كل المنح الدراسية والفرص والمسابقات علي مستوي العالم
17- Air droid
يوفر خصائص أفضل كما يمكنك فتحه في متصفحك أو إستخدام النسخة الخاصة بالويب، يسمح لك التطبيق بإرال الملفات و إستقبالها بين الحاسوب و الهاتف بسلاسة و سرعة، يتميز بالخفة و السرعة و الحماية أيضا، كما يمكنك إدراج أزيد من جهاز دفعة واحدة مما يتيح إستخداما متزامنا لكل الاجهزة
18- Cv maker
ده تطبيق بيساعدك علي انك تعمل سيرة ذاتية محترمة ليك
19- Sticky notes & widgets
تطبيق الملاحظات السريعة يمكن الاستعانة به بشكل كبير من قبل الطلاب في كتابة ملاحظاتهم الدراسية او الفلاش كاردس للدراسة، عند سماع الطالب للدرس او المحاضرة ستمر عليه ملاحظات مهمة قد يحتاج ان يدونها وافضل طريقة لذلك كتابتها في مكان تظل فيه حتى تقوم بالإطلاع عليها في وقت اخر
20- My study life
يمكن الاستعانة بهذا التطبيق لتسجيل ملاحظاتك جداولك واوقات امتحاناتك يمكن ان تعتمد على هذا التطبيق بشكل اساسي في عملية التذكير الخاصة بواجباتك وبحوثك امتحاناتك وتطبيقاتك مشاريعك الفصلية وأوقات المحاضرات،
21- XE currency
توفير افضل منصة لتحويل العملات، الواجهة الخاصة بالتطبيق بسيطة حالة العملة واضحة ويمكن استخدام اكثر من عملة للتحويل في نفس الوقت على سبيل المثال انك قمت بإضافة الدولار الامريكي، واليورو، والباوند ثم الريال السعودي والجنيه المصري على اول واحد فيهم تقوم بكتابة قيمه منه في الشريط الرئيسي سيقوم التطبيق اوتوماتيكيا بالتحويل في بقية العملات مقابل العملة الرئيسية.
22- Fortune city
قم بتسجيل ما تملكه في المصرف او مدخرات بعد فتح حساب واختيار نوع العملة ثم قم بتسجيل ما تصرفه وايضا تسجيل ما يدخل عليك من اموال حتى تستطيع ادارة الاموال بسهولة، يحتوي التطبيق على اكثر من قسم يمكن عند صرف الأموال ان تضع هذا الصرف في أي قسم ثم خلال نهاية الشهر يمكن ان تتحصل على مخطط يوضح كمية الصرف وكمية المدخول.
23- Detox blocker
لو هتعمل اي حاجة او هتذاكر شغل التطبيق ده وحدد وقت معين مثلا ساعتين هو هيقفلك الموبايل لمدة ساعتين ومش هيفتح أبدا حتي لو عملت ريستارت للموبايل عشان تعرف تذاكر براحتك.
24- Cognito
برنامج عظيم لتمارين الدماغ يومى وينشط خلايا الدماغ بطريقه محفزه و لذيذة
25- Water tracker
هيفكرك بشرب ماء بحسب احتياج جسمك (الطول والوزن والانشطة) لانه من الخطأ صحياً ان يصل جسمك لمرحلة العطش .

26- Camscanner
الأمر بسيط قم بفتح التطبيق وجههُ للمستند، الفاتورة، الشهادة، الورقة الحكومية، الخ، وقم بأخذ صورة سيقوم هذا التطبيق اوتوماتيكيا بحفظ المستند على هيئة صورة او PDF او ارساله مباشرة من التطبيق سواء صورة ملونة او صورة عادية (اسود وابيض).
27- أذكار المسلم
هيجيبلك أذكار وإستغفارات فى جنب الشاشة كل شوية طول ما أنت فاتح الموبايل .. بالاضافة ان فيه أذكار الصباح والمساء والفروض.
28- Rivet
تطبيق كويس جدا للأطفال عليه نقريبا 2000 كتاب بيساعد علي تنمية المهارات
29- Home workout
ده برنامج كويس جدا بيساعدك في انك تعمل تمارين رياضية في البيت بيقولك التمرين وازاي تعمله مع رسم حركي يوضحلك الطريقة الصحيحة وتعمله كام مرة.
30- music Speed changer
ده برنامج بيسادك في انك تعمل تسريع للريكوردات وانت بتذاكر بحيث تخلص الريكورد بسرعة
31- ex book
البرنامج ده بيساعدك في حالة انك خلصت كتاب وعايز تقرأ كتاب تاني بس مش قادر تدفع تمنه بيخليك تعمل تبادل للكتب مع حد تاني قرأه الكتاب اللي انت عايزه ومحتاج الكتاب اللي معاك
32- Picsart
ده بيساعدك في انك تعدل علي الصور براحتك ةتعمل لوجوهات وحاجات جميلة جدا
33- سبحتي
ده عامل زي سبحة الكترونية علي موبايلك عشان تسبح براحتك
34- Oxford
قاموس انجليزي انجليزي ممتاز ويعني يعرفك النطق الصحيح للكلمة
35- Here
ده برنامج شبه خرائط جوجل بس الاحلي بقي انه بيخليك تستخده اوفلان من غير نت.
36- Couresra & Udemy & udacity & Edx
أفضل apps بيقدمولك كورسات في كل المجالات في الدنيا
37- إدراك & رواق
الاتنين دول زي اللي قبلهم بس بالعربي
38- Doulingo & memrise
دول افضل اتنين هيساعدوك انك تتعلم اي لغة في العالم بطرييقة سهلة وبسطة
39- Dict box
ده قاموس عربي انجليزي ممتاز جدا وهيفيدك جدا في الترجمة
40- Athan
ده بقي اللي هيفكرك بالصلاة في وقتها
41- weather clock and widget
ده هيعرفك بأحوال الطقس باستمرار يوميا ولمدة اسبوع قدام عشان تعرف تحدد خططك ومفيد جدا للي بيسافروا كتير
42- ABA
من البرامج الجميلة في تعلم اللغة الانجليزية عن طريق فيدوهات تشوفها وبعد ما تخلصها تكتب الملخص واللي فهمته منها
43- Wattpad
هيسهل غليك جدا لو انت من انصار ال Pdf
44- Pdf converter
ده بيسادك ان تحول اي ملف سواء وورد او بروبوينت او غيره لملف pdf
45- Sky scanner
ده عشان الناس اللي بتحب تسافر بيوضحلك مواضيع الرحلات واسعار تذاكر الطيران
46- Super backup
من افضل البرامج اللي بتساعدك في استعادة الملفات المحذوفة
47- Talk English standard
افضل ابلكيشن على الاطﻻق عشان تتعلم انجلش .. وهتلاقي فيه دروس للconversation وحاجات للwriting وكل اللى هتحتاجه ، واللى مش هتحتاجه.
48- اقرالي
ده بقي لو بتحب تسمع الكتب هتلاقي ناس بتقرأ الكتاب اللي انت عايزه وهتسمعه للاخر
49- Google news
من افضل البرامج في انه يعؤضلك الأخبار لو انت بتحب تتابع الاخبار والاحداث وتعرف ايه الجديد وايه اللي بيحصل في العالم
50- Almaany
ده معجم عربي عربي بيساعدك في انك تعرف معاني الكلمات العربية الصعبة لو بتقرأ في كتاب او رواية وقابلتك كلمة مش عارف معناها..
منقول وبصراحه بوست مفيد جدا ❤️💚

15/09/2019

04/09/2019

النهارده هنتكلم عن اخطر نوع فيروس شهده التاريخ وهو الرانسموير

* في البداية ايه هو الـ Ransomware وليه هو اخطر فيروس في التاريخ ؟

- الرانسموير بالعربي معناه ان جهاز الكمبيوتر الخاص بيك بيتصاب بنوع خطير من الفيروسات والفيروس ده مش بيكتفي انه بيدمرلك ملفات تشغيل الألعاب والبرامج مثلا زي زمان ،، لأ ده كمان بيدخل على ملفاتك كلها وبيشفرها بحيث انها تبقى قدامك ومتعرفش تستخدمها وده على كل ملفاتك بلا استثناء سواء صور او فيديوهات او ملفات صوتية او ملفات أوفيس او ايميلات بمعنى ان كل محتويات جهازك هتتعرض للتشفير وطبعاً مبرمج الفيروس ده بيسيبلك رسالة في جهازك بتقول ان ملفاتك اتشفرت وعشان تفك التشفير ده عليك انك تتواصل معاه وتبعتله مبلغ معين وهو هيبعتلك برنامج يفك التشفير ده ويرجعلك ملفاتك سليمة زي الأول.

- فيروس الفدية ظهر لأول مرة في عامل 2005 واتعمله اكتر من تعديل لأن برامج الحماية المشهورة كانت بالمرصاد ليه ولكن مبرمجين الفيروس فضلوا يطوروا فيه عشان يتمكنوا من اصابة اكبر عدد من المستخدمين عشان يزودوا مكاسبهم المادية.

* ازاي تقدر تحمي نفسك من فيروس الفدية ؟

- اوعى تستخدم جهاز الكمبيوتر من غير اي برنامج حماية وخصوصاً لو كان الكمبيوتر متصل بالإنترنت ،، فيه برامج حماية كتير شوف البرنامج المناسب ليك ولإستخدامك ولإمكانيات جهازك واستخدمه.
- تأكد ان حماية أمنك الإلكتروني بيبدأ وينتهي عند المستخدم نفسه ، بمعنى ان سلوك استخدامك للكمبيوتر بيحدد بنسبة كبيرة مدى امكانية اصابة جهازك بالفيروسات من عدمه.
- تجنب الدخول للمواقع المجهولة والمواقع اللي عليها اعلانات كتير.
- تجنب فتح اي لينك مجهول وتأكد قبل ما تحمل اي حاجة من النت انك محملها من مكان موثوق وان الحاجة اللي بتنزلها هي فعلا اللي انت عاوز تحملها.
- لو كنت من محبي الألعاب فخليك حذر جدا وانت بتنزل كراك او باتش ملف هاك لعبة معينة لأن الملفات دي بنسبة كبيرة جداً بتكون مصابة.
- لو بتتعامل مع الإيميلات تجنب فتح اي لينك في ايميل مجهول لأن دي اسهل طريقة الفيروس بيقدر بيها ينزل على جهازك.
- تأكد انك واخد دايماً نسخة احتياطية من ملفاتك المهمة على هارد خارجي او فلاشة " ملفاتك المهمة دي تكون صور وفيديوهات شخصية اللي هي مستحيل تقدر تعوضها " اما باقي الملفات زي الأفلام والأغاني وكده هتقدر تحملها تاني عادي فمش مهم اوي تاخد منها نسخة احتياطية عشان متزودش التكلفة عليك.

30/08/2019

الكمبيوتر واللاب توب ليس للترفية فقط .
لماذا يمنع اولياء الأمور ابنائهم منه اثناء الدراسة.
الكمبيوتر وسيلة تعليمية ممتازة

04/07/2019

الكنز المجهول فى Google ! 😃

- كلنا بنستخدم google بشكل يومى فى اننا ندور على احنا محتاجينه بس معظمنا مش عارف ان جوجل مليان أسرار فى البحث ..

- شوية أسرار بسيطه بنكتبها واحنا بندور هنوصل الى احنا محتاجينه بكل ببساطه :D

1- السر الأول (+)
نستخدم + لما نحتاج ندور على حاجتين مع بعض
- مثال :
Computer+internet
eat + drink

2- السر التانى (-)
نستخدم - لما نحتاج ندور على كلمه معينه مرتبطه بكلمه تانيه بس احنا محتاجين الكلمه الاولى بس
- مثال :
Green - burger
كده هيدور على green بس ومش هيظهر اى حاجه عن burger

3- السر التالت ( " " )
نستخدم " " لما نحتاج ندور فى المواقع على جمله مترتبه
- مثال
" i use facebook "
كده هيدور على كل المواقع الى فيها الجمله ده بترتيب الكلام بالظبط

4- السر الرابع (OR)
نستخدم OR لما ندور على كلمتين فى بس مش مش يكونوا مع بعض
- مثال
Eat or Drink
كده هيدور على المواقع الى فيها eat ومش شرط يكون فيها drink وبرده هيدور على المواقع الى فيها drink ومش شرط يكون فيها eat

5- السر الخامس :site
بنستخدم :site لما نحتاج ندور موضوع داخل موقع معين
- مثال
messi Site:Facebook.com
كده هيدورلك على كلمه messi فى موقع الفيس بوك

6- السر السادس (*)
نستخدم * لما نكون بندور وناسين كلمه من الى احنا بندور عليه
- مثال
how to * football
كده هيدور على كل كل جمله فيها التلات كلمات دور واكيد هتلاقى الى انت كنت بدور عليه

7- السر السابع +time
بنستخدم الامر ده + time لما نحتاج نعرف الوقت فى دوله معينه
- مثال
Time + England
كده هيجبلك الوقت فى انجلترا

8- السر التامن Info
بنستخدم info لما نحتاج نعرف معلومه عن موقع معين
- مثال :
Info : www.twitter.com
كده هيطلعلك كل المعلومات عن موقع تويتر

9- السر التاسع :filetype
بنستخدم الأمر ده لما نكون بندور على حاجة وعاوزنها تطلع فى صورة ملفات أو برنامج لتحميل
مثال:
Mechanical engineering filetype:pdf
كده هيطلع كل نتيجة البحث ملفات pdf