3S Apps

08/12/2017

تطبيق زيرو كام

كلنا معانا أكثر من خط موبيل لشركات المحمول وأول سؤال بتسأله لحد قبل ما تاخد رقمه "انت زيرو كام؟" عشان تعرف هتسجله على اهنو خط، تطبيق (زيرو كام) هيساعدك تشوف الأسماء المسجلة على الهاتف بطريقة جديدة.

التطبيق بيقسم الأسماء حسب شبكات المحمول يعني:
أرقام 010 هتلاقيها مجمعة لوحدها في قائمة فودافون
أرقام 012 هتلاقيها مجمعة لوحدها في قائمة أورانج
أرقام 011 هتلاقيها مجمعة لوحدها في قائمة اتصالات
أرقام 015 والأرقام الأرضي والدولى هتلاقيها مجمعة في قائمة آخرى

ولو انت عايز تعرف الأسماء اللي عندك معظمها تبع اهني شبكة تقدر تعرف من خلال العدد المكتوب جنب اسم كل شبكة.
والتطبيق بيتيح لك انك تكبر حجم الخط المكتوب بيه الأسماء.
وتقدر تبعت رسالة sms لأكتر من شخص بطريقة سريعة وسهلة.

التطبيق نسخة محدثة من تطبيق (نوتة الأرقام) باستخدام الـ Material Design لتحميل التطبيق
https://play.google.com/store/apps/details?id=sssapps.zerokam.egypt

31/08/2017

في اللحظة دي فيه اكتر من 2 مليار هاتف اندرويد شغالين في العالم كله ودا زود الطلب علي مبرمجين الاندرويد بشكل كبير جدا وخلاها من الوظائف المهمة في كل شركات التكنولوجيا عموما والبرمجة خصوصا.

تخيل التطبيقات دلوقتي بقت داخله في كل حاجة في حياتنا من اول السوشيال ميديا اللي بنقضي عليها معظم وقتنا واحنا ماسكين الموبايل لغاية طلب الاكل والتسوق وكمان ركوب التاكسي والموضوع بيطور مع انتشار الاجهزة الصغيرة المرتبطة بالانترنت اللي بتقدر تجمع داتا مختلفة سواء الداتا دي بيانات حيوية من جسمك وعايز تتابعها عشان تعرف حالتك الصحية او بيانات من الاجهزة الموجودة في البيت عشان تتحكم فيها حتى وانت مش موجود في البيت فكل الداتا دي لازم يكون ليها تطبيقات على الموبايل.

عشان كده كل الشركات دلوقتي بتحاول يكون ليها وجود قوي من خلال ابلكيشن بتحاول تطوره دايما وتزود فيه المميزات اللي تشد بيها العميل.
مين اخر شركة بعتتلك رسالة عشان تنزل التطبيق بتاعها؟ شركة المحمول ولا البنك اللي بتتعامل معاه ولا معمل التحاليل عشان تستلم نتيجتك؟
كل دي امثلة بسيطة لما تعرف ان عدد التطبيقات علي جوجل بلاي وصل اكتر من 3 مليون تطبيق بين تطبيقات صغيرة وتطبيقات ضخمة شغال عليها فرق تضم عشرات او مئات المبرمجين وعدد التطبيقات دا مرشح للزيادة بشكل كبير الفترة الجاية.

لو المجال دا بيستهويك وحاسس ان انت تقدر تبدع فيه بس محتاج تحط رجليك على أول الطريق فالفرصة جاتلك مع كورس هاتتعلم فيه برمجة الاندرويد بفهم عشان تطلع مبرمج متميز مش مجرد واحد بيعرف يكتب كود.
الكورس هيبدأ يوم السبت 9_9 إن شاء الله لو عايز تحجز مكان سيبلي كومنت وهبعتلك كل التفاصيل في رسالة واسأل الناس اللي جربت معانا استفادت اد ايه.

عشان تتعلم برمجة الاندرويد انت مش محتاج يكون عندك اي خبرة خالص لان احنا هنبدا من الاساسيات جدا بس لازم تكون بتعرف تتعامل مع الكمبيوتر كويس ومعاك اللاب توب بتاعك.

فيه ناس كتير السنة اللي فاتت كانت بتطلب مني اعيد الكورس دا وانا غصب عني بسبب ضغط الشغل ماكنش عندي وقت متاح بس الحمدلله قدرت اظبط مواعيد مناسبة للكورس .. فاللي عايز يتعلم برمجة الاندرويد معايه الفرصة جات وهيكون العدد 20 شخص فقط عشان اقدر اتابع معاهم واتاكد انهم بينفذوا التاسكات بايديهم.

20/03/2016

" تم مد فترة التسجيل لاول شهر ابريل"

يسر مركز الابداع التكنولوجي و ريادة الأعمال (TIEC)الاعلان عن بدء التسجيل في مبادرة جوجل و وزارة الاتصالات: (MAL) Empowering Mobile App Innovation & Entrepreneurship المجموعة الرابعة - Cohort D

MAL هى مبادرة جديدة للابتكار وريادة الأعمال في مجال تطبيقات المحمول، اطلقت في مايو 2015 بالتعاون بين وزارة الاتصالات وتكنولوجيا المعلومات و شركة جوجل. وتستهدف 2000 من الطلاب والخريجين من جميع أنحاء مصر للمشاركة في برنامج شامل يوفر التدريب والاستثمار في الابتكار وروح المبادرة ويساعدهم على التقدم في حياتهم المهنية.

يقدم البرنامج ما يلي:

· التدريب (Online) لتطوير تطبيقات المحمول من خلال منصة UDACITY، مع توفير مدربين/ مرشدين بمواقع جغرافية مختلفة لتقديم الدعم الفني اللازم للحصول على الشهادة.
· مكافأة نقدية بعد الانتهاء بنجاح من متطلبات الدورة للمشاركين.
· تقديم منح مجانية للمتميزين للحصول على مناهج متقدمة.
· دعم المشاركين المتميزين للسفر الى مقرات الشركات العالمية (بما في ذلك المكتب الرئيسي لجوجل في Mountain view كاليفورنيا )
· المشاركة في مسابقة لأفضل التطبيقات حيث سيتم منح جوائز حتى 200،000 USD للفائزين لمساعدتهم على تسويق تطبيقاتهم.

شروط التقديم :
· أن يكون المتقدم مصري الجنسية (طالب او حديث التخرج)، مع مراعاة ان تكون سنة التخرج ما بين السنوات 2010-2017
· أن يكون للمتقدم خبرة جيدة بالبرمجة خبرة في البرمجة (لا تقل عن سنتين)
· أن يكون المتقدم طالب او خريج حديث من جامعة في المجالات الآتية : علوم الحاسب ، هندسة الحاسبات، هندسة الاتصالات ،و نظم المعلومات (MIS / BIS)

عملية تقديم الطلبات مفتوح الآن، اضغط هنا لاستمارة الطلب. يرجى ملاحظة أن المجموعة الرابعة من المشاركين في البرنامج المجموعة ( D ) ستبدأ في شهر أبريل 2016.


في استمارة الطلب سوف تجد أيضا مزيد من المعلومات حول البرنامج ومعايير الأهلية، وعملية التطبيق.

في حالة وجود أي استفسارات أخرى يرجى التواصل على البريد الإلكتروني : [email protected]

مع تمنياتنا بالتوفيق للجميع

23/12/2015

فرصة تدريب حلوة جدا

#المفاجأة
شركة ITS دى شركة Multinational مقرها فى المنطقة الحرة - مدينة نصر - القاهرة
هتقدم تدريب لطلبة كليات الحاسبات والمعلومات وكليات الهندسة قسم الحاسبات فى لسنوات "الثالثة والرابعة" فى أجازة نص السنة بالمحتوى الموجود فى الصورة دى
علشان تقدم على التدريب ده أملى الأبليكشن ده ببياناتك : https://goo.gl/RPgtck
علشان تعرف أكتر عن الشركة ممكن تشوف الموقع بتاعهم من هنا : http://goo.gl/XMJxSb
وعلشان يوصلك كل جديد من المجرة - AlMejarra شوفو البوست ده : https://goo.gl/j8Hozq
اعمل منشن لأصحابك : ))
موفقين يا شباب (y)

10/12/2015

10/12/2015

Hiring:

- Android Developer
- 2 PHP Developers
- Front End Developer
- Graphic Designer

Full time and Part time positions are available.
If you are interested, please send your cv to hr[at]rytalo.com

Please share with your friends.

12/09/2015

ايفنت متميز جدا عن الـ Security وخاصة أمن تطبيقات الهواتف الذكية.
المكان: سيتي ستارز - قاعة السرايا
الزمان: الساعه 2 - 5 ونص مساءا
الحضور مجانا، والدخول بأسبقية الوصول

The Attendance is free of charge without need for conference ticket, Event Agenda: Software Security Assurance (By: Nadim Barsoum) Implementing a software security assurance program can be a daunting task that can leave program managers and consultants equally overwhelmed. In this talk we discuss th…

05/09/2015

بنجهزلكم تطبيق جديد هيكون مسلي جدا جدا 😃
احنا دلوقتي وصلنا لتالت اسبوع في التدريب، استنوا التطبيق مع نهاية التدريب ان شاء الله علي جوجل Play

12/08/2015

النهارده كان أول يوم تدريب للمبرمجين المتميزين من دبلومة الأندرويد.

كان معانا م/محمد حسين "مبرمج في فودافون"
واتكلمنا عن ال Design Pattern وأهميته واتعلمنا ازاي نكتب كود بروفيشنال مش اسباجتي كود

08/08/2015

انتظروا تطبيق بتانة على الاندرويد والايفون قريبا ان شاء الله

أهدت دار العين للنشر، ألف كتاب من إصداراتها لمؤسسة "بتانة" الثقافية، كهدية من الدار للمؤسسة،… كتب : محيط - سميرة سليمان

01/07/2015

الف مبرووووك لــ "أحمد جنة" على فوزه بجدارة بجائزة نهاية الدبلومة.
أحمد ما شاء الله نفذ التاسكات المطلوبة طوال فترة الدبلومة بنسبة نجاح 91%
**************************
===================

من الحاجات اللي بتفرحنا جدا إن أحمد ابتدي معانا الدبلومة وهو ميعرفش أي حاجة عن البرمجة غير كام فيديو شافهم على النت وماستفدش منهم كتير، دلوقتي أحمد بقى بيعمل تطبيقات أندرويد بايده وبيعرف يوصل لأي معلومة يحتاجها ويحل أي مشكلة برمجية تقابله من غير ما يسأل حد.

;;;;;;;;;;;;;;;;;;;;;;;;;;;;;;;;;;;;;;;;
الحمدلله الذي وفقنا إن احنا نوصل لهدفنا وهو إن الناس تخرج من الكورس وهي واثقة في نفسها وتقدر تعتمد على نفسها عشان تحل اي مشكلة برمجية.