13/01/2018
اللي جالها تليفون فجأة وسمعت جمله( تعالى بسرعة أبوكي تعبان) وهو مات خلاص.
اللي شافت أبوها في اخر مراحل الاحتضار وفضلت ماسكة إيده وهتموت وتكون هي مكانه
اللي عزيز عليها مات والدفنه بعد صلاه الضهر مثلا متتخيلوش إحساسها إيه ومايكات المساجد كلها بتقول انتقل الي رحمه الله فلان الفلاني #أبوها
اللي لما حطو جثه ابوها عالسرير ومرضيتش تقوم من جنبه وسرحت ونامت ودعت ربنا انه هيكون حلم او كابوس وهيعدي
اللي سمعت جملة هاتو الكفن يلا واطلعو بره عشان هنغسل الميت
اللي مامتها حضنتها ضمتها في اليوم ده وبتقولها أبوكي مات وأختها مسكت إيديها وقالتلها ضهرنا اتكسر وبقينا من غير سند وبتكررها (اعتقد صدي الصوت لسه في ودنها)
اللي طول ماهي في البيت قبل الدفنه سامعة حد يقول الله يرحمه أو ست داخله تصوت وتصرخ
اللي يوم وفاة أبوها عمالة تبص ده كان بيقعد هنا وهنا ضحك من قلبه قوي وهنا زعل
اللي فقد أبوه اليوم بتاع موته بيفضل فاكره بكل تفاصيله
محدش يقدر ينسي اليوم ده أبدا ولا كسرةالشخص في اليوم ده تقارن بأي كسرة في يوم تاني
الموضوع صعب جدا جدا مفيش اكل بتقدر تاكله
ولو نمت ساعة تقوم مفزوعة تعيط تحس ان سكينه في قلبك
ربنا ما يورينا ألم فقد عزيز علينا عشان الواحد مش هيستحمل
ووقتها بتحتاج ناس تكون جمبك وتطمنك و يا يكونو او ميكونوش وساعتها بتعرف تحسم امرك وبتعرف تبقي انسان تاني فعليا ❤
اللحظات ده بكل اللي حصل فيها مش قادره انساها بجد💔💔
