08/01/2026
فيه حاجات بتوجع قوي
مش علشان انتهت
لكن علشان اتحاول فيها بكل صدق… ومكملتش
صفاره
ماكانش أبليكيشن وخلاص
كان حلم اتحط فيه وقت، وصحة، وسهر، وضغط، وأمل
كان مشروع بنصحى وننام عليه
وبنقاوم علشانه لآخر نفس
النهارده
وبحزن حقيقي
بنعلن قفل تطبيق صفاره بشكل نهائي
مش لأننا ماحاولناش
ولا لأننا استسهلنا
لكن لأن في لحظة ما
الطريق بقى أقسى من اللي نقدر نكمّل فيه
بنعتذر من قلوبنا
لكل مستخدم وثق فينا
لكل حد انتظر من صفاره يكبر
لكل شخص كان شايف فينا بداية حاجة حلوة
وجع الفشل مش في القفل
الوجع الحقيقي
إنك تبقى عارف إنك عملت اللي عليك
وبرضه النهاية مش زي ما حلمت
صفاره وقف
بس الذكريات، والتجربة، والدروس… لأ
لسه مكملين جوانا
ادعولنا
مش علشان رجوع
لكن علشان اللي جاي يبقى أرحم
وأصدق
وأقرب للحلم اللي لسه ما ماتش
وداعًا صفاره…
وشكرًا على كل حاجة 💔
