AI Vibes

17/02/2026

📌 قولنا قبل كده إن الـ Supervised Learning فيه نوعين:
1️⃣ Classification
2️⃣ Regression

👨‍💻 النهاردة بقى هنتكلم عن Regression (الانحدار):

لو فاكر، الـ Classification كان بيخلّي الموديل يختار من كذا اختيار
لكن هنا الموضوع مختلف شوية 👇

Regression يعني إن الموديل بيتعلم يجاوب على سؤال:
"القيمة دي كام؟"

🎯 يعني بدل ما يقول دي كلب ولا قطة
لأ… هنا بيطلع رقم

🔍 أمثلة :

🏠 شقة مساحتها 120 متر في مكان معين → سعرها كام؟

📈 مبيعات الشهر الجاي → هتوصل لكام؟

🌡 درجة الحرارة بكرة → كام درجة؟

🎯 الفكرة كلها:
أنا بدي للموديل بيانات كتير ومعاها الرقم الصح
زي مساحة الشقة + عدد الأوض + المكان ومعاهم السعر الحقيقي

الموديل يتعلم العلاقة بينهم
وبعدها لما أديه بيانات جديدة
يطلعلي رقم قريب جدًا من الحقيقي

👨‍💻 باختصار:
Regression = توقع رقم مش اختيار من فئات

والفرق الأساسي 👇
Classification بيختار Label
Regression بيطلع Value