https://www.facebook.com/101284145623824/

Pseudocode, ٧ أ شارع الجامعة ميدان الجيزة، الجيزة, Giza (2026)

18/11/2021

اذاكر السلايدز كلها واحفظ كل كلمة قدامي ولا أحل امتحانات بس واحفظ شكل الاسئلة؟ 🤔

أول حاجة تعملها هي إنك متحفظش 🙄🤝
*طيب وهحل إزاي وانا مش حافظ؟*

الممارسة هي أهم حاجة هتساعدك تأدي في أي أمتحان كويس لأنك كل ما بتحل كتير كل ما بتثبت المعلومة في دماغك وبالتالي تفتكرها أفضل من إنم تقعد تحفظها كتير وتنساها قبل الامتحان بربع ساعة D':

طيب الممارسة هتيجي إزاي؟ ... هيكون عندك أكتر من مصدر تعتمد عليه زي اسئلة الكتاب/المرجع اللي الدكتور مرشحه واللي أغلب الوقت بيكون فيه اسئلة كتير مشابهة للي بتجيلك في الامتحانات 👌

ومن المصادر التانية اللي تقدر تعتمد عليها هتكون الامتحانات القديمة (حل المحافظات مقوي قلبك مش كدة؟) 😂
بس مينفعش تعتمد على ده بس ... طيب ليه؟

الامتحانات القديمة دورها إنها تعرفك المعلومات اللي أنت ذاكرتها ممكن تتسأل فيها إزاي و لو في معلومات نسيت تذاكرها في الاول تقدر تراجع عليها ... لكن لو حاولت تحفظ شكل الاسئلة بس وتعرف اجاباتها من غير ما تذاكر، هتسيب نفسك للحظ وده غلط جدا في أي امتحان وممكن يعرضك للفشل 🙁

طيب كده احنا اتكلمنا عن الممارسة ونسينا المعلومات هنذاكرها منين😂!

أهم المصادر اللي هتكون قدامك هما السلايدز والسكاشن والكتاب ويجيي بعدهم الملخصات اللي ممكن تلاقيها في ماتريال السنين اللي فاتت وطبعا مننساش مصدرين مهمين جدا وهما يوتيوب وجوجل وده لان لو في حاجات مقدرتش تفهمها من السلايدز أو الكتاب، تقدر ترجع لجوجل/يوتيوب وتلاقي ناس كتير بتشرح نفس الـ Topic بطرق مختلفة هتساعدك تفهم أكتر 💪

أهم حاجة إنك تقسم وقتك لمذاكرة أي مادة بين 3 حاجات وهما "المذاكرة" و"الحل" و"المراجعة" وتقدر تغير النسب ما بينهم على حسب المادة دي عملية أكتر زي ال Math والـ Electronics فهتركز أكتر على الحل والمراجعة أو لو هي نظرية أكتر، فهتركز أكتر على المذاكرة وإنك تثبت المفاهيم ^^

16/11/2021

وصلنا لمنتصف الترم الحالي، برجاء ربط الأحزمة عشان منعوضش في الفاينال 🙄😂

بداية الميدترم مش من أول أمتحان لا ... البداية الحقيقية هتكون دلؤقتي حالا وأنت بتشوف البوست ده وبتقول الميدترم لسه فاضل عليه كتير 😎
5 شباتر بس؟ يخلصوا في يوم مش كده ولا إيه؟ :"D

يوم ورا التاني ورا التالت ... إيه ده الميد فاضله يومين، طيب إيه مش هنبدأ مذاكرة بقى ولا إيه ... بتفتح اللاب تحمل الـ Materials وتلاقي كل سلايد فيها 400 صفحة، إيه الرغي ده كله ... طيب مش مذاكر 😒

" من مقر قناة MBC 2 ":
- الميدترم قرب يا فندم هنعمل إيه؟
= ذيع كل أجزاء سبايدرمان حالا 🕷

*خلصنا كل اجزاء السلسة ورجعنا لأرض الواقع*
ماتش المنتخب : إستنى عندك، أنت مش وطني ولا إيه؟

* الميدترم بكرة 📢🤡*
كله تحت الكنترول... ساعتين شاي وكوباية جد هنخلص كل حاجة 😎💪

ما قبل الميد بساعتين:
تحت عينك أسود وجنبك 5 كوبايات شاي وقدامك 20 tab فيهم السلايدز ... بتقول في سرك: "انا إيه اللي زنقني الزنقة السودة دي" 🤦‍♂️
* فلاش باك وبتفتكر قبل الميدترم بأسبوعين كنت بتعمل إيه :""D *

اقرأ البوست من الاول وهتتأكد ان الميدترم مش فاضله كتير، حاول تبدأ بدري قد ما تقدر حتى لو هتذاكر كل يوم محاضرة من كل مادة بجانب الحاجات اللي المطلوبة منك هيخفف عليك الضغط وقت الامتحانات وهيسهل عليك المذاكرة ويساعدك تأدي في الامتحان كويس ♥

متنساش تتابعنا عشان تشوف باقي سلسلة الميدترم واللي هنعرفك فيها إزاي تعدي الفترة دي بنجاح💪

07/11/2021

سنة اولى صعبة مش كدة؟ اكيد بداية أي حاجة صعبة وبتكون تايه ولسه بتدور على طريقك في خلال ال ٤ سنين الجاية ... بس مش هتكون لوحدك وانت بتدور ولا هتحتاج تدور كتير 😌✌

بنقدملكم سيشن How to survive FCAI واللي هتعرفك اكتر عن خبايا الكلية وإيه أحسن الطرق لل Self Study والمذاكرة مش بس كدة كمان هتعرف أكتر عن ازاي تقدر تتعامل مع الامتحانات بأحسن شكل وتحافظ على GPA بتاعك على مدار فترة الكلية👌

كل ده و أكتر هيقدمهولنا بشمهندس سُهيل هاني ❤
بشمهندس سُهيل خريج حاسبات القاهرة دفعة ٢٠٢١ قسم CS وكان نزل Internships و Training في خلال فترة الكلية منها ك Artificial Intelligence Intern في شركة Egabi Solutions ..... بالأضافة لكونه Instructor Python لأكتر من سنتين ومستمر 👏

السيشن هتكون Free من غير أي مصاريف تماما ومعادها هيكون يوم الأربعاء الساعة ٦ مساء في المحطة Co-working Space في ميدان الجيزة 🏃‍♂️

هنكون في إنتظاركم ❤✌

للتسجيل :
https://forms.gle/dG5XRiUeH3kvZpvY8

Location: https://maps.app.goo.gl/Eb67Jkq9vk6fZ2jN7

31/10/2021

مش كل السهل بسيط لكن مع بعض المساعدة أي حاجة هتكون بسيطة مهما كانت 😉وإحنا اخترنا ليكم المساعدة كلها مش بعضها 💪

عشان كدة بنقدملكم بشمهندس سُهيل هاني واللي هيكون Instructor معانا لكورس الـ Python 🐍

بشمهندس سُهيل هو خريج 2021 من حاسبات القاهرة من قسم CS واشتغل كتير على نفسه في الـ Problem Solving وده ساعده يتأهل لبطولة البرمجة التنافسية على مستوى مصر ACM ECPC في 2018 ❤

ومن بعدها بدأ كـ Python Instructor من خلال 180Daraga's Start Course وبعد كده بقى Problem Solving Instructor 🙌

بالأضافة كده فهو خد تدريب في شركة Egabi Solutions في 2021

وContent الكورس اللي هيقدمهولنا بشمهندس سُهيل هيكون كالأتي :

• Introduction to Programming
• Input/Output
• Operators
• If Conditions
• Loops
• Lists
• Nested Loops
• Functions
• Problem Solving
• Contest + 70 Problems along the course

للتسجيل : https://forms.gle/fC7L6YSbnYNuGVox8
نحب نفكرك إن سعر الكورس هيكون 400 جنيه بدلا من 500 بالأضافة لكده فأول سيشن هتكون مجانية عشان تتأكد من جودة الكورس بنفسك وتشوف شرح بشمهندس سُهيل وتتأكد إنك لازم تكمل الكورس فعلا 😎

31/10/2021

كلنا توهنا ... دورنا ولفينا وبحثتنا عن اللي يوجهنا ويرشدنا صح 🤝
بس في مننا اللي ملقاش ضالته في حد يوجهه ويساعده يمشي في الطريق الصح، وعشان كده كان وقع اختيارنا على حد من اكفأ الناس وأكترهم شغف وحماس لمجاله💪

عشان كده نحب نقدملكم بشمهنس عبد الرحمن أشرف واللي هيكون معانا Instructor لكورس الـ C++ 🙌

بشمهندس عبد الرحمن خريج 2021 من حاسبات حلوان من قسم Computer Science وده اللي فرق معاه جدا في تمكنه للبرمجة وخصوصا بعد المشاريع الكتير اللي اشتغل فيها 💪

بشمهندس عبد الرحمن بدأ في تدريس البرمجة كـ C++ Assistant في كورسات 180Daraga ومن ثم بقى C++ Instructor على مدار ال 3 سنين اللي فاتوا ❤✌

بالأضافة لكده فهو كان حصل على تدريب من TIEC وكان Mobile Developer لـ Hovo App 😎

والـ Content اللي هيقدمهولنا بشمهندس عبد الرحمن هيكون كالأتي :

• Intro to Programming
• Variables & Data Types
• Mathematical Operators
• Control Statements
• Loops
• Arrays
• Functions
• Structures
• Strings & Characters
• Pointers
• Intro to Algorithms (Binary Search)

للتسجيل : https://forms.gle/fC7L6YSbnYNuGVox8
نحب نفكرك إن سعر الكورس هيكون 400 جنيه بدلا من 500 بالأضافة لكده فأول سيشن هتكون مجانية عشان تشوف شرح بشمهندس عبد الرحمن بنفسك وتتأكد من جودة الكورس فعلا👌

30/10/2021

أول ما اتعلمنا عربي كنا بنكتب أ ... ب ... ج وكنا فاكرين ان دي اصعب حاجة في الدنيا بس إتضحك علينا 😏طلع في كتير وكتير، بس بالنسبة للـ Python فالكلام مختلف شوية 😉

لغة الـ Python ظهرت في 1991 على يد عالم الكمبيوتر الهولندي Guido van Rossum واللي كان غرضها الأساسي تكون تكملة وتطوير للغة برمجة تانية اسمها ABC 👀

لغة ABC في الأساس كانت معمولة لأغراض التدريس وشرح مبادئ البرمجة مش عشان يتعمل بيها برامج أو أنظمة شركات ومن هنا جيه الإلهام لـ Guido إنه يعمل لغة برمجة تكون سهلة في القراءة والكتابة وفي نفس الوقت يكون ليها إمكانيات كبيرة تقدر تعمل بيها برامج، ألعاب، Scripts وغيرهم🤝

وده هتلاحظه أول ما تبدأ تكتب Python إنه سهل وبسيط وفي نفس الوقت مفيهوش تعقيدات كتير، ومع كده الأمكانيات اللي فيها كبيرة جدا خصوصا مع الاضافات الخارجية واللي خليت الـ Python بتُستخدم في مجالات كتير وأهمها Machine Learning أو تعلم الألة 🤙

بدايتك في البرمجة هتكون أمتع وأسهل وانت بتتعلم لغة الـ Python وعشان كده Pseudocode بتقدملك كورس الـ Python اللي هتقدر تعرف منه أساسيات اللغة بالأضافة للمشاريع وحل المسائل اللي هيساعدك تطبق على اللغة ويزود ثقتك في نفسك في اول سنة ليك في الكلية ❤

للتسجيل : https://forms.gle/fC7L6YSbnYNuGVox8

نحب نفكرك إن سعر الكورس هيكون 400 جنيه بدلا من 500 بالأضافة لكده فأول سيشن هتكون مجانية عشان تتأكد من جودة الكورس بنفسك وتختار إنك تكمل أو لا 👌

29/10/2021

قبل ما تعرف أساسيات أي لغة برمجة وتكون ملم بيها، لازم نعرف الاول تاريخ اللغة دي وإيه السبب اللي اتعملت عشانه وإيه المشاكل اللي هي حليتها 💪

بداية الـ C++ كانت في 1985 من خلال عالم الكمبيوتر Bjarne Stroustrup واللي حط حجر الاساس ليها بناء على لغة الـ C وقدر يستفاد من الـ Low Level Optimization اللي في لغة الـ C (اللي بيساعد البرامج تكون اسرع واخف) والمزج بينها وبين بساطة وسهولة الـ High Level (زي لغات البرمجة اللي بتكون بلغاتنا) بالأضافة لمميزات جديدة زي الـ Object Oriented Programming أو البرمجة الشيئية واللي هتعرفوا عنها أكتر قدام 🙋

الدافع الرئيسي لـ Stroustrup كان انه يعمل لغة سريعة وتكون مفيدة في البرامج والمشاريع الكبيرة ويكون فيها مميزات من لغة Simula واللي كانت فيها مميزات وأهمها الـ Object Oriented Programming 👀

الـ C++ عالم كبير وعشان كده Pseudocode بتوفرلك كورس الـ C++ اللي هيعرفك على كل مبادئ اللغة بالأضافة لحل مسائل ومشاريع عشان تقدر تطبق على اللي اتعلمته كويس

للتسجيل : https://forms.gle/fC7L6YSbnYNuGVox8

نحب نفكرك إن سعر الكورس هيكون 400 جنيه بدلا من 500 بالأضافة لكده فأول سيشن هتكون مجانية عشان تتأكد من جودة الكورس بنفسك وتختار إنك تكمل أو لا 👌

لو حابب تعرف أكتر عن قصة Simula وايه علاقتها بالـ C++ تقدر تشوف اللينكات في الكومنتس 👇

27/10/2021

أول سنة ليك في الكلية بتكون متلغبطة جدا ومبتكونش عارف أنت بتعمل إيه وليه الوحايد والإصفار دي كلها وسألت نفسك : "هو انا جاي افهم تعاويذ؟" 😂

ممكن يكون ده فعلا حالك في الاول خصوصا لو مكنش ليك تعامل مع الكمبيوتر ولا قريت عنه قبل كدة بس لما تبتدي تتعلم واحدة واحدة مع نفسك ومن خلال مواد الكلية زي الـ Math والـ Statisitics والـ Computer Science هتبتدي تفهم الكمبيوتر شغال ازاي وهتربط العلوم كلها مع بعض 💪

بس في خلال المرحلة دي في خطوة مهمة جدا هتحتاج تعملها وهي إنك تقدر تتفاهم مع الكمبيوتر وتوصله افكارك عشان ينفذها ... وهنا يجيي دور لغات البرمجة 👌

إنك تتعلم لغة برمجة بيخليك قادر تفهم الكمبيوتر شغال إزاي وازاي بيترجم الاوامر اللي بتديهاله لـ 0 و 1 وده في بدايتك في المجال، ومع الوقت وتعلمك للغات والـ Technologies المخلتفة هتلاقي نفسك بتستعد إنك تبقى مبرمج أو Software Engineer قد الدنيا وهتكون فهمت المجال بشكل كبير😎

بس مينفعش نفوت أول خطوة وهي إنك تتعلم البرمجة وده من خلال لغتين مهمين جدا زي الـ C++ والـ Python واللي أنت هتبتدي تأخدهم في أول سنة ليك في الكلية وتطبق بيهم كل اللي بتتعلمه 🤝

إحنا في Pseudocode بنقدملك الدعم الكامل من خلال كورسات الـ C++ والـ Python اللي هتقدر من خلالهم تعرف اساسيات كل لغة بشكل خاص واساسيات البرمجة بشكل عام، مش بس كدة ... كمان هتحل مسائل كتير وهتعمل مشاريع تساعدك انك تبقى قوي في اللغة وقادر تحطها في الـ CV بتاعك بعد كدة 🤙

للتسجيل : https://forms.gle/fC7L6YSbnYNuGVox8

سعر أي كورس منهم هيكون "500 جنيه" ولو سجلت دلؤقتي حالاً هتأخد خصم 20% ويبقى سعر الكورس الواحد منهم "400 جنيه" فقط ! 🥳

إلحق مكانك عشان العدد محدود 🙋 وتابعنا على الإيفنت عشان تعرف أكتر عن المواعيد والـ Instructors والمحتوى 💪

لينك الإيفنت : https://www.facebook.com/events/256749013087425
الـ Location الخاص بمكان الكورس : https://bit.ly/3BFStwY

14/10/2021

إتكلمنا في البوست الأخير عن إزاي نستفيد من أي كورس بأكبر قدر ممكن واللي ركزنا في جزء منه على تنظيم الوقت بشكل عام وإننا نحط خطة قصيرة المدى ونزود عليها كل فترة عشان نقدر نكمل الكورس للأخر

تقدر تشوف البوست ده من هنا: https://bit.ly/3v72G2W

طيب دلؤقتي حابين نركز أكتر على تنظيم الوقت في خلال اليوم الواحد، الـ 24 ساعة اللي في اليوم بيتخللها أنشطة كتير جدا وأهمها طبعا النوم 😂❤

بس غير النوم طبعا، بيكون عندك الكلية والعيلة والأكل والصحاب ووقتك الشخصي والعبادات والمذاكرة، فبتلاقي اليوم بقى مليان أوي ومش لاقي مكان للكورس اللي انت مسجله ... طيب فهمنا المشكلة فين صح؟

المشكلة بشكل كبير بتكون في الوقت المهدر بين الأنشطة دي، ممكن أول ما تصحى تلاقي نفسك ضيعت ساعة أو 2 على الموبايل من غير ما تحس، ممكن روحت تتغدى وبعد الغداء قعدت شوية تلاقي نفسك ضيعت ساعة كمان وهكذا 😕

مفيش حل سحري لأنك تنظم وقتك، وده لأن ظروفنا بتختلف وكل واحد فينا وراه إلتزماته اللي صعب يتخلى عنها، وعشان كده لو عايز تخلص حاجة معينة لازم تخليها إلتزام عليك، تجهز ورقتك وقلمك وتقسم يومك وتشوف كل حاجة بتأخد قد ايه والوقت اللي هيتبقى تقسمه بين الكورس وبين الوقت الخاص ليك👌

"طيب انا متبقاش عندي وقت في اليوم عشان اخلص الكورس اعمل ايه؟"
💁‍♂️

إنتظروا الأجابة في الحلقة القادمة 🤓

13/10/2021

Attention Please 🚨🎙

أخر معاد للتسجيل في كورس الـ OOP هيكون بكرة الخميس الموافق 14/10 الساعة 6 مساء بأذن الله 👏

للتسجيل : https://forms.gle/NMUNRg9J6j6HE8Tt5

الكورس هيدقمهولنا بشمهندس سامح سراج وتقدروا تعرفوا عنه أكتر من هنا: https://bit.ly/2YJrNx5

الـ Content الخاص بالكورس : https://bit.ly/3FuK6XB

سعر الكورس هيكون 400 جنيه فقط لا غير وأول سيشن هتكون مجانية تماما من غير أي مصاريف عشان تتأكد من جودة الكورس بنفسك 👌

معاد أول سيشن هيكون يوم الجمعة الجاية الموافق 15/10 الساعة 3 مساء في Workspace "المحطة" وده المكان : https://bit.ly/3BFStwY

هنكون في إنتظاركم يوم الجمعة بأذن الله 😌❤

12/10/2021

إتكلمنا في بوست سابق عن إننا مش بنقدر نخلص الكورسات اللي بنسجل فيها وبنفقد الحماس والشغف اللي بيبقى عندنا وإحنا في بداية الأجازة، واللي هي خلصت للأسف 🤦😂

بس متزعلش لا، طالما النت عندك شغال ولابك معاك، يبقى هتقدر تخلص اي كورس انت مسجل فيه بأذن الله ❤ طيب إزاي؟

(دلؤقتي جيه وقت اعلان سويفل على اليوتيوب وتن تن تن تن ترا تن) بس لا إحنا معناش إعلان ... إحنا معانا كورس الـ OOP واللي بيقدمهولنا بشمهندس سامح سراج، واللي هيكون بداية يوم الجمعة الجاية 15/10 الساعة 3 مساء في Workspace المحطة 👌

للتسجيل : https://forms.gle/NMUNRg9J6j6HE8Tt5

نرجع لموضوعنا ^^
المخ البشري فيه ميزة عن اي شئ تاني وهو انه بيحاول يحميك من أي أذى انت بتتعرضله، لو اتلسعت من النار في مرة، المخ بعد كدة هيمنعك من إنك تقرب من النار مرة تانية ... ونفس الكلام ينطبق على الـ GYM والمذاكرة وشغل البيت وغيرهم، فالمخ عمومًا بيميل للخمول والكسل وإنه يخليك مرتاح 👎

عشان كدة احنا كبشر ابتدينا ندور على حلول عشان نقدر ننجز المهام في حياتنا ونكون أكتر إنتاجية ومن الحلول دي:

1) إنك تحول الكورس اللي عليك لعادة يومية أنت لازم تعملها كل يوم، بدل ما تذاكر 7 ساعات في يوم واحد وتفضل متذاكرش باقي الاسبوع ... لا، تذاكر كل يوم ساعة ومع الوقت هتتعود انك تفتح الكورس كل يوم ساعة وتزود عدد الساعات دي لساعتين وتلاتة وأكتر 👌

2) إنك تلتزم بالوقت اللي هتحدده لنفسك في اليوم، قررت تذاكر ساعة يبقى عندك 60 دقيقة مذاكرة فقط من غير تشتيتات خارجية، وده من خلال إنك تختار أهدى وقت تقدر تذاكر فيه سواء الصبح أو بليل متأخر بالأضافة لأعتمادك على برامج وإضافات بتمنعك من إنك تفتح مواقع السوشيال ميديا زي Blocksite و Focus To-Do 👏

3) إنك تعمل List تكتب فيها إنت انجزت قد ايه من الكورس/الكتاب اللي بتذاكره ومع الوقت كل ما تملاها هتلاقي نفسك حاسس انك أنجزت واللي بتعمله ده له فايدة فعلا مش مجرد نصائح وخلاص.

4) أخيرا، لما تخطط إنك تخلص كتاب/كورس معين، ركز إنك تخطط جزء بجزء ... بمعنى إنك متفكرش ازاي هتخلص الكتاب/الكورس الطويل ده وإنه فيه اجزاء كتير ... لا، خطط انك هتخلص أول Chapter في عدد أيام معين وبعد ما تخلصه خطط انك هتخلص الـ Chapter اللي بعده في عدد أيام تانية وهكذا بالأضافة للنقطة رقم 3 هتلاقي نفسك فعلا خلصت الكورس اللي انت مكنتش متخيل إنك هتخلصه 😌

ومع بداية الدراسة بقى في صعوبة في تنظيم الوقت بين الكلية/المدرسة والكورسات اللي عايزين نخلصها، وده هنتكلم عنه في بوست لاحق بأذن الله وهنعرف ازاي نقدر نقسم يومنا بشكل كويس عشان نقدر نخلص أكبر قدر ممكن👀

متنساش، Pseudocode بتقدملك كورس الـ OOP واللي هيكون سعره 400 جنيه فقط لا غير وأول سيشن هتكون مجانية تماما عشان تقدر تتأكد من جودة الكورس بنفسك 👌
(بعد ما تسجل هيوصلك مكالمة مننا لتأكيد)

- الـ Content الخاص بالكورس : https://bit.ly/3FuK6XB
- معلومات عن بشمهندس سامح :https://bit.ly/2YJrNx5
- المكان : https://bit.ly/3BFStwY

Pseudocode

18/11/2021

16/11/2021

07/11/2021

31/10/2021

31/10/2021

30/10/2021

29/10/2021

27/10/2021

14/10/2021

13/10/2021

12/10/2021

Address

Telephone

Website

Alerts

Contact The Business

Shortcuts

Share

Category