سَـــــام - SAM Designs

16/04/2025

إزيك 🌷
أوقات كتير بنمر بتجارب قاسيه ومن بعدها بنقرر مش هنسعي تاني ولاهنحارب تاني ممكن التجارب دي تكون في دراسه لتخصص معين بنحبه ونفسنا نكمل في باقي حياتنا وممكن تبقي وظيفه في مكان معين نفسنا نكون جزء منه وممكن علاقات سابقه صداقه مثلًا أو إرتباط ولما بنسعي كتير فيها ومش بنلاقي نتيجه بنقرر نبطل سعي خالص مش بس في الحاجات دي لا في أي حاجه تانيه جديدة وبيكون جوانا دايمًا خوف ورعشه من إننا نخوض في تجارب ومحاولات سعي تاني ومانوصلش برضو لحاجه زي اللي فات فتلقائي عقلنا بيقرر قرار حاسم إنه لا مش هنخوض تجارب تاني مش هنسعي تاني إحنا كدا تمام وده وسيلة عقلنا وجسمنا بيتبعها عشان يحافظ علينا كنوع من الحماية والحصن زي جهاز المناعه بالظبط أول مابيدخل جسم غريب الجسم حتي لو نافع زي التطعيم مثلًا رغم إنه مفيد وبيساعد الجسم يكون مناعه وحصن ضد الفيروس إلا إنه لازم الجهاز المناعي يبدأ يهاجمه بإنه يفرز خلايا محددة عشان يبدأ يتعرف علي الجسم ده نافع ولا ضار وبمجرد مابيتأكد إنه هينفعك بعد كدا بيسجل نسخه منه عشان لما تتصاب بالفيروس يقدر الجسم يقاوم العدوي
العمليه دي بتاخد من أيام لأسابيع وبعد كدا الجسم والجهاز المناعي بيهدي والإنسان بيرجع يمارس حياته تاني عادي 🤎❤️🤎
نفس الطريقه دي عقلك وقلبك بيحافظ عليك من الخوض في أي تجارب أو سعي جديدة كنوع من الحمايه الذاتيه يعني في نظره إنه لما يحطك في منطقة راحه كدا إنت تمام وهيبقي بيحافظ عليك وده لإنك اتألمت مسبقًا ومش عاوز يسيبك تتألم تاني وبما ان وضحنا إن مش كل جسم غريب بيدخل جسم الإنسان بيكون ضار كذلك مش كل تجربة جديدة أو سعي جديد هيكون ضار وارد جدًا يكون نافع وأفضل من كل التجارب السابقه وممكن يكون هو نتيجه تراكمات سعيك المستمر وتجاربك السابقه دي كانت تهيئه للتجربة الجديدة اللي بتخليك تتعرف علي نفسك وروحك أكتر وتتعلم حاجات جديدة يمكن ماكنتش تتعلمها لو كانت أول تجربه أو سعي نجحت وتكون دي هي الحاجه اللي روحك بتدور عليها وتألفها بس ماكنتش هتعرف توصلها بكم التشتت والصخب اللي جواك وكان لازم تمر بكل ده عشان تكمل الناقص اللي جواك ووقتها تحس إنها شبهك بالمل كإنها صُنعت خصيصًا لأجلك بس كان لازم تمشي وتمر بطريق يعدي علي حاجات كتير تخدم التجربه أو السعي الجديد ده فطول ماانت خايف وبتأجل التجربه الجديدة كل مابتتأخر عليك فرصة الإستمتاع بيها ربنا كان بيخاطب دايمًا الأنبياء انهم مايخافوش ويخوضوا تجاربهم بقوة كسيدنا يحيي في قول الله عز وجل يا يحيي خُذ الكِتاب بقوة
الأمر لايحتاج منك سوي إستعانه بالله وكثرة الدعاء والإستخارة عشان أي كانت النتيجة تكون مطمن ومرتاح إن عاقبة الأمر خير لك وتاخد الشئ بقوة وماتأجلش
ماتخفش تبدأ من جديد
جايز قصتك الجديدة أحلي 🌷

11/04/2025

مبدئيًا البوست ده كبير وجدًا كمان بس هتندم لو ماقرأتوش كله فلو جه قدامك اعمله save وارجعله تاني

بقالي كتير مش بصمم ولا متفاعله علي البيدج بس حصل حاجه غريبه النهاردة صحيت فجأة علي صوت خطبة الجمعه علي جملة
في ناس كتير بتقول انها بتدعي وربنا مش بيستجبلها

( والجمله دي الفترة دي تحديدًا كنت كل مااتكلم علي الدعاء مع حد وأنصحه يقولي الجمله دي فكنت بقف كدا مش عارفه اقنعهم ازاي إنه لا بيستجيب والله وكنت بفضل اقولهم نبدأ صفحه جديدة وننسي اللي فات ونمشي علي تدريب عملي وبحاول أديهم من تجاربي الشخصيه في الدعاء بس بحسهم فاقدين الشغف في الدعاء والثقه في الله بل في منهم وصل لحد ان مش هدعي اصلًا أنا حاسس ان زعلان من ربنا جملة صعبه بس مدركه شعورهم لإن في فترة من حياتي كنت بحس لي مافيش استجابه لحد مااللهم بارك ربنا علمني )

فالمهم انا صحيت علي الجمله دي والشيخ قال وهديكم 10 أسباب لعدم استجابة دعائكم والحقيقه رغم ان كنت بسمع دروس كتير الا ان المرادي حاسه العشرة دول مختلفين في المعني أو القيمة مش عارفه بس حاسه الكلام مختلف دايمًا الدعاء مرتبط بمبدأ اليقين فقط واغلب الشيوخ بتحطك في الخانه دي فتحس طب ماانا اعمل ايه اجيبه منين انا واثق بس من جواك بتكون مهزوز بس المرادي العشر حاجات دول تدريب عملي فعلًا وحقيقي لو الأنسان اتبعهم هيلاقي أثر وكمان هيساعدوك تعزز اليقين في قلبك انا اكتشفت ان في حاجات طبقتها في فترة في حياتي وفعلًا الفترة دي لقيت فيهم استجابه فيالا بينا بقا نعرفهم طولت عليكم بس حبيت أجيب الموضوع من الأول ماتتخصوش اتفقنا هنعمل save ونقرآه لو مش فاضيين بس أصلًا لو انت شخص فغلًا يهمك ربنا يستجبلك هتبذل مجهود في القرايه عادي

قال الإمام في خطبة جمعة اليوم عشر أسباب لعدم استجابة دعائك ( حبيت أحط التاتش بتاعي واعزز الكلام ده بأدله من القرآن لامست قلبي في يوم )

أولًا عرفتم الله عز وجل ولم تعطو الله حقه
وحق الله يشمل ( الصوم - الصلاة - الزكاة - بر الوالدين - الصدقه ) وطبعًا كل ماأمر به ونهي عنه

ثانيًا عرفتم النبي محمد صل الله عليه وسلم ولم تتبعو سنته ( وأرشح لكم كتاب ألف سُنه في اليوم والليلة الكتاب ده سهل بسيط وقعدت فتره بقرأ في وأتبع من سننه وأكتشفت إن في سنن سهلة جدًا جدًا ممكن نعملها ونستحضر النوايا دي إننا بنتبع سنن النبي حبًا فيه وتصديقًا به وبوعوده وإستجابة لدعائنا

ثالثًا خذركم النبي والقادر أي الله عز وجل من الشيطان وأهله فاتبعتتم الشيطان فضلكم فكيف يستجيب لك المجيب أيها الموحد وأنت تتبع الشيطان

ولما رجعت للقرآن تذكرت الأيه اللي بتقول

إن الله لا يغفر أن يشرك به ويغفر ما دون ذلك لمن يشاء ومن يشرك بالله فقد ضل ضلالا بعيدا إن يدعون من دونه إلا إناثا وإن يدعون إلا شيطانا مريدا

فبمجرد مااتبعت الشيطان أضليت الطريق أولًا لانك أشركت مع ربنا شئ ولإنك اتبعت من لاينفعك فضليت الطريق حتي ربنا لما وجه المضطر قال آمن يجيب المضطر إذا دعاه وده لإن المضطر حقق تمام التوحيد في قلبه ماأشركش شى مع الله ووقتها بتجيله الإستجابة الفوريه والشئ ده مش بس شيطان ممكم سبب شخص مكان وقت محدد

رابعًا عرفتم ان الجنة حق فلم تعملوا لها

للأسف كلنا عاوزين الجنة ومش بس كدا أعلي مراتب الجنان كمان بس مش كلنا بنشتغل عليها بدليل إن في ناس بتشهد زور في شغلها وتعين ظالم لمجرد خوفها من فقدان الرزق وناس كتير بتكذب تحت مسمي الكذبه البيضا مع ان الكذب هو كذب واحد مافيش منه الوان ولما بتعمل ذنب بتقول ربنا هيغفرلي وبتخلي ربنا اهون الناظرين ليها
في فرق بين عبد واثق ان الله غفور وبيجاهد انه مايقعش في الذنب وبين شخص اخر بيعمل الذنب ومقبل عليه ومافيش جهاد نفس لمجرد انه ربنا غفور رحيم لإنه كدا ماعظمش ربنا في قلبه بس عظم الذنب علي الرب

خامسًا عندما تستيقظون من النوم تنشغلون بعيوب الناس وتنسون عيوبكم ( فلان راح فلانه راحت فلان سوي فلانه سوت )

وقد حذر النبي صل الله عليه وسلم وقال
من قال سمعت لك لن يسمع الله له
ادعي ربنا للصبح وربنا مش هيسمعك والحقيقه أنا مااعرفش ده حديث او لا ولكن الشيخ قاله وانا دورت مالقتش له نص ولكن أصلاً الغيبه منهي عنها ومن أسباب موانع الإستجابة ربما ورد النص في قصه والله اعلم

سادسًا كيف يستجيب الله لك وأن تعصي الله تعالي

إن الذنوب تحول بين العبد وربه والدليل إنه من ايات الإستغفار لما جيت اتدبرها لقيت إن المغفرة سبقت الرزق معني كدا إن لن تنال الرزق والعطايا الا بعد المغفرة وربما ده السبب اللي ناس كتير بتستغفر علي نيه الرزق و مش بتلاقي اثر وده لإنهم مارتبوش النوايا صح انه المغفرة أولا ثم الخيرات ووعود الله في ثمارات الإستغفار بعد ذلك

فَقُلْتُ اسْتَغْفِرُوا رَبَّكُمْ إِنَّهُ كَانَ غَفَّارًا يُرْسِلِ السَّمَاءَ عَلَيْكُم مِّدْرَارًا وَيُمْدِدْكُم بِأَمْوَالٍ وَبَنِينَ وَيَجْعَل لَّكُمْ جَنَّاتٍ وَيَجْعَل لَّكُمْ أَنْهَارًا

طب والحل ؟ مااحنا مش هنبطل ذنوب ده بكلام ربنا فلقيت برضو حل في القرآن إننا مش هنعرف مانذنبش خالص لكن الحل اننا نخالط الذنوب دي بعمل صالح ونكثر منه بحيث يبقي الميزان للعمل الصالح اقوي ووقتها ربنا هيتوب علينا ويغفر لينا ويستجيب لدعائنا

وَآخَرُونَ اعْتَرَفُوا بِذُنُوبِهِمْ خَلَطُوا عَمَلًا صَالِحًا وَآخَرَ سَيِّئًا عَسَى اللَّهُ أَنْ يَتُوبَ عَلَيْهِمْ إِنَّ اللَّهَ غَفُورٌ رَحِيمٌ

هيجي حد يقول طب فين دليل ان الإستجابة مرتبطه بالإستغفار ؟

لقيت في القرآن ايه بتقول

وَإِلَىٰ ثَمُودَ أَخَاهُمْ صَالِحًا ۚ قَالَ يَا قَوْمِ اعْبُدُوا اللَّهَ مَا لَكُم مِّنْ إِلَٰهٍ غَيْرُهُ ۖ هُوَ أَنشَأَكُم مِّنَ الْأَرْضِ وَاسْتَعْمَرَكُمْ فِيهَا فَاسْتَغْفِرُوهُ ثُمَّ تُوبُوا إِلَيْهِ ۚ إِنَّ رَبِّي قَرِيبٌ مُّجِيبٌ

ولو ربطناها بالأيه اللي بتقول

وَإِذَا سَأَلَكَ عِبَادِي عَنِّي فَإِنِّي قَرِيبٌ ۖ أُجِيبُ دَعْوَةَ الدَّاعِ إِذَا دَعَانِ ۖ فَلْيَسْتَجِيبُوا لِي وَلْيُؤْمِنُوا بِي لَعَلَّهُمْ يَرْشُدُونَ

يعني الإستغفار مرتبط بالإجابة بس برضو في شرط تاني في ناس بتقع في اللي هو ايه ؟
1/ فليستجيبوا لي
2/ وليؤمنوا به

في ناس بتطبق الكلام ده فعلًا لكن علي سبيل التجربه هي مش متأكدة إن بإستغفارها ربنا هيستجيب بس بتطبق فكدا مشكلتك مش إن الله قادر ولا مش قادر مشكلتك إن الله قادر ولكن عبد القادر مش مصدق إن الله قادر فوقتها مش بيحصلك إستجابة وترجع تقول ربنا مابيستجبليش صدقني العيب فيك انك انما ربنا مُجيب حتي في آيه بتقول كدا

وما قدروا الله حق قدره والأرض جميعا قبضته يوم القيامة والسماوات مطويات بيمينه سبحانه وتعالى عما يشركون

سابعًا كيف يستجيب لك وأنت تعلم أن الموت حق ولم تستعد له

إنكم تودعون الناس الي المقابر ولم تعتبروا بها بل ناس كتير بتزور المقابر ولم تتعظ أو تاخد قرار التوبه بس بتزور المقابر فقط

ثامنًا اتقوا الله وأصلحوا ذات بينكم فإن الله يصلح بين المسلمين يوم القيامة

حب أخيك حب جارك النبي صل الله عليه وسلم قال المؤمِنُ مرآةُ أخيهِ ، المؤمنُ أخو المؤمنِ يَكُفُّ عليهِ ضَيْعَتَه ويحوطُه مِن ورائِهِ

شوف حد عنده مشكله وساعدوا
المؤمن للمؤمن كالبنيان يشد بعضه بعضًا وشبك بين أصابعه ويقول ﷺ: من كان في حاجة أخيه كان الله في حاجته ويقول ﷺ: والله في عون العبد ما كان العبد في عون أخيه.

طبعًا العكس بيحصل دلوقت لو يطول الناس تاكل لحم أخيه هياكلوا الا من أتقي الله وأصلح ذات البين ودول قله قليلة ومضطهدين في المجتمع وكلنا عارفين ده
حتي النبي و صلى الله عليه وسلم: المؤمن الذي يخالط الناس ويصبر على أذاهم أعظم أجراً من الذي لا يخالطهم ولا يصبر على أذاهم وده لإنه يعلم من الله إن في ناس ظالمه كتير وسطنا بس ربنا شجعنا نخالط ونقف للظالم ونقوله انت ظالم ومانخفش من الحق المؤمن القوي خير وأحب الي الله من المؤمن الضعيف

تاسعًا والصراحه دي بقا دخلت في قلبي لان بقالي فترة حاسه ربنا بيوجهني ليها أسأل الله أن يعينني وإياكم

انكم قرأتم القرآن ولم تعملوا به فكيف يستجيب الله عز وجل منك الدعاء ونحن لانقرآه ولا نحفظه ولانتدبره وقد قال الله عز وجل فِيهِ شِفَاءٌ لِّلنَّاسِ ۗ إِنَّ فِي ذَٰلِكَ لَآيَةً لِّقَوْمٍ يَتَفَكَّرُونَ

الشفاء في القرآن عليك أن تتقي الله عز وجل وتعود للقرآن فإذا رجعت للقرآن جعل الله لك كل شئ ملكك .. فحِب القرآن 💜

كمان لما جيت اتدبر القرآن لقيت الآيه دي وهتساعدك بقا في رقم 3

وإذا قرأت القرآن جعلنا بينك وبين الذين لا يؤمنون بالآخرة حجابا مستورا

يعني القرآن هيساعدك تحارب نجوي الشيطان فبتالي مش هتشرك مع الله افكار واسباب واشخاص فهتحقق التوحيد فهتكون كقلب المضطر فيستجيب 🤍😉

عاشرًا استعد للقاء الله
من أحب لقاء الله أحب الله لقاءه

وعشان تحب لقاء ربنا لازم تعمل للقاء ربنا 🤍

ماكنش ينفع أصحي فجأة علي الجمله دي والاقي نفسي بكتب كل كلمه وده عكس شخصيتي خالص أنا بصحي باخد ساعه استوعب العالم فسبحان الله ربما جعلني سبب إني أنشر الخطبة دي ماحبتش أخد الفايدة لوحدي أسأل الله أن يكون سبب في إستجابة دعائي ودعائكم جميعًا
بالمناسبه الوقت ده أخر ساعة من يوم الجمعه وده وقت إستجابة دعاء 💜

02/02/2025

تصميم اليوم وهو عن أثر ذكر الله تعالي الذي هو حرز من الشيطان💛

النبي عليه الصلاة والسلام ضرب مثال للذكر

ماذا قال ؟ قال صلي الله عليه وسلم وإن مثل ذكر الله تعالي كمثل رجل عدل العدو في أثره سراعًا فأحرز إلي حصنًا حصينا فأعتصم به منه🧡


اليوم الخامس عشر من تحدي #365 يوم_تصميم


حابه أشكر كل الناس اللي إهتمت ولاحظت إن وقفت نشر تصميم كل يوم من تحدي 365 يوم تصميم وحقيقي رغم إن متابعيني قليلين جداً الا إن في منهم ناس لطيفه جميلة إصرارهم علي الإستمرار شجعني أرجع من تاني حقيقي بحبكم من كل قلبي وأتمني ليكم حياة مطمئنه طيبة سعيدة وجميلة تشبه قلوبكم 🧡🧡 وأتمني إن أقدر أستمر ولو كان شخص واحد بس اللي بيستني تصميمي 😊

15/01/2025

نعتذر عن تصميم اليوم من تحدي
لظروف مرضيه
اليوم الحادي عشر بلا تصميم 😪 فعملنا شير لتصميم قديم

لو فاكر إنك بتتحسد عشان شاطر وخلاص فأنت غلبان
ممكن تتحسد علي نشاطك وشغفك وقدرتك البدنيه في عمل مهامك اليوميه اللي المفروض كل البشريه بتقوم بيها حتي لو مش قادرة إمتثال لأوامر الله 🧡
بس للأسف هتقابل نوعيه من البشر ماتعرفش اللهم بارك هيحسدوك علي الحاجات الطبيعيه دي فتتحول من شخص شغوف مقبل علي الحياة و العمل والدراسه والتعلم لدب قطبي متجمد علي كنبه بيتكم ومش عارف مالك وفيك إيه فلما تلاقي نفسك تحولت 180 درجه كدا فلامانع من الأخذ بالأسباب زي

1/المحافظة علي صلاة الفجر في وقتها
2/المحافظة علي أذكار الصباح والمساء خاصة تاج الذكر

تاج الذكر/ لااله الا الله وحده لاشريك له له الملك وله الحمد وهو علي كل شئ قدير 100 مرة بحديث صحيح

عن أبي هريرة رضي الله عنه أن النبي صلى الله عليه وسلم قال: من قال لا إله إلا الله وحده لا شريك له له الملك وله الحمد وهو على كل شيء قدير في يوم مائة مرة كانت له عدل عشر رقاب، وكتبت له مائة حسنة، ومحيت عنه مائة سيئة، وكانت له حرزاً من الشيطان يومه ذلك حتى يمسي، ولم يأت أحد بأفضل مما جاء به إلا أحد عمل أكثر من ذلك

3/ الرقية الشرعية وأبسطها قراءة الفاتحه فهي كافيه وشافيه 🧡

14/01/2025

وَمِنَ النَّاسِ مَن يُعْجِبُكَ قَوْلُهُ فِي الْحَيَاةِ الدُّنْيَا وَيُشْهِدُ اللَّهَ عَلَىٰ مَا فِي قَلْبِهِ وَهُوَ أَلَدُّ الْخِصَامِ

هتقابل ناس كتير في حياتك ينطبق عليهم الآيه دي هيقولك في وشك كلام حلو جداً ومن وراك هيتكلموا عنك بأبشع الكلام وبما ليس فيك هتتفاجأ من سواد قلوبهم بس خد بالك ربنا مش هيكون سايبك أول ماهتدخل الأماكن اللي فيها النماذج دي قلبك هينقبض .. مش هترتاح للمكان ولا هترتاح ليهم ولا هتعرف تحبهم بس في نفس الوقت مش هتكرهم لإنك ماشوفتش لسه حاجه وحشه منهم بس صدق حدسك لإنه بيكون إلهام من الله بينبهك به إن يا فلان خد بالك من البشر دي

هتتفاجأ لما تكتشفهم بس هتفتكر أول شعور حسيته تجاهم والدليل قول الله عز وجل

أَمْ حَسِبَ الَّذِينَ فِي قُلُوبِهِمْ مَرَضٌ أَنْ لَنْ يُخْرِجَ اللَّهُ أَضْغَانَهُمْ وَلَوْ نَشَاءُ لَأَرَيْنَاكَهُمْ فَلَعَرَفْتَهُمْ بِسِيمَاهُمْ وَلَتَعْرِفَنَّهُمْ فِي لَحْنِ الْقَوْلِ وَاللَّهُ يَعْلَمُ أَعْمَالَكُمْ

سبحان الله مها اللي قدامك حاول يخدعك هتظهر في فلتات لسانه.. في ملامح وجهه .. وفي نظرات عيونه

وأنا النهاردة مش جايه اكلمك واطمنك إن ربنا كان شاهد لما ماكنش في حد شاهد ولا جايه اقولك وَمَا كَانَ رَبُّكَ نَسِيًّا ولا جايه أفكرك بحادثة الإفك
اللي اتُهمت فيها السيدة عائشه وقيل فيها ماليش فيها حتي برأها الله

أنا جاية هنا عشان النماذج التانيه اللي بينسو يوم القيامه

أحب أذكركم بقول الله عز وجل

الْأَخِلَّاءُ يَوْمَئِذٍ بَعْضُهُمْ لِبَعْضٍ عَدُوٌّ إِلَّا الْمُتَّقِينَ

صاحبتك اللي بتقعدي تغتابي الناس معاها وتجيبي في سيرة البنات سواء كويسين أو لا هتتبرأ منك يوم القيامه مش هتعرفك

تخيلي تشيلي الليلة في قصة ماتخصكيش
تخيلي تقفي تتحاسبي علي ذنب اتحرجتي بس توقفي وممكن البنت اللي جبتو في سيرتها دي ماتسامحكيش ويبقي دخولك الجنة متوقف علي مسامحتها وماتسامحكيش عشان وقفتي جنب صاحبتك واغتبتي البنت معاها مع انك ماكنش ليكي معاها مشكله بس سمحتي لنفسك تقعدي تسمعي لصاحبتك كلام وحش عن البنت اللي لسه مااتعرفتيش عليها وكرهتك فيها وقفلتك منها

مش هقولك ممكن تبقي أفضل من صاحبتك بس هقولك قيسي فعل صاحبتك دي عند ربنا

هل يرضي الله ولالا ؟؟
هل علاقتك بيها بتقودك للجنة ولا لا ؟؟

تتبع عورات الناس منهي عنه شرعاً ولا يوجد مبرر لفعل مثل هذه التصرفات ولا تصدر الا من قلب مريض والجنة لا يدخلها الا ذوي القلب السليم

صعِد رسولُ اللهِ صلَّى اللهُ عليه وسلَّم المنبرَ فنادَى بصوتٍ رفيعٍ فقال: يا معشرَ من أسلم بلسانِه ولم يدخُلِ الإيمانَ قلبَه، لا تُؤذوا المسلمين ولا تتَّبِعوا عوراتِهم؛ فإنَّه من تتبَّع عورةَ أخيه المسلمِ تتبَّع اللهُ عورتَه، ومن تتبَّع اللهُ عورتَه يفضَحْه ولو في جوفِ رحلِه

تخيلي لما ربنا يتتبع عوراتك صدقيني لن تسلمي بأفعالك حتي تقودك الي مافعلتيه في غيرك ولو بعد حين

قال رسول الله صلى الله عليه وسلم: من عير أخاه بذنب لم يمت حتى يعمله

المسلم من سلم الناس من لسانه 🤫 ويده

إياكم والصحبة الفاسدة الذي يكون حديثكم فيها علي تتبع عورات الأخرين ستكونين أنت القصة القادمة


اليوم العاشر من تحدي

13/01/2025

في بطن الحوت كان هناك أمل ❤
عندما وجد صاحب الحوت نبي الله يونس عليه السلام نفسه في ظلمات ثلاث
ظُلمة البحر
وظُلمة الليل
وظُلمة بطن الحوت
وعندما علم أن لا ملجأ من الله إلا اليه

علم أنه المسؤل عن ماهو فيه فأحاط نفسه بشخصية المسؤل وليس المظلوم فأعترف بذنبه بتسبيحه يونس

وَذَا النُّونِ إِذ ذَّهَبَ مُغَاضِبًا فَظَنَّ أَن لَّن نَّقْدِرَ عَلَيْهِ فَنَادَىٰ فِي الظُّلُمَاتِ أَن لَّا إِلَٰهَ إِلَّا أَنتَ سُبْحَانَكَ إِنِّي كُنتُ مِنَ الظَّالِمِينَ

وكان الرد الإلهي ---> فَاسْتَجَبْنَا لَهُ وَنَجَّيْنَاهُ مِنَ الْغَمِّ ۚ وَكَذَٰلِكَ نُنجِي الْمُؤْمِنِينَ

عندما تضع نفسك في شخصية المسؤل عن ما أنت فيه وليس المظلوم تجد هنا الحل فيحيطك الله بعفو وعافية وينجيك مما أنت فيه من كرب عظيم

كلما تستشعر ضعفك وذنبك وقلة حيلتك مع ربك يحيطك هو بلطف ومنجاه منه

فَاسْتَجَبْنَا لَهُ وَنَجَّيْنَاهُ مِنَ الْغَمِّ ۚ وَكَذَٰلِكَ نُنجِي الْمُؤْمِنِينَ ليعُلمك ربك أن بيدك تقصير مدة الإبتلاء فقد بإعترافك بذنبك دون تساؤلات في لماذا ولما وكيف ..
الأمر يحتاج إعتراف فقط !

كثيراً منا مايقع في مشكلة ما في حياته فيظل يسأل نفسه ماذا فعلت لكي يحصل معي كل ذلك ؟
لم أكن مخطئ !
ماكنت أستحق كل هذا !
وننسي أن الأمر فقط يحتاج الي الإعتراف بضعفنا وذنبنا ومدي فقرنا وحاجتنا لخالقنا أن يتولي هو أمرنا 💙

وقد أبلغنا نبينا رسول الله صلى الله عليه وسلم:
دعوة ذي النون، إذ دعا وهو في بطن الحوت: لا إله إلا أنت سبحانك إني كنت من الظالمين؛ فإنه لم يدع بها رجل مسلم في شيء قط إلا استجاب الله له.

ولأن باب الإستغفار والإعتراف بالذنب هو أسرع الأبواب الموصلة لله فعلم هنا نبي الله يونس أن منجاته في تسبيحه تجمع بين الإستغفار والإعتراف بالذنب وأنت كذلك كل مافي الأمر أنك تحتاج للإعتراف بالذنب والإستغفار لتنول نتيجة نبي الله يونس وهو النجاة مما أنت في ظلماته وَكَذَٰلِكَ نُنجِي الْمُؤْمِنِينَ ❤💙❤


اليوم التاسع من تحدي

12/01/2025

ماتسمحش لحد يقول رأي سلبي فيك وانت متأكد انه مش فيك ولا تسمح لحد يحسسك إنك متأخر عن شئ لكل منا توقيته الرباني المناسب

ماتشوفش نفسك بعيون الناس
انت حد جميل لأن ربنا قالك كدا فهتصدقي رأي الخالق أم المخلوق ؟

لَقَدْ خَلَقْنَا الْإِنسَانَ فِي أَحْسَنِ تَقْوِيمٍ

مش متأخرة في حاجه لإن ربنا قال

أَوَلَمْ يَعْلَمُوا أَنَّ اللَّهَ يَبْسُطُ الرِّزْقَ لِمَن يَشَاءُ وَيَقْدِرُ

رزق جاي جاي بس في وقتك المناسب الذي يدبره الحكيم العليم لو كان يوسف خرج من البئر سريعاً ماساق الله له قافلة العزيز ولم يصبح عزيز مصر 🤍🤎🤍

التصميم يناسب خلفية للموبايل لكل بنت بتسمع كلام سلبي خليها علي تليفونك وركزي كل يوم في جملة ماتشوفش نفسك بعيون الناس محتاجه تقولي لنفسك كل يوم الجملة دي


اليوم الثامن من تحدي