14/11/2016
ازاي تحافظ على بطارية اللاب توب !! وحل مشكلة سرعه تفريغ الشحن من البطارية !!
- في الغالب بيكون عُمر بطاريات الكمبيوتر المحمول من 18-36 شهرا ،
ولكن مع تتبع بعض الخطوات ممكن الفتره تتطول ..
اهم الخطوات اللي بيها تحافظ علي البطاريه :
– اخلع البطارية من اللاب توب وانتا مش بتستخدمها .
" يعني وانت حاطط الشاحن في الكهرباء شيل البطاريه علشان تحافظ عليها
وعلشان ماتُستهلكش ..
ولازم كمان تشحنها لما يظهر المؤشر علي انها أقل من 10%
ومتشيلش الشحن قبل ماتكمل البطاريه شحن 100% ".
- حافظ على درجه حرارة اللاب توب , لان درجه الحرارة الزائده بتؤدى الي فقد الكثير من كفاءه الجهاز وبالتالي البطاريه.
-سطوع الشاشة ( الاضاءه ) من اكتر الحاجات اللي بتستهلك قدرة و طاقة البطاريه , علشان كده ننصحك بانك تقلل الاضاءه شويه وتكون مناسبه لعينيك ولااستخدامك.
- الصوت برده من الحاجات اللي بتستهلك الطاقه , وعشان تحافظ عليها ممكن تستبدل سماعات اللاب توب بالهيدفون , علشان تقلل شويه من استهلاك الطاقه.
- الاجهزه المتصله بالـ USB .. طالما مالهمش اسخدام ,افصلهم من اللاب توب
زي الهارديسك الخارجي أو الاقراص الصلبه الخارجيه .. الخ من اجهزه الـ USB.
الالعاب والبرامج خاصة برامج تصميم الفيديو والصوت كلها برامج ثقيلة ترهق البطاريه وتستنزفها بشكل أسرع، وخاصة على اللاب توب .
*وعشان تتجنب اي مشاكل على البطاريه , طول منتا في مكان متصل بيه كهرباء ,شيل البطاريه ومن اللاب توب للشاحن على طوووووووووول .
– ممكن تظبط الوضع على حفظ الطاقة الموصى به من شركات اللاب توب وذلك من خلال نظام التشغيل (ويندوز )
بالخطوات التاليه :
اذهب الى ( Control panel ) >> ثم ( Power Option )
ومنه بتختار وضع ( Power Saver ) ,, او بتظبط الاعدادات اللي تناسبك .
:)
