16/11/2025
🔧 عطل Samsung A14 (A145F) – تجربة شغل 7 ساعات
نصيحة قبل ما أدخل في تفاصيل العطل:
بلاش حد يشتري أي موديل سامسونج بيبدأ بحرف A.
الجودة ضعيفة جدًا… قصدير البوردة سيئ، الماسك أضعف، والخامات عامة رديئة مقارنة بأي فئة تانية.
---
🔍 تفاصيل العطل
جالي جهاز Samsung A14 (A145F) من صديق، وكان معمول فيه صيانة قبل كده، وواضح إن الذاكرة كان عليها شغل.
الخطوات اللي اتعملت في التشخيص والإصلاح:
1️⃣ فحص أولي
وصلت USB… مفيش ريأكشن.
بدأت أقيس ممناعات خطوط الذاكرة… لقيتها OL رايحة على المعالج.
2️⃣ رفع الآيسيهات
رفعت المعالج والذاكرة وبدأت الشغل على البوردة.
لقيت خطوط البوردة خارجين يقولوا السلام عليكم—مقطوعين بالكامل بسبب الشغل القديم.
3️⃣ إعادة إعمار البوردة
بدأت أعيد أعمار الرجول من أول وجديد…
بذر وجذور حرفيًا 🔥 شغل ترميم مش إصلاح!
4️⃣ رجوع القراءة الطبيعية
نزلت المعالج…
قست ممناعات الخطوط اللي رايحة للذاكرة لقيتها زي الفل الحمد لله.
5️⃣ تركيب الذاكرة والتجربة
نزلت الذاكرة…
الجهاز اشتغل، سحب شحن طبيعي، ونوّر من أول مرة.
ما شاء الله لا قوة إلا بالله – مجهود 7 ساعات متواصلة ولكن النتيجة تستاهل 👌
---
✅ خلاصة الشغل
الجهاز رجع يشتغل 100%
العطل كان بسبب صيانة سيئة وتم إصلاحه بالكامل
وكل ده يؤكد إن الهارد محتاج خبرة وصبر ودقة.
Samsung
