13/10/2020
خلص المؤتمر الحمدلله .. ويارب مايقطعلنا عاده نتكلم على ملخص كل اللي حصل النهارده ❤️
بسم الله نبدء 📱
المؤتمر بدء بالكلام عن جهاز HomePod mini اللي انا شخصيا حبيته جداا
اولا الجهاز مزود ببروسيسور S5 اللي موجود في جهاز Apple watch s5 ⌚️
وكمان بتقنية حديثه هيتم اصدار الصوت من الجهاز ب 360 درجة واللي هيخلي ليك مطلق الحريه انك تحطه في اي مكان ... والجهاز ده بيدعم Siri واللي بينقله في حته تانيه خاالص 🤩
هتقدر باستخدام سيري تعمل حاجات كتير اوي
اولا انك هتقدر تطلب من Siri انها تشغل اغنيه معينه مجرد مانت تقول ايه الكلمات بتاعتها يعني مش لازم تسمعها الاغنيه ولا حتى تقولها اسمها 📱🎵
وكمان هتقدر تتعرف على صوت كل واحد في البيت وتقدر تسالها عن كل حاجه عندك في اليوم .. مجرد ماتقولها Hey Siri , what’s my update ؟
ده غير المهام الطبيعيه بتاعت Siri اللي في الفون .. انها تكلم حد .. او تبعتله رساله .. توصفلك طريق الخ ...
والاهم بقا اللي هيخلي الجهاز ده فعلا Smart هو دعمه لتطبيق Home ... واللي هتربط عليه كل اجهزتك الذكيه في الشقه وتطلب منه اي حاجه :
- ( يفتح الباب او يقفله ، يرفع الستاره ، يوطي التكيف او يعليه الخ .... )
وكل ده كوم وخاصية intercom دي كوم تاني 📱❤️
ودي خاصية هتخليك تعرف تتواصل مع اي حد عنده جهاز ابل ... يعني تقدر تقول اي حاجه انت عايزها تقولها للناس اللي انت موصلها معاك بالاجهزه بتاعتهم ورسالتك هتتقالهم بصوتك وشغاله مع كل اجهزة Apple
- iPhone 📱
- iPad
- Apple Watch ⌚️
- AirPods
و HomePod mini هيتوفر بلونين ( white , space gray ) بسعر 99$ فقط
والطلب المسبق عليه هيكون في تاريخ 6/11 وهيتم اطلاقه في 16/11
وبعدين تم الانتقال لعريس الليله .. iPhone 📱❤️
وتم استعراض احصائية بتثبت ان ايفون اكثر smart phone تم بيعه في العالم 🌍
وزي ماتوقعنا تم الاعلان في المؤتمر لأول مره عن 4 اجهزة iPhone 📱 وهم :
- iPhone 12 mini 📱
- iPhone 12 📱
- iPhone 12 pro 📱
- iPhone 12 pro max 📱
وزي ماكنا متوقعين الاربع اجهزة اخيرا بيتم تزوديهم بخاصية 5G واللي هتخليك تقدر تحمل 4 جيجا في الثانيه الواحده !
وكمان هتخلي upload بسرعة 200 ميجا في الثانيه الواحده
والكلام عن اجهزة الايفون بدأ بأيفون 12 📱❤️
ايفون 12 هيجي بحواف معدينه مسطحه بنفس تصميم ايفون 4s مصنوعه من الالمونيوم وظهر من الزجاج وهيجي ب 5 الوان وهم :
( black , withe , PRODUCT red , green , blue )
وزي ما قولتلكو فوق هيبقى بحجم 6.1 انش نفس حجم ايفون ١١ و ايفون XR بالظبط بشاشة من نوع OLED ربخاصية super retina XDR 📱
والشاشه مزوده بميزه جديده وهي ceramic shield واللي هتخلي شاشة ايفون 12 امتن من شاشة اي smart phone تاني ب 4 مرات
وبعدين الكلام اتنقل على البروسيسور السفاح الجديد وهو A14 bionic ... لا وابل بتقولك ايه ان A13 اسرع معالج لحد مايتم الاعلان عن A14 ولا كأن في شركات تانيه عماله تنافسها 😂
والبروسيسور ده اسرع ب 50% عن اي بروسيسور تاني وهيبقى ٥ نانو ميتر
وايفون 12 هيبقى مزود بكاميرتين وهم :
12 MP wide camera 📷
12 MP ultra wide camera 📷
واللي هيبقو بحجم اكبر من اللي كام موجود في ايفون ١١ عشان سيسنور الضوء اللي جوه بقا اكبر عشان يلقط ضوء اكثر
كمان التصوير الليلي هيبقى موجود في الكاميرات امامية وخلفيه 📱📷
كمان في خاصية جديده بتحول ال 5G ل 4G في حالة انك مش محتاجها وده عشان توفر الطاقه
والجديد ان ايفون 12مزود بميزة جديده اسمها MagSafe وهي قطعه مغناطيسيه هتخليه يدعم الشحن اللاسلكي بقوة 15w واللي قريب من الشاحن السريع بتاع ايفون ١١ برو ... بالاضافه لانها بتخليها يلزق في اي شاحن لاسلكي بجيث متفوتش المكان بالظبط وتسيبه يشحن وميكونش بيشحن 🔋
وهتكون شغاله سواء بكفر او بدون عادي مهما كانت خامته
وبعدين تم الاعلان عن الخبر اللي يغم وهو ان ابل هتنزل ايفون ١٢ بدون سماعه ولا راس الشاحن العلبه هتحتوي فقط على المانيوالز و سلك الشاحن 🔌
وتم الاعلان عن iPhone 12 mini واللي مميزاته هتكون بالظبط نفس مميزات iPhone 12 بس الفرق حجم الشاشه ... وحجم الفون نفسه هيكون اصغر من حجم iPhone 6 اللي هو 4.7 انش
والاسعار هتكون كالآتي :
iPhone 12 mini : 699$ 💵
iPhone 12 : 799$ 💵
واخيرا تم الاعلان عن iPhone 12 pro و iPhone 12 pro max واللي هيجيو ب ٤ الوان وهم :
( silver , pacific blue , gold , graphite )
ونفس التصميم للحواف المعدني بس هيكون من الستانلستيل وظهر زجاج وشاشه OLED وخاصية ال ceramic shield اللي اتكلمنا عنها فوق
وكمان مزود بخاصية ip68 اللي هتخليه ينزل تحت المياه بعمق 6 متر لمدة ٣٠ دقيقه 🚿
اما بالنسبة الكاميرات فاحصل نقله كبيره جدا السنادي في كاميرات البرو اللي مزود ب ٣ كاميرات وعدسة Lidar :
12 MP ULTRA WIDE CAMERA
12 MP WIDE CAMERA
12 MP TELEPHOTO CAMERA
LIDAR SENSOR
بالاضافه الى تكبير 4x optical مش Digital في البرو
والبرو ماكس تكبير 5x optical
وتم اضافة خاصية جديد في كاميرات البرو والماكس بتخلي مهما ايدك اتهزت وانت بتصور بتطلع الصوره ثابته
اما ال LiDar sensor هتقدر معاه تاخد صور في الظلمه بتركيز اعلى ٦ مرات طبعا ده غير كل برامج الواقع المعزز اللي هتبقى خرافيه معاه 🤩
الآيفون 12 برو ماكس سيقوم بتصوير الفيديو بتقنية الDolby vision بدقة 40k 60fps... وده اول ايفون يكون فيه الخاصيه دى واللي هتنفع جدا مع الخاصيه اللي تم اضافتها لل Airpods pro وهي spatial audio 🎵
والاجهزه هتيجي بمساحات كالاتي :
128 GB , 256 GB , 512 GB
والاسعار هتبقى
iPhone 12 pro : 999$
iPhone 12 pro max : 1099 $
والطلب المسبق والاطلاق هيبقى كالآتي :
iPhone 12 , iPhone pro:
- pre order 16 October
- Launch 23 October
iPhone 12 mini , iPhone 12 pro max :
- pre order 6 November
- Launch 13 November
وبكده يكون خلص المؤتمر ويارب اكون قدرت اغطي كل النقط ومفاتنيش حاجه ❤️
