04/12/2024
اعتبار نفسك قدمت وتم انطباقك ان شاء الله
هتعمل اية بقا
هقول انا هتعمل اي وركز كويس في الكلام ده👇👇
🔴لو مقدم فورى
لو عليك اى قرض سددة وجهز مخالصة فور انطباقك
لو معاك فيزا مشتريات او برامج مشتريات او تقسيط اغلقها وجهز مخالصة
مع العلم لابد من غلق فيزا المشتريات وبرامج التقسيط حتى ولم تفعل وتجهيز مخالصة لتقديمها للبنك
وتجهز بحد ادنى ٢٠ % من سعر الشقة
وخلى بالك من الكلمة دي انا بقول (حد ادنى)علشان للاسف البنك ممكن يطلب اكتر من ٢٠ % وممكن توصل 40%
مع اضافة مبلغ وديعة الصيانة 5%
بالنسبة لمدة الاستلام الفورى من ٦ شهور لسنة ونص كحد اقصى ......................................
ولو انتي ياسيدي مقدم استلام 36شهر (3 سنوات)
هقولك بردو هتعمل اي 👇
هتبتدى رحلتك الجميلة فى دفع الاقساط الربع سنويه
هتبدأ تدفع اقساط ربع سنوية لمدة ٣ سنوات كل 3 شهور قسط
👈الأقساط الربع سنويه لعدد ١٢ قسط لمده ٣سنوات للشقق مساحه ٧٥م
السنه الاولي القسط ٥٠٠٠ج عدد ٤ اقساط
السنه الثانيه القسط ٦٠٠٠ج عدد ٤ اقساط
السنه الثالثه القسط ٧٠٠٠ج عدد٤ اقساط
بالاجمالي 72000
-------------------------
👈الأقساط الربع سنويه لعدد ١٢ قسط ولمده ٣ سنوات للشقق مساحه ٩٠م
السنه الاولي القسط ٧٠٠٠ج عدد ٤ اقساط
السنه الثانيه القسط ٨٠٠٠ج عدد ٤ اقساط
السنه الثالثه القسط ٩٠٠٠ج عدد ٤ اقساط
بالاجمالي 96000
وبعد كدة هتعمل زى الناس اللي مقدم استلام فوري
👆👆👆
🤔ولو نسيت افكارك يا سيدي
بس المدة هتختلف
لو عليك قرض او فيزا مشتريات او اى برامج تقسيط
اغلقهم وسددهم وجهز مخالصة لتقديمها للبنك الممول
طب امتة بقا 🤔🤔
معاك لحد سنتين ونص (٣٠ شهر) وتكون مظبط دنيتك ومجهز نفسك
وبردو زى الناس اللى مقدم فورى. 👆👆👆
ها افتكرت ولا لسة اكيد افتكرت . الحمد لله
طب تمام أوي كدة بس يا سيدي
هتجهز ٢٠% كحد ادنى للمقدم وطبعا هيزيد على كدة ممكن يوصل ل٣٠ % او ٤٠ % او ٥٠ % للاسف
مع اضافة مبلغ وديعة الصيانة 5%
وفي كمان 10% زيادة محتملة لأسعار البناء
لاني الصندوق هنا ذكر البناء تحت الانشاء
وحضرتك علمت عليها في الكراسة
بصي بقي يا سيدي علشان النقطة دي
ناس كتيرررررررررررر جدا
بدور علي السؤال ده
هي الشقة سعرها هيوصل لحد كام
طب هسألك انا السؤال ده
انا لو جييت قولتلك من 3او 4 سنوات الشقة هتقف عليك بي 500الف
مع العلم انك لو كان معاك
من 150الي 200الف كانت تشتري شقة كانت هتقولي ياعم دي غالية وانا هجيب ده كل منين
عايز تسألني الشقة كدة غالية ولا لا اسأل بعد ما ربنا يديني ويديك طولت العمر 3 سنوات من دلوقتي
وساعتها لم اقولك الشقة
هتعمل السعر كذة انت مش هتستغرب ولا حاجة والله صدقني انت لم تقدم كدة انت
كدة بتحافظ علي فلوسك من قيمتها مقابل الدهب والدولار
مع العلم ان محدش هيقدر يفيدك فى موضوع المقدم والقسط غير البنك لانة بيختلف من شخص لآخر ومن بنك لاخر وبيتحسب على حسب السن والدخل الشهرى والوظيفة وفترة التمويل العقارى
علشان البنك الجداول اللي موجودة استرشادية ولا اعتمادية والله عم الصندوق اللي قال كدة بنفسه
تحت كل جدول
وبيقول اني المقدم و الاقساط بترجع للدراسة الائتمانية مع البنك وليس الصندوق
يعني في الاول او الاخر
الصندوق بيخد ثمن الشقة من البنك ويقول الصندوق ابعد انت كدة ياعم الصندوق
وانا همشي ب الفائدة اللي عم صندوق حطها مع العميل وكل تمام الي هي 8%0 محدودي الدخل ولو متوسط 12%
والبنك هو اللي بيحد المقدم ليك وكمان الاقساط ومدة الاقساط
حسب سنك
دخلك
الوظيفة
مؤمن عليك او لا
وقت تحويلك للبنك مش من دلوقتي
لاني وارد حضرتك
تغير الشغل وكمان الدخل وقت الاستعلام
🟠معلومة من ذهب
اعمل حسابك
لو مقدم متزوج ويعول
وقت التقديم كان سنك من ٤٠ ل٥٠ سنة
اعمل حسابك ان الاستعلام هيبدا بعد سنتين ونص من بداية دفع الاقساط الربع سنوية
ازى ياأستاذنا الاستعلام يبدا والاقساط الربع سنواية لسة مخلصتش
هقولك الاعلان اللي قبلك
اعلان 16 كان الاستعلام نزل للناس قبل ما تخلاص الأقساط الربع سنوي
طب معملوش لي كدة مع الاعلان الي14 والناس خلاصت اقسط ولسة مفيش الاستعلام
هقولك لاني الاستعلام كمان بي الاولويات وكمان السن
وحسب الحالة اللي حضرتك قدمت بيها
يعني لو
متزوج ويعول
ارمل ويعولا
مطلقة ويعول
متزوج ولا تعول
ارملة ولا تعول
مطلقةولا تعول
اعزب
انسة
كل دول لو حصل تغير
للحالة
الصندوق مش هيغر حاجة في الاولويات اللي كانت حضرتك مقدم بيها
اسمع منى دة اللى بيحصل فى كل الاعلانات
طب لو مقدم اعزب
للامانة اعمل حسابك من ٣ سنوات ونص ل٤ سنوات مش قبل كدة للاسف
اعمل متابعة لصفحتي ليصلك كل جديد
وفي النهاية
سبحانك اللهم وبحمدك سبحانك الله العظيم
ربنا يوفقكم يارب
لو عاوز تقدم من خلالنا
تواصل واتس
01032613550
