01/12/2019
لو أنت مشترك انترنت ADSL مع شركة WE
فالبوست ده يهمك جدا قبل ما الخدمة تقطع عليك 😥
التحديثات الجديدة من الشركة وكيفية التصرف معاها :
- الاشتراك بيتم قطعه بمجرد انتهاء مدة الاشتراك بساعه واحده ، يعني لو انت مشترك في 1 يناير نهاية الاشتراك يوم 31 يناير الساعه 12 مساءا .
- تم إلغاء فترة السماح اللي كانت عبارة عن 48 ساعة حتى السداد . والجديد بقى تستلف 10 جنيه علشان تديك فترة سماح يومين وتسددهم 11.5 جنيه عند تجديد الاشتراك بالإضافة لقيمة الاشتراك الصلي .
- في الأول كانت الخدمة لما بتفصل بسبب الفاتورة لمبة ADSL و لمبة Internet كانوا بيفصلوا بمجرد انتهاء فترة الاشتراك . لكن دلوقتي اختلف الموضوع ده ، و بتستمر كل لمبات الADSL و الinternet بدون انقطاع وهتفتكر إن مفيش مشكلة في النت غير لما تتصل بخدمة العملاء ويقولوا لك إنت كده عليك فاتورة ولازم تسددها علشان تشغل الخدمة .
- بالنسبة لسداد الاشتراك أصبح بشراء الباقات ، حاجه كده شبه باقات الموبايل .
يعني لو انت على اشتراك سوبر 140 جيجا ، اللي ب137.5 ج شهريا .
فعلشان اشحنهم اشتريت باقة بـ 100 جيه وباقة بـ 40 جنيه وبالفعل جدد الباقة تلقائيا بعد ما كملت قيمة الرصيد و قالي ليك رصيد 2.5 جنيه .
- و كمان تقدر تشحن ب كروت حن وي رصيد ب مبلغ الاشتراك عن طريق فوري.
يعني مثال أنت متعود تدفع 140ج كل شهر
إذا قول للراجل عايز ادفع فاتورة النت وعايز ادفع ليك 140ج ..+ أنت ممكن كمان تشحن ب 500ج رصيد في حسابك ....هيريحك جدا لو الباقه خلصت تقدر تجدد الباقة أو تشحن باقة اضافية من غير تروح ل فوري أو فروع وي.
- بخصوص تطبيق We على الموبايل تم تحديثه و أصبح لكل رقم تليفون أرضي حساب منفصل تقدر تتابع بيه خدماتك وباقاتك وكل خماتك.
- النصيحة بقى إنك تشحن الباقة بتاعتك قبل ما النت يفصل عليك علشان ماتزعش لما يقطع عليك فجأة وتلاقي نفسك متورط 😂
