21/05/2017
ازاى تشترى كاميرات مراقبة :
مبدئيا كل يوم هتسمع عن عروض لكاميرات مراقبة كثيرة و شركات اكثر و كتير منها مش مناسب او مش بالكفاءة المطلوبة اولا يتناسب مع سعره بس انت عشان عمرك ما اشتريت كاميرات مراقبة قبل كده او اشتريت بس متفرجتش على الفرق هتلاقى نفسك بتختار بناء على الاسعار بس .
النهاردة شركتنا " برين بوكس" هتساعدك بمعلومات بسيطة ممكن تفرق معاك و انت بتختار كاميرات المراقبة المناسبة لمشروعك او بيتك .
اولا :
لازم تعرف ان الكاميرات ليها اشكال مختلفة منها اللى بيركب فى السقف و دى معظمها بيبقى للاماكن الداخلية و منها اللى بيركب على الحيطة ودى معظمها للاماكن الخارجية
و دى لازم تكون مقاومة للعوامل الخارجية زى الشمس و المطر و طبعا اختيارك لشركة متخصصة و كاميرات جودتها عالية ممكن يوفر عليك عدد الكاميرات اللى ممكن تغطى بيها المساحة المطاوبة .
ثانيا :
الكاميرات لازم تبقى بتشتغل بالليل فى حالة عدم وجود ضوء حواليها وده من خلال الانفرا ريد اللى بيطلع من الكاميرا و ساعتها الكاميرا هتصور فى الضلمة بس الصورة هتكون بيض و اسود بس خلى بالك معظم الكاميرات بتشتغل ليلى بس المهم قوة الاضاءة فى الضلمة شكلها ايه .
ثالثا :
الكاميرات عدت بمراحل تطور كتير بمعنى اول كاميرات مراقبة كان بيسموها انلوج لانها بتشتغل بطريقة بدائية و دى صورتها حاليا ضعيفة و كمان كاميراتها رخيصة , المرحلة الثانية عملوا كاميرات هاى ديفنيشن او بيقولو عليها اتش دى زى التليفزيونات الجديدة و طبعا فى درجات منها و جودة الصورة بتتحدد بحاجات كتير جدا لكن اهمها انك تسال الكاميرا دى كام ميجا بيكسل و كل ما الميجا بيكسل تعلى كل ما نقاء الصورة يكون احسن
و دى اسعارها بتتفاوت , و النوع الاخير اسمه كاميرات الاى بى و دى كاميرات بتشتغل على كابلات الشبكة زى الكمبيوتر بالظبط .
رابعا :
الجهاز اللى بتوصل عليه الكاميرات اسمه دى فى ار او ان فى ار على حسب نوع لكاميرات
اللى هتختارها و ده بيكون اربع مخارج او ثمانية او ستى عشر و هكذا وده الجهاز اللى بيفرق جدا جدا فى اسعار الكاميرات لان غالبا العميل بيسال و بيهتم بالكاميرات و بينسى الجهاز و بيعتبر ان كل الاجهزة زى بعض او ان الجهاز كل وظيفته ان يسجل الاحداث و بس و طبعا الكلام ده مش صح بالمرة . جهاز الدى فى ار جهاز فيه مواصفات كثيرة لازم تسال و تقارن كويس و كمان عشان تجيب دى فى ار بالمرة مش كل شويه تحتاج تغيره .
اخيرا :
الحاجات اللى بتاثر على اداء و عمر كاميرات المراقبة هى :
جودة المنتج و ده معناه انك متفرحش بالمنتج الرخيص ارجوك تتأنى و تسال على انواع الكاميرات كويس انت ممكن تركب كاميرات غالية حبه بس عمرها و جودتها تفضل زى ما هى مش تلاقى جودة الصورة بتقل كل شوية .
السلك اللى بتوصل بيه الكاميرات بجهاز الدى فى ار لازم يكون سلك بمواصفات معينة
وجودة معينة و ده هتعرفة لما تسال و تعاين و تقارن .
الادبتور او الباور سبلاى او تغذية الكهرباء لخاصة بالكاميرات و ده بيتقاس بالامبير و طبعا شركات كتير بتحاول تركب باور سبلاى بمواصفات ضعيفة او اقل من المطلوب و المفروض انك تعرف كل كاميرا بتستهلك كام امبير و بالتالى الباور سبلاى لازم يكون اعلى من مجموع احتياج الكاميرات .
اخيرا الفنيين اللى بيركبوا الكاميرات و الخامات اللى بيستخدموها فى التوصيل و التقفيل و ده عامل مهم و بيفرق جدا مع الوقت .
الخلاصة :
انت محتاج تعرف انت محتاج كام كاميرا و الكاميرا كام ميجا بيكسل ... افتكر ان الكاميرات الكويسة بتوفر عليك لانها بتغطى مساحة اكبر . كمان محتاج دى فى ار مناسب
و تعمل حسابك انك ممكن تزود كاميرا ولا اتنين او تعلى كفاءة الكاميرات و اخيرا نوعية السلك و الفنيين اللى هتركب .
لو عايز اى مساعدة متترددش ابعتلنا رسالة او اتصل
اول شارع المدارس من ميدان السقالة - الغردقة
065 3447888 - 01028011211 - 01272749111
[email protected]
#الغردقة
