03/02/2026
أكبر مشكلة بتواجه المحاسب لما يشتغل فى الحسابات:
من اكبر المشاكل ال قابلتنى اول مااشتغلت محاسب انى ماكنتش عارف ازاى اعمل شغل حسابات مظبوط كل ال درسته فى الكلية عبارة عن مدين ودائن وامثلة وحلها مرتبطة بمعاملات مالية مكتوبة على ورق انما فى الشغل الوضع مختلف تماما
لقيت اول ماعربية بضاعة توصل ينادوا عليه تعالى استلم البضاعة عشان ندخلها المخزن اول مافلوس توصل ينادوا عليه تعالى استلم الفلوس وشيلها عندك لوموظف محتاج سلفة يقولولى اصرفله وانا استلم واكتب فى كشكول اى حاجة بتحصل معايا لانى مش عارف المفروض اعمل ايه
الغريب بقه انى اول مرة اشتغل فيها محاسب بعد التخرج ولقيت نفسى مسؤول عن حسابات مصنع بالكامل جت بالصدفة كده معايا صاحب المصنع عايز يوفر ولقينى لسه متخرج وقابل بأى راتب عشان اتعلم فقام مشغلنى معاه
للأسف لقيت نفسى لوحدى ومفيش حد اتعلم منه وفضلت اسجل فى كشكول كده لمدة شهر لحد ماربنا كرمنى واتطورت شوية وبقيت بدل مااسجل فى كشكول بعمل ورقة يومية على الاكسيل واسجل فيها انا كنت متخيل وقتها انى عملت حاجة كبيرة قوى كان على ايامنا مفيش انتشار للبرامج المحاسبية , احنا كنا تقريبا ال معاه كورس ICDl
كنا بنكتب فى السي في الرخصة الدولية لقيادة الحاسب الالى
المحاسب ال كان بيشتغل اكسيل السوق كله يتمناه
واحده واحده بقيت ابحث على اليوتيوب ازاى اصمم كشف حساب وكانت دى بداية التطور من وجهة نظرى ايامها وعملت لكل حاجة فى المصنع كشف حساب تاريخ بيان وارد ومنصرف ورصيد
كان اكبر طموح بالنسبالى وقتها انى اصمم كشف حساب شكله حلو زى ال بيوصلى من الموردين الكبار فكنت اقعد انسق فى شكل كشوف الحسابات
كان هدفى اشتغل حسابات صح فكنت كل مااتعلم حاجة جديدة اروح مطبقها فى الشغل وطبعا صاحب المصنع مبسوط محاسب موفر عليه وبيجدد فى الشغل فبيقولى ال انت عايزه اعمله
مع مرور الوقت وانى كنت بقابل جميع صعوبات الشغل لوحدى كنت بتمنى اشوف محاسب فى شركة كبيرة كده واتفرج عليه شغال ازاى وهل فيه طريقة غيرال انا بعمله ده
الحمدلله بعد سنة قدرت انى اتعلم ازاى اربط الشيتات ببعضها فى ميزان مراجعة واحد وبعدها بقيت اتعمق اكتر فى دوال الاكسيل واعمل ملخص عام للعملاء وملخص عام للموردين وابتديت مرحلة جديدة تماما بالنسبالى فى شغل الحسابات وكان طموحى فى الوقت ده انى اتعلم اقفل قوائم مالية فى المرحلة دى كان ضغط الشغل كتير جدا لانى كنت ماسك المخازن والحسابات العامة
مع النقدية والرواتب وطبعا ماكانش فيه مقابل مادى فبدأت ادور على شغل تانى والمفاجأة ان تانى شغل ليه يكون مصنع فى نفس المجال فيه كادر الحسابات بالكامل(موظفين تكاليف ومخازن) واتقبل فيه مدير حسابات مش محاسب
المهم هكملكم قصتى فى بوست تانى لكن فيه حل يخليك متستناش سنه كاملة من البحث عشان تعمل شغلك مظبوط
عملنا كورسين لخصنا فيهم حلول لجميع المشاكل ال ممكن تقابلها عشان تقدر تدير حسابات منشأة بالكامل محاسبيا مظبوط
سواءا فيه برنامج حسابات شغال عليه او لا لاننا وفرنا انظمة حسابات بسيطة وسهلة جدا تقدر تستخدمها فى شغلك
كلامنا ال فات للمحاسبين فقط لاننا محددين تكلفة قليلة للكورسات والبرامج عشان نقدر نساعد أكبر عدد من اخواتنا المحاسبين ال نفسهم يعملو شغل حسابات مظبوط
لحجز كورس تصميم برنامج قيود أكسيل وكورس تأهيل المحاسب لادارة الحسابات تقدر تكلمنا فون اوواتساب على
01027116112 او 01141803329
لو بتقابل اى مشكلة محاسبية تقدر تكلمنا الاستشارات مجانية للمحاسبين فقط
