08/06/2017
اتعب عشان ترتاح .. دى حلاوة الدنيا كفاح .. :)
مصطفى الجزار تاجر وصاحب مكتب مقاولات قرر يؤجل مجاله الأصلي مؤقتا ويفتح محل لبيع القهوة "كافي شوب" واهتم جدا بتصميم المكان وروعته اللي بتظهر ذوق عالي ورغم أن واجهته شوية صعوبات إلا أنه قدر يتغلب عليها وحدد مراحل لطموحه وأحلامه بينفذها خطوة بخطوة .
في البداية فكر في مشروع يعمله في الحلمية وبعد بحث كتير لقي أن مفيش حد فاتح محل بن وكافي شوب وفتح بالفعل أول فرع لمحل "كان يا مكان" وقدر يكون علامة مميزة ضمن الباحثين عن مكان هادي وبيقدم خدمة وجودة عالية تحس فيه بالطمأنينة والراحة النفسية .
مصطفى الجزار بيعترف أنه عمره ما اشتغل في البن وأن كل علاقته بيه أنه من محبي شرب القهوة وعشان كده قبل ما يفتح المشروع قرر أنه يشتغل في محمصة بن عشان يعرف سر الصنعة ولأن البن محتاج تشغيل دماغ وفيه ابتكار ساب شغله الأساسي مؤقتا وبدأ يشتغل في مطحن البن وقال الواحد مش بيتعلم ببلاش وعرف سر الصنعة واتميز كمان على كل الموجودين وبشهادتهم قدر يكتسب الثقة ويبدأ يخطط لتنفيذ مشروعه وكله عزيمة وإصرار .
وبعد كده بدأ يعرف أسعار المشروبات في القهاوي الموجودة في نفس المربع السكني اللي فيه الكافي شوب وقرر أنه يقلل الأسعار بنسبة بسيطة ويهتم بالجودة أكتر عشان يكسب الزباين، ولو بصيت على أسعار المشروبات هتلاقيها رخيصة جدا يعني القهوة التركي العادية ب 3 جنيه والدبل ب 6 والنسكافية العادي ب 5 جنيه والدبل ب 10 جنيه والموكا نفس الأسعار 5 و 10 جنيه واسبرسوا صغيرة ب 3.50 جنيه والكبيرة 5 جنيه والكابتشينو عادي ب 5 جنيه والدبل ب 10 جنيه والهوت شوكلت بالحلب صغير ب 5 جنيه وكبير ب 10 جنيه وملك تشيك صغير ب 10 وكبير ب 12 جنيه والشاي ليبتون ب 2.5 جنيه .
اهتم بالناحية الجمالية والتصميمية للمشروع لأنه في الأساس شغال في مهنة المقاولات وبالنسبة للمسألة الجماليه قدر يخلي المكان تحفة فنية كل اللي يشوفها يثني عليها .
المشروع أساسه صناعة وبيع البن خام ومشروبات القهوة وحب يطوره فاشترى ماكينة مشروبات وضاف مشروبات للتخسيس وشاي بالنعناع والأعشاب وبدأ يبيع كمان عسل نحل أصلي بجودة عالية، وعشان الصيف قرب اتعاقد مع شركة سويسرية هتنزل ثلاجة أيس كريم بأشكال مختلفة وجديدة وكمان ضاف الكانزات على قايمة المشروبات ودخل خدمة الانترنت الـ "واي فاي" للزباين .
وحكي موقف أن فيه واحد اشتري من عنده ربع كيلو بن مخصوص وبعد فترة لاقي واحد بيقوله عايز منك كيلو مخصوص من اللي اشتريته قبل كده وقاله أنا جيت تاني ليك مخصوص من بني سويف عشان اشتري من عندك البن وده من ضمن المواقف اللي أكدت أن مصطفى الجزار ماشي في الطريق الصحيح وقال إنه أول ما بيوصل لطموح وهدف حاطه قدام عينه طموحاته بتزيد وبتكبر عشان كده نفسه يفتح فرع تاني في مكان أرقى ويبدأ يفتح سلسلة محلات باسم "كان يا مكان .
#شجعوهم
اتعب عشان ترتاح .. دى حلاوة الدنيا كفاح .. :)
مصطفى الجزار تاجر مقاولات قرر يسيب مجاله الأصلي ويفتح محل لبيع القهوة "كافي شوب" واهتم جدا بتصميم المكان وروعته اللي بتظهر ذوق عالي ورغم أن واجهته شوية صعوبات إلا أنه قدر يتغلب عليها وحدد مراحل لطموحه وأحلامه بينفذها خطوة بخطوة .
في البداية فكر في مشروع يعمله في الحلمية وبعد بحث كتير لقي أن مفيش حد فاتح محل بن وكافي شوب في نفس الوقت واستعان بأحد أصدقاءه وهو نبيل عيسي شغال في مجال الطيران عشان يشاركه المشروع وفتح بالفعل أول فرع لمحل "كان يا مكان" وقدر يكون علامة مميزة ضمن الباحثين عن مكان هادي وبيقدم خدمة وجودة عالية تحس فيه بالطمأنينة والراحة النفسية .
مصطفى الجزار بيعترف أنه عمره ما اشتغل في البن وأن كل علاقته بيه أنه من محبي شرب القهوة وعشان كده قبل ما يفتح المشروع قرر أنه يشتغل في محمصة بن عشان يعرف سر الصنعة ولأن البن محتاج تشغيل دماغ وفيه ابتكار ساب شغله الأساسي وبدأ يشتغل في مطحن البن وقال الواحد مش بيتعلم ببلاش وعرف سر الصنعة واتميز كمان على كل الموجودين وبشهادتهم قدر يكتسب الثقة ويبدأ يخطط لتنفيذ مشروعه وكله عزيمة وإصرار .
وبعد كده بدأ يعرف أسعار المشروبات في القهاوي الموجودة في نفس المربع السكني اللي فيه الكافي شوب وقرر أنه يقلل الأسعار بنسبة بسيطة ويهتم بالجودة أكتر عشان يكسب الزباين، ولو بصيت على أسعار المشروبات هتلاقيها رخيصة جدا يعني القهوة التركي العادية ب 3 جنيه والدبل ب 6 والنسكافية العادي ب 5 جنيه والدبل ب 10 جنيه والموكا نفس الأسعار 5 و 10 جنيه واسبرسوا صغيرة ب 3.50 جنيه والكبيرة 5 جنيه والكابتشينو عادي ب 5 جنيه والدبل ب 10 جنيه والهوت شوكلت بالحلب صغير ب 5 جنيه وكبير ب 10 جنيه وملك تشيك صغير ب 10 وكبير ب 12 جنيه والشاي ليبتون ب 2.5 جنيه .
اهتم بالناحية الجمالية والتصميمية للمشروع لأنه في الأساس شغال في مهنة المقاولات وبالنسبة للمسألة الجمالية سابها لشريكه نبيل عسي اللي قدر يخلي المكان تحفة فنية كل اللي يشوفها يثني عليها .
المشروع أساسه صناعة وبيع البن خام ومشروبات القهوة وحب يطوره فاشترى ماكينة مشروبات وضاف مشروبات للتخسيس وشاي بالنعناع والأعشاب وبدأ يبيع كمان عسل نحل أصلي بجودة عالية، وعشان الصيف قرب اتعاقد مع شركة سويسرية هتنزل ثلاجة أيس كريم بأشكال مختلفة وجديدة وكمان ضاف الكانزات على قايمة المشروبات ودخل خدمة الانترنت الـ "واي فاي" للزباين .
وحكي موقف أن فيه واحد اشتري من عنده ربع كيلو بن مخصوص وبعد فترة لاقي واحد بيقوله عايز منك كيلو مخصوص من اللي اشتريته قبل كده وقاله أنا جيت تاني ليك مخصوص من بني سويف عشان اشتري من عندك البن وده من ضمن المواقف اللي أكدت أن مصطفى الجزار ماشي في الطريق الصحيح وقال إنه أول ما بيوصل لطموح وهدف حاطه قدام عينه طموحاته بتزيد وبتكبر عشان كده نفسه يفتح فرع تاني في مكان أرقى ويبدأ يفتح سلسلة محلات باسم "كان يا مكان .
#شجعوهم
