12/03/2016
الـRoot بيبوظ الجهاز
اوعي تعمل Root لاحسن جهازك يبوظ
ده الواد ابن خالتي عمل Root و جهازه باظ
كتير مننا كـAndroid Users بنسمع الكلام ده
ان لم يكن مرة او اثنين او 10 مرات
طيب ايه حقيقة الكلام ده ؟
تصدق سلخت قبل ما اذبح
يعني ايه Root اصلاً ؟
هقول مثال
الاوضة الي انت عايش فيها لو مش عاجباك بتعمل ايه ؟
اكيد بتغيرها تغيير جذري
تشيل اللمبة دي من مكانها و تحط المروحة هناك و تشيل السرير تحطه مكان المكتب و هكذا
و ممكن تغير دهان الاوضة و دهان الباب و هكذا
طب لو برضه مش عاجباك ؟
بتروح مغير الاوضة كلها
فانت هنا مالك الاوضة
بتستغل صلاحياتك كـOwner في انك تغيير الاوضة كلها
يعني ايه بقي ؟
احنا ممكن نقول ان الـRoot صلاحيات بتسمحلك بعمل تغييرات جذرية في الموبايل الي انت ماسكه
طيب دلوقتي بقي الـRoot بيبوظ الجهاز او لا ؟
هل فيه ضرر ؟
نسأل سؤال مهم
لو هتغير سلك الكهرباء العمومي بتاع شقتك هتروح انت نازل بقي جايب سلك جديد و بسم الله الرحمن الرحيم و تبدأ تغير السلك بنفسك ؟
ولا هتجيب كهربائي يغيره لك ؟
بالعقل هتجيب كهربائي لان دي وظيفته فهو محترف في المجال ده او خبير في المجال ده او عنده علم كافي لذلك
لكن انا كأنسان عادي معنديش اي خبره اول حاجه هعملها هكهرب نفسي grin emoticon
نرجع للموبايل
انا طبعاً لو فاهم الـRoot و عارف اتعامل ازاي مش هغلط و بالتالي مش هتسبب في اي ضرر لجهازي
طب لو انا جاهل بكده ؟
ممكن الحظ يضرب معايا و امشيها بدون اخطاء بس هيجي لحظة و اغلط غلطة توقعلي الي ينيته كله
فلازم انا قبل ما اعمل شئ يكون عندي معرفة كافيه و الا هغلط
يعني من الاخر
الـRoot لا ضرر منه الا بالاستخدام الخاطئ و المتهور فقط
طيب لو انا غلطت غلطة و انا عامل Root اعمل ايه ؟
اتعلم ازاي تصلحها قبل ما تغلطها لان من بنود ضمان الموبايلات في مصر ان اي تعديل في نظام الهاتف يخرجك بره الضمان تماماً
و هرجع اكرر ان الـRoot لا ضرر منه الا بالاستخدام الخاطئ و المتهور فقط
شكراً
