حلول تقنية Tech tips

18/07/2014

Send s message :)

08/07/2014

حل مشكلة الكتابة بالعربي في اوفيس ماك لكل من يواجهون مشكلة الحروف المفرطة في اوفيس

03/07/2014

تعرف انك ممكن تتحكم بأي جهاز تابع ليك من حتة بعيد عنه كأنك عليه بالظبط .. ازاي؟؟

فيه كذا طريقة بس اسهلهم برنامج اسمه TeamViewer ودة برنامج بتسطبة ع الجهاز المراد التحكم بيه وبتسطبه على اي جهاز تاني (كمبيوتر او تابلت او حتى تليفون)
ودة فيديو بيشرح العملية اكتر
https://www.youtube.com/watch?v=CKjUgfmc0Lw

فيه شرطين اساسين ف الموضوع:
الاول: يبقا الجهاز المراد التحكم به واصل ع الانترنت
التاني: يبقا معاك ال ID والباسورد بتوع الجهاز

شرح برنامج تيم فيور Team Viewer للربط بين جهازين عبر شبكة الانترنت , والذي يتيح للمستخدمين الدعم الفني واستعراض البرامج والشروحات بين الجهازين . رابط تحميل ا...

26/06/2014

حلول تقنية بتقولك : التوقيت في مصر رجع للطبيعي بتاعه +2 علشان كدة بننصحك تعمل ظبط لل time zone في اجهزتك وهو هيظبط الوقت لوحدة

من قايمة Setting اختار Date and time واختار Time zone واختار Cairo +2
ولما يخلص رمضان اعمل نفس الخطوات بس خلي المنطقة Beirut +3
ليلتكم جميله

26/06/2014

لو عايز تحتفظ بفيديوهات عاجباك من YouTube ومش عارف ازاي عندك طرق كتير بس خلينا نقلك اسهل طريقتين

1- تاخد لينك الفيديو وتحطة في الموقع ده http://keepvid.com/ هيطلع لك اوبشن التحميل ..اختار الكواليتي اللي تناسبك وحمل

2- لو عندك متصفح Mozilla Firefox خش من شريط الادوات على tools>add-ons واكتب في السيرش YouTube هيطلع لك كذا اداة بتعمل كده اختار اللي يناسبك.. اقفل البرنامج وافتحه تاني هتلاقي ظهرلك زرار التحميل للفيديو اللي بتشوفة.

24/06/2014

لو عندك ملف اكبر من الحجم اللي بيسمح بيه الميل وعايز تبعتة لحد ،، فممكن تستخدم خدمة Dropbox ، والخطوات سهله خش ع dropbox.com اعمل اكاونت، حط الملف اللي انت عايز تبعته في فولدر public لو مجموعة ملفات اعملها فولدر جوة public سيبه يعمل ابلود باعدين دوس على علامة share link واختار الملف او الفولدر وخد الوصلة اللي طلعت ابعتها للي انت عايز تبعت له الملفات.
الخدمة دي بتيح لك انك يبقا عندك لحد ٢ جيجا وكل م تعمل دعوات لناس تانيه بيديك مساحة اكبر وليها برنامج ينفع تشغله ع الكمبيوتر والموبايل

Dropbox is a free service that lets you bring your photos, docs, and videos anywhere and share them easily. Never email yourself a file again!

23/06/2014

حلول تقنية بتسألكم: ايه اكتر الموضوعات اللي عايزينا نكتب لكم فيها (موبايل وتابلت / كمبيوتر / متفرقات )

23/06/2014

مهم جداً
تفعل خاصية find my iPhone علشان لو ضاع منك موبايلك ال iPhone تقدر تتبعه وتعرف وصل لفين .. كمان Apple Inc. عملت اوبشن جديد بداية من iOS 7 وهو انه محدش يقدر يغير سيستم الجهاز او اعدادت الحماية غير مالك ال Apple id اللي متسجله علية فبالتالي لو الجهاز اتسرق هتعرف تتعبقة كل ما يدخل ع الانترنت

وفي اللينك دة طريقة تشغيلها لو مش عارف

Before you can use Find My iPhone features, you need to turn on Find My iPhone on your iOS devices and Mac computers.

23/06/2014

لو جبت تليفزيون تاني في البيت او لو انت ساكن جديد متساعدش على ان سطوح عمارتك يبقا كدة .. بدل م تركب طبق جديد اشتري LNB ب 2 او 4 مخارج ووصلها علي طبقك بدل المخرج الواحد او استأذن جارك تشير معاه في الطبق لو مرضيش ركب انت طبق ب LNP ب 8 او 4 وساعد جيرانك الجداد ياخدو وصله من ال LNB بتاعك لانها بتشغل ريسفير لكل مخرج .. وبكدة تبقا حليت مشكلتك ومشكلة السطوح

سعر ال LNB ٢ مخرج حوالي ٥٠
سعر ال LNP ٤ مخرج حوالي ١٠٠

22/06/2014

مساء الفل : متنساش تغير الباسورد بتاعة حساباتك المهمة زي Facebook , و E-mail وغيرها كل 3 شهور ع الأقل .. واهتم ان الباسورد تبقا فيها الشروط التالية علشان تصعب عملية الأختراف او السرقة لو حد فكر
- تبقا حروف وارقام ويفضل يبقا فيها علامات زي @ مثلا
- تبقا فيها حروف كابيتال
- متبقاش فيها معلومات يمكن التنبأ بيها زي رقم التليفون او تاريخ الميلاد
- متعملش نفس الباسورد لاكتر من اكاونت علشان لو اتعرف ميفتحش الباقيين
ليلتكم جميله

22/06/2014

لو ال iPhone او iPad او iPod بتاعك مش بيشحن على اللابتوب بتاعك .. فدة مشكلة ان ال usb مش مدي باور كقاية للشحن ولحل المشكلة دي نزل الابليكشن دة وسطبة

http://event.asus.com/mb/2010/ai_charger/

22/06/2014

سؤال جالنا من الصديق مصطفى فارس: بيقول انه عايز ينقل ملفات وورد ع الايفون بتاعه يعمل ايه .. للأسف الايفون مش بيسنك ملفات الورد بس فيه حل آخر وهو انك تستفيد من من خدمات تانيه زي Google Drive لو انت عندك E-mail على Google ف انت تلقائيا معاك ١٠ جيجا مساحة تخزينية ببلاش في خدمةGoole Drive والموضوع بسيط
خش من الميل ودوس ع زرار الابلكيشنز واختار Drive تقدر تعمل فولدرات وارفع فيها اللي انت عايزه من ملفات

باعدين خش ع App store من تليفونك ونزل الابليكيشن بتاع Google Drive ودخل الميل والباسورد هيبتدي الجهاز ينزل الحاجات اللي انت رفعتها من الكمبيوتر وبعد كدة اي ملف جديد هترفعه او تعدل فيه او تحذفه من الموبابل او ال PC هتلاقيه اتعدل في الحته التانيه.

دة لينك بيشرح الموضوع بشكل مبسط
http://www.youtube.com/watch?v=1SjRH3SImlM