18/12/2022
بالنيابة عن عائلة مارڤلز حابب اتكلم معاكم شوية عن التسويق بالمحتوى📣
تعرف ايه هو التسوق بالمحتوى؟🤔
"Content is king” جملة بتتقال كتير وهي فعلاً حقيقية لأن اي منتج او خدمة بتقدمها بتحتاج تظهر على هيئة محتوى للعملاء
🗯️التسويق بالمحتوى بيكون موجه لفئة معينه من الناس بيقدم معلومات قيمة ومفيدة و تقدر تساعد بيها الفئة المحدده على اتخاذ قرار الشراء
المحتوى له أنواع مختلفة ممكن تقدم محتوى عبارة عن " ديزين - مقاله - ڤيديو"📹
✨خطوات التسويق بالمحتوى⬇️
✔️حدد أهدافك من التسويق و الرسالة اللي محتاج توصلها لجمهورك زي مثلا محتاج تزود التفاعل على الصفحة او محتاج تزود المبيعات
✔️حدد مين جمهورك المستهدف وده بيرجع لدراستك للمنتج والخدمة اللي بتقدمها تعرف مين محتاجها من حيث السن ، المستوى التعليمي ، النوع ، الدخل وغيره
✔️اعرف إحتياجات الجمهور وقدمها في المحتوى وده هتقدر توصله لما تدرس كويس الجمهور المستهدف وسلوكه
✔️حدد الميزة التنافسية الموجودة في منتجك وبتميزك عن المنافسين علشان تقدر تقنع عملائك بمنتج
طب ازاي أعمل محتوى ناجح🤔
✨ابحث كويس قبل البدء في الكتابة عن موضوع معين
✨أستخدم أسلوبك الخاص من غير تقليد
✨فكر بطريقة مبتكرة وإبداعية تخلي محتواك مميز وسهل في نفس الوقت
✨اختار التون المناسب للعملاء المستهدفين
لو حابب تعرف معلومات أكتر عن التسويق متنساش تعمل فولو للصفحة واستنى البوست الجاي❤️✔️