What are the opening hours?

Monday 10am - 5pm Tuesday 10am - 5pm Wednesday 10am - 5pm Thursday 10am - 5pm Sunday 10am - 5pm

Zenda Call Manager زندا كول مانجر

Home
Egypt
Giza
Zenda Call Manager زندا كول مانجر

Contact information, map and directions, contact form, opening hours, services, ratings, photos, videos and announcements from Zenda Call Manager زندا كول مانجر, Telecommunication Company, Giza.

زندا هو نظام اتصالات حديث يعمل بتقنية الـVOIP، ويقدم لمستخدميه الإمكانات التي توفرها أنظمة السنترالات التقليديةPBX ، بالإضافة للمزايا الحديثة والأدوات التي تتيحها تقنية الـVOIP، كل هذا في بيئة عمل واحدة تدعم المستخدم وتوفر له طرق سهلة للتشغيل والمتابعة.. زندا (Zenda Call Manager) هو نظام اتصالات حديث، وذكي، ومرن جدا، يعمل بتقنية الـVOIP، ويقدم لمستخدميه الإمكانات التي توفرها أنظمة السنترالات الداخ

لية التقليدية PBX، بالإضافة للمزايا الحديثة والأدوات التي تتيحها تقنية الـVOIP، كل هذا في بيئة عمل واحدة تدعم المستخدم وتوفر له طرق سهلة وبسيطة لتنفيذ المهمات.

يعمل نظام زندا على تقليل الفجوة بين القديم والجديد في مجال أنظمة الاتصالات، بما يسمح لمديري ومستخدمي الأنظمة التقليدية القديمة PBX بالانتقال السلس إلى الأنظمة الحديثة VOIP، والاستفادة من كل خبراتهم ومهاراتهم التي سبق واكتسبوها بالفعل في إدارة وتشغيل خدمات الكول سنتر (Call Center) بشكل احترافي.

يقدم نظام زندا العديد من الخدمات، مثل:
الرسائل التفاعلية IVR
تسجيل المكالمات Call Recording
البريد الصوتي Voicemail
السنترالات الداخلية PBX
عمل المكالمات الصادرة والواردة Incoming & Outgoing calls
شاشات المتابعة والتحكم Supervisor Dashboard
شاسات المستخدمين Agent Popup Screen
التكامل مع أنظمة العملاء CRM Integration
تقارير تفصيلية وإحصاءات عن مستوى الخدمة Reporting & Service Level Metrics
إرسال الرسائل النصية القصيرة SMS

24/04/2025

لما بتقرر تجيب كول سنتر لشركتك تديره بنفسك وبموظفينك، وتبعد عن فكرة الـ أوت سورس out source، وتبتدي تتواصل مع شركات مختلفة؛ بتلاقي نوعين من الكول سنتر بيتعرضوا عليك.. الأول هو الـ كلاود cloud خارج مقر شركتك، والتاني أون بريميز on premise بيكون داخل المقر عندك.

إيه الفرق بين الإتنين؟ وإيه مميزات وعيوب كل نوع؟ وإزاي تحدد النوع المناسب لك؟؟ 🤔🤔

ده إللي هنشوفه مع بعض في البوست ده.. هو بوست طويل شوية أنا عارف، وناس كتير مش بتحب البوستات الطويلة 🫣🫣 ، لكن إحنا هنا بنتكلم عن شغل وفلوس هتدفعها مش عن ترفيه وتسلية وقت.. فخليك معانا في البوست ده، وصدقني مش هتندم لحظة واحدة.. وأؤكد لك إنك هترجع تقرأه مرة تانية، ويمكن تالتة كمان 😊😊

💥💥💥

أول حاجة لازم تعرفها هي الفرق الفعلي بين النوعين دول.. فخلينا نشوفهم واحد واحد :😊😊

🔷 أولا: أون بريميز on premise🔷

في النوع ده من الكول سنتر بتكون كل مكونات الكول سنتر سيستم موجودة عندك في مقر شركتك.. وغالبا المكونات دي بتكون عبارة عن سيرفر بينزل عليه سوفتوير الكول سنتر نفسه بالتراخيص اللازمة.. بالإضافة لجهاز أو أكتر خاصين بتوصيل الخطوط الخارجية بتاعتك على السيرفر.. 😊☺️

وطبعا الخطوط دي بتكون خطوط أرضي أو موبايل، أو حتى الاتنين مع بعض، حسب الأنواع المتاحة عندك إللي عايز تستخدمها في التواصل مع عملائك وإرسال واستقبال المكالمات عليهم. ✊✌️

🔷 ثانيا: الكلاود cloud 🔷

وده - زي ما إنت متوقع دلوقتي بكل تأكيد - بيكون السيستم نفسه مش موجود عندك في مقر شركتك.. يعني السيرفر إللي عليه سوفتوير الكول سنتر بالتراخيص بتاعته بيكون عند الشركة إللي بتقدملك الخدمة.. وفي الحقيقة بيكون خاص بيهم مش بيك إنت.

طيب وبالنسبة لخطوط التليفون إللي هترسل وتستقبل عليها المكالمات؟؟ 🤔
هنا بقى بيكون في قدامك 3 سيناريوهات:

🔴 يا إما الشركة توفرلك خطوط من عندها (بتكلفة شهرية إضافية طبعا😉)، وفي الحالة دي فإنت مش بيكون عندك أي أجهزة في شركتك بجد. 😳

🔴 أو إن يكون عندك خطوطك الخاصة (أرضي أو موبايل) وعايز تستخدمها فعليا في التواصل مع العملاء إرسال واستقبال 😒..

وفي الحالة دي لازم الأجهزة الخاصة بتوصيل الخطوط تكون عندك في مقر شركتك علشان يتوصل عليها الخطوط، وبيتم ربطها بالسيرفر الكلاود بأكتر من طريقة مش هندخل في تفاصيلها هنا.. لكن أحيان كتيرة بتحتاج أجهزة تانية علشان يتعمل الربط ده، زي راوتر خاص، أو فايروول، أو حتى سيرفر صغير كده عندك في الشركة علشان يتم توصيلها بالسيرفر الكبير 🥳🫣

🔴 أو إن يكون عندك خطوطك إللي عايز تستقبل عليها المكالمات فقط، لكن التواصل مع العملاء مش شرط يكون على نفس الخطوط دي.. وفي الحالة دي الشركة بتوفرلك خطوط من عندها (بتكلفة شهرية إضافية زي ما وضحنا😉) وبتطلب منك تعمل تحويل للمكالمات من خطوطك إلى الخطوط بتاعتهم call forward بحيث العميل إللي يتصل على رقمك يرن عندهم ويستقبلوا مكالماته على السيرفر.

💥💥💥

طيب وإيه بقى مميزات وعيوب كل نوع من النوعين دول؟ وإزاي أختار بينهم؟؟ 🤔🤔

خلينا نبص على كذا نقطة مهمة، ونشوف كل نوع أخباره معاها إيه

💥💥💥

🔷 تشغيل الأجهزة 🔷

🔍 في حالة الـ أون بريميز on premise كل الأجهزة بتكون عندك في شركتك، وبالتالي إنت مسؤول عن تشغيلها وإبقائها شغالة.. يعني قطع الكهرباء وقطع النتورك وخلافه بيأثر بالتأكيد على عمل السيستم. 🫣

🔍 في حالة الكلاود cloud فالسيرفر نفسه مش عندك ومش بتكون مسؤول عن إبقائه شغال، فغالبا بيكون شغال طول الوقت بدون مشاكل. ✊✌️

لكن لو فيه أجهزة خاصة بالخطوط موجودة عندك في شركتك (زي ما وضحنا قبل كده)؛ فإنت برضه بتكون مسؤول عن تشغيلها، وأي توقف أو فصل لها بيأثر على عمل السيستم برضه وممكن يعطلك 🫣🤥

🔷 الاعتماد على الانترنت 🔷

🔍 بالنسبة للـ أون بريميز on premise فالسيرفر والمستخدمين بيكونوا داخل الشركة، وبالتالي بيشوفوا بعض عن طريق الشبكة الداخلية، ومش بيعتمدوا على الانترنت في أي شيء.. يعني النت سريعة أو بطيئة ملهوش تأثير على المكالمات ولا على جودتها ✊✌️

لكن لو فيه موظفين بيشتغلوا من خارج مقر الشركة، يعني من فرع آخر أو حتى من البيت؛ فدول طبعا بيتواصلوا مع السيرفر عن طريق الانترنت.. وبالتالي جودة مكالماتهم (ومكالماتهم فقط) بتتوقف على جودة خدمة الانترنت عندك في الشركة.. ولو الانترنت فصلت عندك فمش هيشتغلوا خالص 🫣🤥

🔍 أما بالنسبة للـ كلاود cloud فالموضوع بسيط جدا.. كل المكالمات بتتم عن طريق الانترنت.. والتالي لازم خدمة الانترنت في شركتك مش بس تكون مستقرة.. لأ دي لازم تكون عالية علشان تقدر تشيل كل المكالمات!

يعني لو عندك خط DSL عادي ومخصص فقط لخدمة المكالمات (يعني مفيش حد بيستخدمه في الشركة بقى في التصفح والتحميل وخلافه).. فده يشيل 3 أو 4 مكالمات في نفس الوقت بجودة مقبولة.. لو أكتر من كده هيبتدي الصوت يقطع وجودة المكالمات تبقى غير مقبولة 😱😱😱

🔷 تكلفة التشغيل 🔷

🔍 في حالة الـ أون بريميز on premise إنت بتتحمل تكاليف الأجهزة (سيرفر وأجهزة توصيل الخطوط) في الأول بشكل كامل.. لكن بعد كده مفيش أي تكاليف إضافية في التشغيل (غير طبعا فواتير التليفون العادية حسب استهلاكك الفعلي) ✊✌️🔥

🔍 أما بالنسبة للـ كلاود cloud فإنت مطلوب منك توفير خدمة انترنت عالية وموثوقة.. ولو الشركة موفرالك خطوط من عندها فبتدفع عليها تكلفة شهرية (حسب عدد الخطوط ونوعها). 😱

لكن الأهم والأخطر، وإللي للأسف معظم الشركات المقدمة للخدمات مش بتوضحه لك في الأول، لو هتعمل تحويل للمكالمات من أرقامك إلى أرقام الشركة مقدمة الخدمة call forward .. فالتحويل ده بيحط عليك تكلفة تشغيل كبيرة جدا.. 😱😱

يعني لو عندك خط موبايل العملاء عارفينه، فشركة الكول سنتر بتأجرلك خطوط أرضي من عندها وبتطلب منك تعمل تحويل للمكالمات من رقم الموبايل بتاعك إلى رقم الأرضي بتاعها إللي أجرتهولك.. في الحالة دي أي مكالمة عميل بتيجي على رقم الموبايل (المفروض مفيش عليها تكلفة) بتتحول على رقم الأرضي وشركة الموبايل بتحاسبك عليها كإنك إنت إللي عامل المكالمة 😱😱😱😱😱😱

💥💥💥

طيب إزاي تختار ما بين النوعين؟؟ 🤔🤔

🔻 اختار الـ كلاود cloud إذا كنت: 🔻

✔️ معندكش مقر ثابت لشركتك
✔️ عدد المكالمات مش هيزيد عن 3 في نفس الوقت، أو عندك انترنت فايبر، أو عندك انترنت Leased Line
✔️ مش عايز تحط اي أجهزة عندك في الشركة، ومعندكش مشكلة تشتغل على خطوط ورقم متأجرين مش بتوعك
✔️ فاهم إنك لو هتعمل تحويل مكالمات موبايلك على رقم آخر هيكون فيه تكلفة ومعندكش مشكلة في كده.

🔻 اختار الـ أون بريميز on premise إذا كنت: 🔻
✔️ عندك مقر ثابت لشركتك ومعندكش مشكلة إنك تحط سيرفر وتحافظ عليه شغال.
✔️ عندك انترنت عادي وعدد المكالمات في نفس الوقت هيزيد عن 3 مكالمات.
✔️ عندك أرقامك وعايز تعمل الدعاية والانتشار عليها علشان تربط العملاء بك وبأرقامك الخاصة، ومعندكش استعداد تتحمل تكاليف تحويل المكالمات دي إلى أرقام أرضي call forward

💥💥💥

هضطر أوقف البوست لحد هنا علشان مش هينفع نطول عن كده.. لكن الكلام في المجال ده كتير قوي، وإحنا يا دوب فتحنا الباب 😊😊

لو عايز معلومات أكتر ومفصلة بشكل أكبر، ممكن تسجل إعجابك بالصفحة وتتابع منشوراتنا إللي بتتناول كل ما يتعلق بالمجال 😊😊

ولو عايز تعرف أكتر وأكتر عن سيستم زندا Zenda Call Manager إللي هو بيقدملك كل إللي اتكلمنا فيه، وكل إللي متكلمناش كمان؛ ممكن تتواصل معانا مباشرة:

✅ عن طريق رسائل الماسنجر على الصفحة،😊☺️
✅ أو عن طريق الواتس آب على رقم 01153059654
شكرا لوقتك، ونتمنى نكون قدمنالك فائدة ولو قليلة 😊 🤝🙂

20/11/2024

نفسك تطور خدمة العملاء في شركتك لكن الميزانية لا تسمح؟🙄
هتعمل مشروع أو خدمة لفترة محددة، وعايز تعمله صح بس بدون تكاليف زيادة؟ 🤲🤲
عندك فكرة معينة، ونفسك تديها حقها في التجربة من غير ما تصرف جامد علشان لو لا قدر الله مكملتش متبقاش خسرت كتير؟ 😲🫨
إحنا هنا علشان نقدملك الحل 🙋‍♂️🙋‍♂️💪✊
كول سنتر على أعلى مستوى وبإمكانيات وميزات متقدمة جدا، هيساعدك في رفع مستوى خدمة عملائك، ويحسن فرص مشروعك في النجاح…. والأهم بقى إنه بدون تكااااااااالييييييييف!!! 💥💥💥💥
فقط باشتراك شهري بسيط جدا جدا هيكون في شركتك نظام كول سنتر ينقل أعمالك نقلة كبيرة لقدام 👏👏👏
مستني إيه، اتصل بينا فورا 📞 ومتضيعش وقت 🚴🏇🏄‍♂️🏃

06/11/2024

لو كنت قررت تشتري كول سنتر لشركتك، أو لسه بتفكر في الموضوع وبتشوف العروض والبدائل المتاحة؛ فأنصحك تدينا من وقتك 5 دقائق فقط وتقرأ البوست ده.

هو بوست طويل شوية أنا عارف، وناس كتير مش بتحب البوستات الطويلة 🫣🫣 ، لكن إحنا هنا بنتكلم عن شغل وفلوس هتدفعها مش عن ترفيه وتسلية وقت.. فخليك معانا في البوست ده، وصدقني مش هتندم لحظة واحدة.. وأؤكدلك إنك هترجع تقرأه مرة تانية، ويمكن تالتة كمان 😊😊

💥💥💥

📝 بداية قبل ما تاخد قرارك لازم تحدد الأول إنت محتاج إيه بالظبط.. يعني هل محتاج سنترال داخلي، والا كول سنتر، والا كول مانجر؟؟؟ 🤔

لو مش عارف إيه دول، أو عارفهم بس مش عارف إيه الفرق الفعلي بينهم؛ فمتقلقش، ناس كتير فعلا متعرفش.. وأنا هبسطهالك:😊😊

🔷 السنترال الداخلي، أو أحيانا بيقولوا عليه السويتش، أو اختصارا PBX، ده سيستم اتصالات لربط الموظفين داخل الشركة..

يعني بيكون عندك شركة أو مؤسسة ما، وعندك عدد من الموظفين والإدارات المختلفة (سكرتارية، حسابات، مبيعات، مخازن، أمن، …) وعايز الناس دي كلها تقدر تتواصل مع بعض بسهولة وبدون تكاليف..

فبتجيب سنترال داخلي، وتحط عدة تليفون على مكتب كل موظف وبيكون لها رقم داخلي خاص بها (100، 101، 102، …).. وأي موظف عايز يكلم زميله يرفع سماعة تليفونه ويتصل برقمه الداخلي..
وممكن كمان توصل عليه خطوطك الخارجية علشان الموظفين يقدروا يتصلوا بالعملاء أو يستقبلوا مكالماتهم..

بس كده بكل بساطة.😊😊

🔷 أما الكول سنتر فده سيستم غرضه التحكم في المكالمات من وإلى العملاء، وتنظيمها، ومراقبتها، وتسجيلها، واستخراج تقارير واحصاءات مختلفة عنها.

يعني عندك قسم خدمة عملاء بيتلقى مكالمات العملاء وياخد الأوردرات أو الاستفسارت أو الشكاوي، وعايز تعمل كنترول عليهم لضمان جودة الخدمة، وعلشان تعرف مين بيشتغل ومين مقصر في شغله..

أو قسم مبيعات وتليسيلز بيكلم العملاء لجلب المبيعات وعايز تراقب الكلام ده كله وتشوف مين بيتصل ومين نايم، وتعمل تقييم للخدمة كلها وللأقسام ولكل موظف على حدة.

🔷 طيب لو إنت عايز الحاجتين دول مع بعض؟🤔 يعني تربط الموظفين إللي على مكاتبهم داخل الشركة، وفي نفس الوقت تدير خدمة العملاء والتيليسيلز بكفاءة؟ هنا يبقى مفيش غير سيستم الكول مانجر، إللي هو في الحقيقة عبارة عن سنترال + كول سنتر في سيستم واحد ✊✌️

💥💥💥

🔍 طيب لو خلاص قررت إنك محتاج سنترال داخلي فقط؛ فالبدائل قدامك كتير.. يمكن أشهرها هي السنترالات الأنالوج التقليدية، زي سنترالات باناسونيك، هتقدملك الخدمة المطلوبة بشكل كويس ومرضي.

وممكن برضه تشوف أي نظام حديث بتقنية الـ VOIP بيقدملك خدمة السنترال الداخلي، زي سيسكو أو أفايا..،
أو حاجات أقل في التكلفة زي جراندستريم أو ياستار، ودول ميزتهم إنهم بجانب كونهم سنترال داخلي، فهما بيقدمولك بعض مميزات الكول سنتر مجانا بشكل مبسط (زي تسجيل المكالمات، أو حتى بعض التقارير الأساسية البسيطة)،

🔍 أما لو كنت محتاج سيستم كول سنتر، بإمكاناته وخدماته، فحاليا لازم تتجه لأنظمة الـ VOIP إللي ذكرنا أمثلة لها في الفقرة السابقة، لأنها بتديك إمكانيات أعلى، وأحيانا كتيرة بتكون أرخص من أنظمة الأنالوج التقليدية (طبعا ده في حالة جراندستريم وياستار، مش سيسكو وأفايا 😄)

🔍 أما بقى لو لقيت إنك محتاج كول مانجر كامل، يعني سنترال وكول سنتر مع بعض بكل خدماتهم وإمكاناتهم؛ فإنت برضه هتتجه للـ VOIP (خلاص الأنالوج شبه مات)..
لكن في الحالة دي حاول تشوف سيستمز تديك إمكانات حقيقية في الناحيتين، السنترال والكول سنتر، مش إمكانات صورية ومجرد عناوين وخلاص..
وننصحك بشدة إنك تتجه لـ سيسكو وأفايا إذا كانت إمكاناتك المادية تسمح (لأنهم هيكونوا غاليين بجد)،
أو إنك تروح لسيستم زي زندا Zenda Call Manager، وده مثلا بيديك نفس الخدمات والإمكانات الحقيقية إللي بتديهالك سيسكو وأفايا، لكن بنفس أسعار جراند ستريم وياستار!!!✊✌️🔥

💥💥💥

طيب بالنسبة للكول سنتر، إيه حكاية الإمكانات الحقيقية والإمكانات الصورية دي؟؟🤔🧐

شوف يا سيدي وركز معايا علشان دي نقطة مهمة جدا، وللأسف بيتم التلاعب بها كتير لخداعك وتلبيسك سيستم أقل من توقعاتك أو حتى أقل من إللي تستحقه ودافع تمنه!😊😊

🔔 زي ما قلنا سابقا، بعض أنظمة الـ voip هي عبارة عن سنترال داخلي، لكنها بتقدم معاه بعض خدمات وخصائص الكول سنتر بشكل مبسط، زي مثلا تسجيل المكالمات، تقارير بسيطة، داشبورد سيمبل كده وبتدي منظر كويس.. وده بهدف زيادة القيمة المضافة للأنظمة دي كأنظمة سنترالات داخلية حديثة.

🔔 لكن إللي بيحصل بقى إنك بتقول أنا عايز كول سنتر، وبتتوقع مستوى خدمة وإمكانات معينة، ممكن تكون عارفها بالفعل واتعاملت معاها قبل كده، أو حتى سمعت عنها ومتوقعها؛ فتلاقي شركة تيجي تقدملك سيستم - هو في الحقيقة سنترال داخلي مع بعض الإضافات البسيطة من مجال الكول سنتر زي ما قلنا – وتقوللك اتفضل كول سنتر هههه 🫣🫣

عايز تسجيل؟ موجود🤥😈.. تقارير؟ على أعلى مستوى🤥😈.. داشبورد؟ خرافية يافندم🤥😈..

ويبتدي يفتحلك شاشات ملونة قدامك، هي بسيطة فعلا وهتتأكد من ده لما تشتغل عليها، لكنها وقت البريزنتيشن بتكون ملونة 😄، ويقوللك أهوه كله موجود ههه 🤥🤥😈

💥💥💥

🔴 يعني في التقارير مثلا، إنت كمدير لخدمة كول سنتر، بتحتاج أولا إنك تستخرج تقاريرك بناء على فلترات كتيرة علشان تيجيلك النتيجة إللي إنت بالفعل بتدور عليها، زي:
🔻التاريخ،
🔻التايم شيفت،
🔻الكيو.. الموظف،
🔻مدة المكالمة.. مدة الجرس.. مدة الكلام الفعلي داخل المكالمة،
🔻اختيار العميل من الـ ivr،
🔻كومنت معين الموظف كتبه على المكالمة،
🔻تصنيف معين الموظف حط المكالمة فيه،
🔻الخط الخارجي إللي جت عليه المكالمة،
🔻رقم العميل،
🔻سبب انتهاء المكالمة (مين حط السماعة الأول، الموظف والا العميل)،
🔻 المكالمة اترد عليها من أول موظف والا لفت على كذا واحد، ….
🔻 وهكذا ..

ودي زي ما انت شايف، حاجات كتيرة جدا ممكن تفتكر إنك مش محتاجها، لكن صدقني بعد أسابيع قليلة جدا من شغلك (وأحيانا أيام) وتعودك على شكل الشاشات، بتكتشف إن وجود الحاجات دي أساسي ولا غنى عنه، وبتتأكد إنها بتوفرلك كتير جدا من وقتك ومجهودك في البحث عن المعلومة إللي إنت عايزها.

🔴 طيب بعد ما فلترت المكالمات، وطلعت قدامك النتيجة؛ فإنت أكيد بتحتاج سيستم ذكي يعمل إحصاءات وحسابات كتيرة ومعقدة على النتيجة دي علشان يطلعلك في الآخر أرقام ومؤشرات جاهزة تقدر بيها تقيم الجودة، سواء للكول سنتر كله، أو للإدارات والمجموعات، أو حتى لكل موظف على حدة..

يعني مثلا:
✔️ مستوى كفاءة قوائم الانتظار، وهل بتوقع المكالمات والا بتوصلها في الآخر للموظفين..
✔️ مستوى الخدمة service level للسيستم أو المجموعة أو حتى الموظف (وده من أهم المؤشرات إللي بتتقاس بها جودة الخدمة)،
✔️ إيه معدل اختيارات العملاء من الـ ivr لكل اختيار وإيه هي أكتر حاجات بيختاروها..
✔️ توزيع المكالمات على مدار الساعة أو حتى النصف ساعة لتحديد وقت الذورة ووقت الراحة..
✔️عايزين مقارنة كاملة بين فترتين (مثلا أول أسبوع من شهر إبريل مع أول أسبوع من شهر مايو) توضحلي عدد المكالمات، نسبة الرد ونسبة الفقد، متوسط سرعة الرد، مستوى الخدمة، متوسط مدة المكالمة، …

وحاجات كتيرة جدا جدا في التقارير، ممكن تكون متعرفهاش ومتعرفش إنها موجودة، لأن إللي عرض عليك السيستم بتاعه وباعهولك قالك على حاجتين تلاتة وفهمك إن هي دي التقارير الموجودة في الكول سنتر وإللي كل الناس غيرك عايشة عليها!! 🤥😈

💥💥💥

أما لو جينا نتكلم عن الداشبورد!!! فصدقني دي محتاجة بوست لوحدها، وهيكون طويل برضه زي البوست ده ههههه😁 فهسيبك إنت تتخيل بنفسك ههههه 💥 💥

💥💥💥

هضطر أوقف البوست لحد هنا علشان مش هينفع نطول عن كده.. لكن الكلام في المجال ده كتير قوي، وإحنا يا دوب فتحنا الباب 😊😊

لو عايز معلومات أكتر ومفصلة بشكل أكبر، ممكن تسجل إعجابك بالصفحة وتتابع منشوراتنا إللي بتتناول كل ما يتعلق بالمجال 😊😊

ولو عايز تعرف أكتر وأكتر عن سيستم زندا Zenda Call Manager إللي هو بيقدملك كل إللي اتكلمنا فيه، وكل إللي متكلمناش كمان؛ ممكن تتواصل معانا مباشرة:
✅ عن طريق رسائل الماسنجر على الصفحة،
✅ أو عن طريق الواتس آب على رقم 01153059654

شكرا لوقتك، ونتمنى نكون قدمنالك فائدة ولو قليلة 😊 🤝🙂

29/10/2024

عايز تشتري كول سنتر لشركتك بس تكاليف الشراء والتركيب والدعم الفني كبيرة! 😲🫨

بتفكر في الأوت سورس، لكن مصاريفه الشهرية عالية، والتشغيل والمتابعة مش هيكونوا تحت إيدك ومش هيمشوا زي ما إنت عايز؟😤🥶

إحنا عندنا الحل!!🙋‍♂️🙋‍♂️💪✊

كول سنتر كامل على أعلى مستوى وفيه كل إللي ممكن تحتاجه، هيكون في شركتك تشغله وتديره وتتابعه بنفسك.. 😃✌️

والتوريد والتركيب والتدريب والدعم الفني علينا إحنا بدون أي تكاليف عليك!! 🤗🤗

فقط اشتراك شهري بسيط جدا جدا!!👏🤝

السيستم بيوفرلك مزايا وإمكانيات كتيرة جدا، منها:

✅ توصيل خطوطك الأرضي أو الموبايل بكل سهولة
✅ ربط الموظفين في فروعك المختلفة، وممكن يشتغلوا من البيت كمان
✅ الرد على المكالمات من عدد تليفون أو الكمبيوتر الشخصي أو حتى الموبايل بتاعك
✅ رسائل ترحيب آلية للرد على العملاء وتوجيههم للموظف المختص
✅ تسجيل المكالمات للرجوع إليها عند اللزوم واختبار جودة الموظف والخدمة
✅ شاشات متابعة حية Dashboard كتيرة جدا ومتنوعة وبتوريك كل حاجة تخص المكالمات بتحصل في السيستم أو من موظفينك
✅ تقارير كتير كتييييير .. تفصيلية وإجمالية وإحصاءات متنوعة بتقدر تقيس بيها مدى كفاءة المكالمات والموظفين والأقسام والسيستم عموما
✅ إمكانية الربط مع برامج الـ CRM وأنظمة بيانات العملاء المختلفة

ومزايا تانية كتيييييييييييير بتساعدك على إدارة أعمالك وتحسين وضع شركتك مع العملاء 🤗🤗🤗

مستني إيه؟؟ كلمنا بسرعة ومتضيعش وقت!! 🚴🏇🏄‍♂️🏃

12/10/2024

كيف يمكن حساب مستوى الخدمة Service Level ؟

مستوى الخدمة في الكول سنتر، أو الـ Service Level Agreement، واختصارا الـ SLA ، هو المؤشر الأول والأهم في قياس جودة العمل داخل نظام الكول سنتر. ويتم حسابه على عدة مستويات، سواء على مستوى الموظف، أو المجموعة، أو على مستوى نظام الكول سنتر كله.
ـ

يتم حساب الـ SLA بقسمة عدد المكالمات التي تم الرد عليها بسرعة معينة (سرعة الرد) خلال فترة زمنية معينة على عدد المكالمات الكلية الواردة خلال نفس الفترة الزمنية.
ـ

وسرعة الرد يطلق عليها الـ threshold. يعني مثلا نريد قياس الـ SLA عند سرعة رد 40 ثانية، أو 30 ثانية، وهكذا.. وطبعا كلما قلت قيمة الـ threshold كلما قلت قيمة الـ SLA، والعكس صحيح.

وقيمة الـ threshold نختارها أثناء استخراج التقارير حسب الحاجة، وتختلف طبعا من شركة إلى أخرى. فبعض الشركات لا تقبل القيمة أعلى من 5 أ 10 ثوان، وبعضها الآخر قد تزيد إلى 30 أو 40 ثانية حسب طبيعة عمل الشركة وطبيعة المكالمات والخدمات التي تقدمها لعملائها.
ـ

وأيضا تختلف قيمة الـ threshold ومعناه الفعلي حسب الطرف الذي نقيس له الـ SLA. فمثلا:

✅ إذا كنا نقيس الـ SLA على مستوى الموظف، يكون معنى الـ threshold هو وقت الجرس على تليفون الموظف قبل أن يرد (سرعة رد الموظف).

✅ وإذا كنا نقيسه على مستوى المجموعة؛ فمعناه الوقت منذ تحويل المكالمة إلى المجموعة ككل حتى قيام أحد أفراد المجموعة بالرد عليها، وهذا يشمل وقت الجرس على كل تليفونات الأفراد الذين تحولت إليهم المكالمة ولم يردوا عليها، بالإضافة إلى وقت الانتظار (في حالة دخول المكالمة في قائمة انتظار المجموعة عند انشغل كل الأفراد).

✅ أما إذا كنا نقيسه على مستوى النظام ككل؛ فمعناه الوقت منذ دخول المكالمة إلى النظام وحتى قيام أحد الموظفين بالرد عليها، أي كل ما سبق، بالإضافة إلى وقت سماع رسائل الـ IVR وإدخال الاختيارات، والتحول من مجموعة إلى أخرى حتى يتم الرد.
ـ

وهناك قيم متعارف عليها بشكل عام لهذه القياسات، أشهرها ( 80% عند 20 ثانية ) .. أي مستوى الـ SLA تكون 80% عند القياس على سرعة رد 20 ثانية. لكن القيم عموما تختلف من شركة إلى أخرى، وما يكون مرضيا في شركة قد يكون كارثيا في شركة أخرى.

تابعونا ليصلكم كل جديد

09/10/2024

نفسك تطور خدمة العملاء في شركتك لكن الميزانية لا تسمح؟🙄

هتعمل مشروع أو خدمة لفترة محددة، وعايز تعمله صح بس بدون تكاليف زيادة؟ 🤲🤲

عندك فكرة معينة، ونفسك تديها حقها في التجربة من غير ما تصرف جامد علشان لو لا قدر الله مكملتش متبقاش خسرت كتير؟ 😲🫨

إحنا هنا علشان نقدملك الحل 🙋‍♂️🙋‍♂️💪✊

كول سنتر على أعلى مستوى وبإمكانيات وميزات متقدمة جدا، هيساعدك في رفع مستوى خدمة عملائك، ويحسن فرص مشروعك في النجاح…. والأهم بقى إنه بدون تكااااااااالييييييييف!!! 💥💥💥💥

فقط باشتراك شهري بسيط جدا جدا هيكون في شركتك نظام كول سنتر ينقل أعمالك نقلة كبيرة لقدام 👏👏👏

مستني إيه، اتصل بينا فورا 📞 ومتضيعش وقت 🚴🏇🏄‍♂️🏃

04/10/2024

عايز تشتري كول سنتر لشركتك بس تكاليف الشراء والتركيب والدعم الفني كبيرة! 😲🫨

بتفكر في الأوت سورس، بس مصاريفه الشهرية عالية، والتشغيل والمتابعة مش هيكونوا تحت إيدك ومش هيمشوا زي ما إنت عايز؟😤🥶

إحنا عندنا الحل!!🙋‍♂️🙋‍♂️💪✊

كول سنتر كامل على أعلى مستوى وفيه كل إللي ممكن تحتاجه، هيكون في شركتك تشغله وتديره وتتابعه بنفسك.. 😃✌️

والتوريد والتركيب والتدريب والدعم الفني علينا إحنا بدون أي تكاليف عليك!! 🤗🤗

فقط اشتراك شهري بسيط جدا جدا!!👏🤝

مستني إيه؟؟ كلمنا بسرعة ومتضيعش وقت!! 🚴🏇🏄‍♂️🏃

27/09/2024

كيف تستفيد من خدمة البريد الصوتي؟

خدمة البريد الصوتي Voicemail هي خدمة مشهورة جدا في كل أنظمة الاتصالات، سواء التقليدية القديمة Traditional PBX أو الحديثة VOIP، وطريقة تشغيلها واستخداماتها لا تعتمد على نوع نظام الاتصالات.

في أبسط استخداماتها، تتيح هذه الخدمة للمتصل/العميل أن يترك رسالة صوتية للشخص/الجهة المطلوبة، ثم يقوم الشخص/الجهة بالاستماع للرسالة لاحقا والتفاعل معها حسب الحاجة، سواء عن طريق الخط الداخلي Extension الخاص به، أو بالاتصال من خارج الشركة ثم الدخول على البريد الصوتي باستخدام كود معين، أو من خلال واجهة مستخدم/برنامج على حاسبه الشخصي.

لكن هناك استخدامات أخرى لخدمة البريد الصوتي من الممكن تفعيلها والاستفادة بها، وهذا يتوقف على نظام الاتصالات المستخدم نفسه، ومقدار ما يتيحه من هذه الخدمات. ومنها على سبيل المثال:

• يكون لكل شخص بريد صوتي خاص به Mailbox يستقبل عليه رسائل العملاء. لكن بإمكان الموظف أن يترك رسائل داخلية في البريد الصوتي الخاص بموظف آخر لتبادل المعلومات، كما يمكنه أيضا ترك رسالة في بريده الصوتي الخاص به كوسيلة تنبيه لحفظ المعلومات واسترجاعها في أي وقت.

• من الممكن تخصيص بريد صوتي لكل قسم من أقسام الشركة، يترك فيه العملاء والمتصلون رسائل/طلبات خاصة بهذا القسم. ويكون الدخول على هذا البريد الصوتي بأكواد خاصة لمديري القسم أو لموظفين آخرين مسؤولين عن الاستماع لهذا الرسائل/الطلبات والتفاعل معها.

• من الممكن أيضا عمل بريد صوتي عام، لا يتبع موظف أو قسم أو إدارة، وذلك لاستقبال الرسائل العامة مثل طلبات الشراء، الشكاوي، المقترحات، أو أي استخدامات أخرى. ويتم وصول المتصلين إلى هذا البريد الصوتي من خلال أحد اختيارات نظام الرد العام (الـ IVR مثلا)، أو يقوم أحد الموظفين بتحويل المكالمة على البريد الصوتي يدويا. وبعد ذلك يقوم الشخص المسؤول بالاستماع إلى البريد الصوتي والتفاعل مع رسائله بالشكل المطلوب.

• من الممكن أيضا عمل بريد صوتي خاص لاستقبال رسائل وطلبات العملاء بعد انتهاء مواعيد العمل، أو في أيام العطلات والأجازات الرسمية، وذلك لعدم فقد أي طلبات أو تواصل مع العملاء على مدار الساعة.

• أيضا تتيح بعض الأنظمة الحديثة إمكانية الربط بين البريد الصوتي والبريد الالكتروني، بحيث يتم ترك الرسالة في البريد الصوتي وفي نفس الوقت يتم إرسالها للبريد الالكتروني المسجل، وأحيانا لأكثر من بريد إلكتروني، وذلك لسرعة تنقل المعلومة وتوثيقها.

• في بعض الأنظمة الحديثة، من الممكن استخراج تقارير للبريد الصوتي، وذلك لقياس جودته وفاعليته، وتظل بيانات الرسائل متاحة لعمل التقارير حتى بعد الاستماع للرسائل نفسها وحذفها.

خدمة البريد الصوتي هي خدمة متميزة ومفيدة جدا إذا تم استخدامها بشكل جيد داخل المؤسسة، وتم موضعتها بعناية داخل نظام الاتصالات.

تابعونا ليصلكم كل جديد

20/09/2024

ما هو تقرير FCR في الكول سنتر؟

تقرير الـ First Call Resolution (FCR) من التقارير المهمة جدا لقسم خدمة العملاء وتلقي الشكاوي في تحديد كفاءة العمل ومعالجة شكاوى وطلبات العملاء.

التقرير يقيس عدد العملاء الذين قاموا بالاتصال مرة واحدة فقط لإبلاغ شكوتهم أو طلبهم خلال فترة زمنية معينة (يوم على سبيل المثال) ويقارنها بعدد العملاء إللي احتاجوا للاتصال أكتر من مرة خلال نفس الفترة، ومنه نقدر نعرف هل بنقدر نستجيب بشكل سريع ومرضي لشكاوى وطلبات العملاء والا لأ.

يعني على سبيل المثال لو خدمة العملاء تستقبل شكاوى الدعم الفني لمنتج ما، وبفرض أن الشكوى يجب أن يتم حلها خلال 48 ساعة على الأكثر. في الحالة دي التقرير بيوضح نسبة العملاء إللي احتاجوا للاتصال مرة واحدة فقط خلال الـ 48 ساعة واتحلت مشكلتهم، مقارنة بالعملاء إللي احتاجوا للاتصال أكتر من مرة خلال نفس الـ 48 ساعة.

في معظم أنظمة الكول سنتر بيضطر السوبرفيزر إنه يجمع الداتا دي بنفسه في ملف/ملفات إكسيل ويقوم بالحسابات يدويا لمعرفة النتيجة، لكن بعض الأنظمة بتقوم بحساب وعرض تقرير الـ FCR بشكل مباشر، سواء كان التقرير مدمج كجزء من التقارير إللي بيوفرها النظام، أو يتم إضافته ببرامج/واحدات خارجية يتم ربطها.

نظام زندا Zenda Call Manager بيقدم التقرير بشكل كامل وجاهز، وكل المطلوب منك إنك تحدد المدة الزمنية الكلية إللي عايز تبحث فيها، وفترة القياس إللي هيحسب على أساسها تكرار المكالمات (كل يوم مثلا أو يومين) وعمل مقارنة بين نتائج الفترات الصغيرة دي، وبيظهر النتائج بالأعداد والنسب كالآتي:

- FCR: First Call Resolution عملاء اتصلوا مرة واحدة فقط خلال الفترة الزمنية المحددة.
- TCR: Total Call Resolution كل العملاء إللي اتصلوا خلال نفس الفترة الزمنية المحددة.

تابعونا ليصلكم كل جديد

15/09/2024

ما هي خدمة الـ DISA ؟

هي اختصار لـ Direct Inward System Access ، وهي خدمة مشهورة جدا في السنترالات التلقيدية القديمة Traditional PBX، وكان هدفها توفير وسيلة للدخول على السنترال عن بعد لعمل اتصال باستخدام أحد الخطوط التليفونية المثبتة به.

يعني نفرض أن أحد موظفي الشركة متواجد خارج المقر الأن، ويريد أن يقوم بالاتصال بعميل ما لكن باستخدام أحد الخطوط التليفونية الخاصة بالشركة.
في هذه الحالة، وباستخدام خدمة الـ DISA المفعلة على سنترال الشركة الداخلي PBX، كل ما عليه هو الاتصال بالشركة، وعندما ترد عليه الرسالة الترحيبية المسجلة يقوم بالضغط على الاختيار الذي يسمح له بعمل مكالمة هاتفية، عندها قد تطلب منه الـ DISA إدخال رقم سري (حتى لا يقوم أحد غير مصرح له باستخدام هذه الخدمة)، وبعدها يقوم بإدخال الرقم المطلوب الاتصال به؛ فتقوم خدمة الـ DISA بعمل الاتصال بالرقم نيابة عن الموظف.

بالطبع ما يظهر على تليفون العميل هو رقم الشركة لا رقم الموظف الخاص، ما يعطي الاتصالات طابع رسمي مطلوب، كما يسمح أيضا بمتابعة المكالمة وإظهارها في تقارير المكالمات، وربما تسجيلها أيضا إذا كانت خدمة التسجيل مفعلة على سنترال الشركة.

وبشكل عام، كانت خدمة الـ DISA توفر 3 فوائد رئيسية للشركات:

١) تمكين الموظفين من الاتصال بالعملاء من خارج الشركة مع ظهور رقم الشركة الأساسي بدلًا من رقم الموظف.
٢) ضمان أمن ومصداقية جميع المكالمات حيث يمكنك تتبع المكالمات وإحصائها وتسجيلها للتأكد من مستوى الموظفين.
٣) ضمان بقاء الاتصال مع العملاء من أي مكان وبشكل سريع.

في أنظمة الـ VOIP الحديثة، لم يعد لخدمة الـ DISA أهمية أو استخدام فعلي، حيث توفرت خدمة الـ Remote Operation وصار بإمكان الموظفين العمل بسهولة من خارج مقر الشركة، وحمل وتشغيل أرقامهم الداخلية الخاصة Extension Number معهم أينما ذهبوا، وهو ما يعني حرية أكبر للموظف بإجراء مكالماته الهاتفية مع العملاء من أي مكان، بالإضافة طبعا إلى إمكانية التواصل الداخلي بين الموظفين داخل وخارج الشركة، واستقبال وتحويل مكالمات العملاء بكل سهولة.

تابعونا ليصلكم كل جديد

Address

Giza
12556

Opening Hours

Monday	10am - 5pm
Tuesday	10am - 5pm
Wednesday	10am - 5pm
Thursday	10am - 5pm
Sunday	10am - 5pm

Website

https://zendacm.com/

Alerts

Be the first to know and let us send you an email when Zenda Call Manager زندا كول مانجر posts news and promotions. Your email address will not be used for any other purpose, and you can unsubscribe at any time.