09/10/2021
الناس فاهمين الـ IT انك تعمل ريستارت او انك تسطب نسخة ويندوز 😉
مش كل من عمل ريستارت ولا سطب نسخة بقى IT 😎
الـ IT فن مش عن عن 😅😅
حكم تتكتب على ضهر كيسة الكمبووووتر 😅 ده انا عليا جمل 😎
----------------------------------------------------------------------------
* عشان تبقى "IT" شاطر لازم تكون متطور ومتطلع على اي تكنولوجي جديدة,لازم يكون عندك الشغف الدائم لتطوير ذاتك. 👨💻
** متفتيش 😅
* دايما يكون عندك ادواتك اللي بتستخدمها "Monitoring Tools - Backup Solutions " في تسهيل مهامك اليومية عشان متضيعش وقت كتير في حل مشاكل متكررة.
* حل المشاكل لازم يكون حلول جذرية, مينفعش حلولك للمشاكل يكون سطحي وان المشكلة تتكرر معاك.
** متفتيش 😅
* لازم تتبع Standard لان الناس اللي عملوا الـ Standard عملوها بناءا على خبرات قابلتهم وابتدي من بعدهم, وبرضوا ممكن تغير في الـ Standards لو كان هيضيف وهيطور منها.
* اهتم بحماية البيانات والنسخ الاحتياطية منها, البيانات هي رأس مال الشركات والمؤسسات, وانت كـ IT انت الامين على البيانات دي. 🙅♂️
* الخطط المستقبلية, والتخطيط لاي مشروع جديد انت داخل على تنفيذه.👨💼
** متفتيش 😅
* اتعامل مع السيستم كـ User عشان تعرف الـ application cycle شغاله ازاي, كل سوفت وير له مفاتيح اتعلمها كويس عشان تعرف تـ Troubleshoot وتعرف تلاقي الحلول المناسبه بسرعه.👷♂️
* اهتم بالشبكات انها هي العمود الفقري لاي مؤسسة,
** اهتم بحماية البيانات تاني, Security 🙅♂️
* في بيئة المؤسسات لازم تهتم بالنسخ الاصلية الكراكات والنسخ المضروبة دي اكتر حاجه هتأذيك.🕵️♂️
* عكنن على اليوزر قبل ما يعكنن عليك, متفهمش غلط 😅 عكنن عليه يعني اقفل الـ USB, كنترول المواقع اللي بيدخلها, اقفل اي vulnerabilities يقدر من خلالها يبوظ شغلك, 🙅♂️
