اخبار قريه ابوجلال

12/08/2026

حاليا في الأسواق

11/08/2026

7 من عيلة واحدة.. خرجوا يطلبوا الرزق فرجعوا جثـ امين 💔

في قرية واحدة، اتربوا أبناء العم سوا..
دخلوا المدرسة سوا، كبروا قدام بعض، ولما الدنيا حملتهم المسؤولية بدري، قرروا ينزلوا الشغل علشان يساعدوا أهلهم ويوفروا احتياجات بيوتهم.

كل يوم كانوا بيصحوا بدري، يركبوا العربية ويروحوا المزارع بين الإسماعيلية والشرقية..
يشتغلوا طول اليوم، وفي آخر النهار يرجع كل واحد لأهله ومعاه رزقه.

لكن يوم الثلاثاء كان مختلف تمامًا..

خرجوا الصبح زي كل يوم، ومحدش فيهم كان يعرف إن دي هتكون آخر مرة يودع فيها أهله.

حادث مروع على طريق الدواويس بالإسماعيلية أنهى حياة 18 شخصًا، وكان من بينهم 7 من عيلة واحدة.

7 أفراد كانوا بيخرجوا من بيوتهم مع بعض..
لكن المرة دي رجعوا لأهلهم جثامين.

أحمد ويوسف.. إخوات.
محمد ومحمود.. إخوات.
كريم وإبراهيم.. إخوات.

7 أرواح راحت في لحظة..
وسابت وراها بيوت مكسورة، وأمهات وآباء مش مصدقين اللي حصل، وأطفال فقدوا سندهم.

هما ماكانوش رايحين فسحة ولا مشوار..
كانوا رايحين على أكل عيشهم، بيجروا ورا لقمة حلال تساعد أهلهم.

يا رب ارحم كل اللي راحوا في الحادث، واشفي المصابين، واربط على قلوب أهلهم..
اللهم اجبر كسر كل بيت فقد حبيبًا، وارزقهم الصبر على فراقه. 💔

11/08/2026

11/08/2026

11/08/2026

الواقع