22/05/2020
طب اي رايكوا نتكلم النهاردة ع جافاسكريبت
• الجافاسكريبت زي اي لغة برمجه منقسمه لاجزاء هتكلم عن بعض اجزائها سريعا
• اولا الاساسيات و اللي هي سينتاكس اللغه و ازاي بتتكتب
• data type => number - string - array - object - time - data .....etc
• ,جمل شرطيه زي ال If , If else , switch
• تكرار و لوب زي ال For , while .. etc
الجزء اللي فات دا يعتبر اساس اللغه و متشابه في كل اللغات تقريبا
• الجزء التاني دي عبارة عن functions جاهزة عملوها مبرمجين اللغه عشان تساعدك في شغلك فانكشن مثلا بتتعامل مع الاسترينج زي substring ,indexOf, splice ---- , و في اللي بيساعدك تتعامل مع الارقام زي parseInt .valueOf ---- , و في اللي بيتعامل مع الارراي و في اللي بيتعامل مع الاوبجكت و مع التايم و مع التواريخ و هكذا
طيب هل انا مطالب اعرف كل الفانكشنز و احفظها و اذاكرها -- لا و دي اول غلطه كنت بقع فيها اقعد احفظ في فانكشنز و طبق عليها لوحدها و بعدين احفظ غيرها فانسى الللي قبلها و دوخيني -- الفانكشن كلها موجودة على W3 , MDN لما تحتاج حاجة بتعمل حاجة معينه ارجعلها -- طبعا البشمهندس اسامة شارحهم بالتفصيل في فيديوهاته و يمكن دا اللي مطول الكورسات بتاعته بس دا لأنه عاوز يفهمك كويس و يبقى مرجع ليك -- انت بس محتاج تفهم يعني ايه اساسيات اللغه و يعني ايه فانكشن و تنطلق مع كل مشروع بتعمله هتعرف فانكشن حسب احتياجك و في فانكشنز عمرك ما هتحتاجها فتذاكرها ليه
• طيب انا ذاكرت الاساسيات و عرفت ال DOM و كمان لفيت كده لفه حلوة و عرفت - مش حفظت - فانكشنز كتير في اللغه و جيت اطبق لوحدي معرفتش لييييه؟
• لأن كل اللي فات دي ادوات للغه زي النجار المبتدأ اتعلم يعني ايه شاكوش و ازاي يدق بيه و اتعلم يعني ايه منشار و ازاي يقطع بيه يالى يا بطل خش اعملنا اوضة نوم -- هيعرف؟
• بالظبط المبرمج عرفت اللغه عرفت ادواتها طبق ثم طبق ثم طبق متذكرشي الاساسيات الف مرة كفايه مرة بفهم و بعدين طبق --- طيب اطبق لوحدي مش عارف طبعا اكيد لان البرمجة و التفكير البرمجى دا مهارة مش هتكتسبها بمجرد مذاكرتك اللغه -- لازم ثم لازم ثم لازم تطبق ورا حد خبرة قبلك و اليوتيوب مليان
• طيب طبقت ورا حد اعمل ايه ؟ جرب تعمل التطبيق لوحدك --- جرب تزود حتة --- جرب تعمل تعديل مش عارف اسأل جوجل
• المرحلة المهمه و اللي هتخليك محترف انك تطبق لوحدك و تجرب و تجرب و تغلط و تسأل ساعتها بس هتقدر تبقى محترف و تبقى جاهز تخش على المفاهيم المتقدمة زي ال oop و الفريموركس اللي زي الانجلر و الريأكت و الفيو و اللي بالمناسبة المفترض تسهلك و دا هتعمله لما تكون قويت نفسك في الجافاسكريبت الاول -- بالتوفيق و اسف على الاطالة
