Tomorrow's company

Tomorrow's company شركة تكنولوجية متخصصة في تدريس جميع مجالات البرمجة ووسائل التواصل الاجتماعي وعمل البرامج والألعاب وإنشاء إعلانات ممولة على جميع مواقع التواصل الاجتماعي.

A technology company specialized in teaching all areas of programming and social media, making programs and games, and creating funded ads on all social media sites.

ثغرة خطيرة تم اكتشافها في واتساب أدّت لكشف أرقام هواتف 3.5 مليار مستخدم حول العالم، ما يجعل المستخدمين عرضة لعمليات انتح...
21/11/2025

ثغرة خطيرة تم اكتشافها في واتساب أدّت لكشف أرقام هواتف 3.5 مليار مستخدم حول العالم، ما يجعل المستخدمين عرضة لعمليات انتحال الهوية، والاحتيال، والهجمات القائمة على استهداف رقم الهاتف مباشرة.
الهجوم اعتمد على جمع أرقام المستخدمين من خلال واجهات عامة مرتبطة بخدمات واتساب، مما يتيح للمهاجمين إنشاء قواعد بيانات ضخمة تحتوي على أرقام نشطة يمكن استخدامها في:
⚠️ التصيّد الاحتيالي (Phishing)
⚠️ انتحال الهوية على التطبيقات المختلفة
⚠️ إرسال رسائل خبيثة عبر واتساب أو SMS
⚠️ محاولات اختراق حسابات أخرى تعتمد على رقم الهاتف
كيف تحمي نفسك؟
• تأكّد من تفعيل التحقق بخطوتين في واتساب.
• لا تضغط على أي روابط مشبوهة تصل عبر الرسائل.
• فعّل إعدادات الخصوصية لإخفاء “الصورة – آخر ظهور – المعلومات”.
• راقب أي محاولات تسجيل دخول غير معتادة لحساباتك المرتبطة برقم هاتفك.
أرقام الهواتف لم تعد مجرد وسيلة تواصل… أصبحت مدخلاً لهجمات خطيرة. خليك يقظ! 🔐📱

"التكنولوجيا عمرها ما كانت محايدة، دي دايمًا بتفضح اللي جوّه عقول اللي اخترعوها. زي المراية اللي بتعكس وشوشنا بكل عيوبها...
03/10/2025

"التكنولوجيا عمرها ما كانت محايدة، دي دايمًا بتفضح اللي جوّه عقول اللي اخترعوها. زي المراية اللي بتعكس وشوشنا بكل عيوبها، التكنولوجيا بتفضح تحيّزاتنا من غير ما تقول كلمة ببساطة التكنولوجيا ليها اجندات ."

Shout out to my newest followers! Excited to have you onboard! Hager Abdelkream, محمود عبدالهادي, Fatma Hassan
03/10/2025

Shout out to my newest followers! Excited to have you onboard! Hager Abdelkream, محمود عبدالهادي, Fatma Hassan

امك واختك في خطر مش امك واختك بس لا ده انت وكل شخص حواليك في خطر وكل ده بسبب الذكاء الاصطناعي و اولهم chat gpt من 3 ايام...
01/10/2025

امك واختك في خطر

مش امك واختك بس لا ده انت وكل شخص حواليك في خطر وكل ده بسبب الذكاء الاصطناعي و اولهم chat gpt

من 3 ايام نشرت عن الذكاء الاصطناعي وانه اذاي بيستغل الناس اذاي بالاضافة الي ان فيه برنامج في موبايلات سامسونج البرنامج ده بيسرق معلومات المستخدمين

رابط المنشور :

https://www.facebook.com/share/p/1FEUyRmEAJ/

وانهارده اكتشفت مصيبه جديده وانا بقراء في مجلة امريكية الاخبار الجديدة وهيه ان اللي ما يتسموش فيه شركة تبعهم دفعت لشركة open AI الشركة اللي عامله برنامج chat gpt علشان chat gpt يبيع ليها بيانات المستخدمين ولو حابين تقرائو الخبر بشكل عام الرابط بتاع الخبر اهو :

https://responsiblestatecraft.org/israel-chatgpt/

ولذلك بطالب كل اهلي واصدقائي واحبابي وكل الناس اللي هتشوف المنشور ده التوقف عن استخدام الذكاء الاصطناعي فورا او بمعني اصح ماترفعش عليه اشياء تخصك ذي صورك او صور حد من عيلتك او حاجات مهمه بشكل عام والطلب الاخير ياريت تشاركو المنشور علي صفحاتكم علشان غيركم يعرف و تكتبو رائيكم في التعليقات

الفترة الاخيره ابتدت الناس تعمل صورها بالذكاء الاصطناعي و فرحانه بيها و بان الذكاء الاطناعي بيعمل صور مافيش منها اتنين و...
27/09/2025

الفترة الاخيره ابتدت الناس تعمل صورها بالذكاء الاصطناعي و فرحانه بيها و بان الذكاء الاطناعي بيعمل صور مافيش منها اتنين والجو ده , احب اقولك انك بالرغم من انك اه بتعمل صورة جامده ولاكن في الوقت اللي حضرتك بترفع فيه الصورة للموقع اللي انت بتعمل عليه الصورة اي كان هوه اي فانت صورتك مش بتترفع علي الموقع تتعمل بالشكل اللي انت عايزه و خلاص لا ده انت صورة حضرتك بيتاخد منها نسخه بتروح لقاعدة بيانات شركة الموقع او البرنامج اللي انت شغال عليه و بتخذها عندها

هتقولي طب والبرنامج او الموقع بيستفاد منها اي ؟

اقولك انا بص يا باشا الاستفاده نوعين النوع الاول بياخد البيانات دي بتتباع لشركات بتبقي عايزه بيانات ناس تستخدمهم في الترويج للمنتجات بتاعتها علي سبيل المثال شركة تسويق مثلا تروح للشركة التابعة للموقع وتعمل معاه اتفاقيه بانها تاخد بيانات مقابل كذا بقي وتيجي الشركة دي تستخدم البيانات في بوسترات التسويق او اي حاجه هيه عايزه تستخدمها فيها و هكذا هديلك مثال تاني يوضحلك اكتر :
المواقع اللي بتصمم عليها الفيديوهات بالذكاء الاصطناعي اللي بتعملك فيديوهات لبشر بتتكلم بالكلام اللي انت بتكتبه للموقع ما سالتش نفسك هيه بطلع اللي بيتكلم في الفيديو ده شبه البني ادم اذاي طبعا دلوقتي انت اكيد عرفت اذاي ولو ماعرفتش فانا هشرحلك بالتفصيل و بالادلة كمان
بس يا باشا حضرتك بتدخل علي الموقع وترفع صورتك و تقوله مثلا انا عايز الصورة دي وانا واقف جنب الاهرامات مثلا فهوه بيعملك الصورة بتاعتك عادي ولاكن بياخد نسخه من صورتك الاصلية ويخزنها في قاعدة البيانات المخفيه وييجي واحد غيرك مثلا يبقي عايز يعمل صورة او فيديو ويقول للموقع اعمل فيديو عن كذا ف الموقع يقوله اديني مواصفات الشخص اللي عايزه يظهر في الفيديو فيبدا الشخص يديلو مواصفات الشخص وهنا بقي الموقع يبدا يجمع البيانات دي من الصور اللي مخزنها عنده اللي هيه صورة حضرتك وصورة الناس اللي دخلت علي الموقع وحطت صورها فيه ويبدا يجسدها علي هئية واحد ويخليه يتكلم الكلام اللي هوه امر الموقع بيه . وطبعا في امثله تانيه كتير ولاكن ده ابسط الامثله اللي اقدر اوضحلك بيها النوعيه دي تعالي بقي للنوعية التانيه ودي الاهم والاخطر وهيه سرقة بيانات الهاتف نفسه .
حضرتك طبعا بتستخدم الذكاء الاصطناعي بصفيان نيه ومفكر نفسك انك مواكب العصر وعايش في عالم معاصر صح ؟
يؤسفني اقول لحضرتك انك اه مواكب العصر لاكن كل حاجه انت بتعملها علي تليفونك موجوده عند اللي مايتسموش وبالذات الناس اللي معاهم اجهزة سامسونج .

هتقولي اذاي ؟ هقولك تعالي اقولك اذاي

في الاصدار الحديث من انظمة الاندرويد شركة سامسونج نزلت تطبيق اسمه (AppCloud) التطبيق ده متثبت اجباري علي اجهزة سامسونج
طب التطبيق ده بيعمل اي بقي؟
التطبيق ده يا باشا تطبيق بيقترح عليك التطبيقات اللي ممكن تكون مفيده ليك و بعض الحاجات التانيه هتقولي طب فين الضرر بقي ؟
هقولك بص يا سيدي
البرنامج ده شركة سامسونج ما عملتوش كده والسلام لا ده عملته علشان فيه شراكة بينها وبين شركة اسمها (ironSource) الشركة دي شركة تبع اللي مايتسموش وهيه تعاقدت مع سامسونج انها تعمل البرنامج ده علشان تتجسس علي الناس

طب البرنامج ده بياخد اي بالظبط ؟
البرنامج ده بياخد نسخه من كل حاجه حرفيا ذي بصمة صباعك كلمة السر بتاعتك علي المواقع ملفاتك و صورك وبالاضافة الي انه بيسجلك كمان وبيعرف ترحكاتك اول باول يعني بمعني اصح اي حد معاه تليفون سامسونج فهوه كده بقي في الشارع حرفيا هوه وكل المحيطين بيه كمان ......

و في النهاية حابب اقول لكل الناس بلاش تفرحو بالذكاء الاصطناعي و تجرو تستخدموه في كل حاجه لانه علي قد ما مفيد فهوه ضار اكتر فبتالي حاولو تعتمدو علي نفسكم وعلي السبل التقليدية في انجهاز المهام اللي بتستخدمو فيها الذكاء الاصطناعي

وان شاء الله الفترة الجايه هعمل ليكم فيديو عن الموضوع ده برضو ولاكن هتكلم فيه بشكل اوسع واعمق فاتمني تتابعوني و تشيرو المنشور علشان اكيد غيرك ماعندوش علم بالمعلومات دي ولازم تنبهه ...... وشكرا لكم

عملت صورك بالذكاء الاصطناعي ؟ احب اقولك مبروك عليك بقيت في الشارع ....استنونا في منشور جديد الساعه 1 بلليل هنا علي البيد...
27/09/2025

عملت صورك بالذكاء الاصطناعي ؟
احب اقولك مبروك عليك بقيت في الشارع ....

استنونا في منشور جديد الساعه 1 بلليل هنا علي البيدج

علشان اخواتي و حبايبي اللي في الجامعه قررت اني اعمل مسابقة من نوع خاص وهيه مسابقة بعنوان ذاكر واكسب 😊😁والمسابقه هيه ان ...
25/12/2024

علشان اخواتي و حبايبي اللي في الجامعه قررت اني اعمل مسابقة من نوع خاص وهيه مسابقة بعنوان ذاكر واكسب 😊😁

والمسابقه هيه ان اي طالب /ه هيجيب امتياز السنادي في 3 مواد السنادي هياخد 3 كورسات من الكورسات اللي بنقدمها مجانا بالاضافه الي خصم 50% علي اي كورسات تانيه هياخدها بعد كده واللي هيجيب جيد جدا في 3 مواد هياخد كورس اساسيات البايثون مجانا واللي هيجيب جيد ف ده ليه خصم 50% علي اي كورس هياخده ........... يلا شدو حيلكم و بالتوفيق للجميع☺️

عايز اتعلم اساسيات البرمجه ؟عايز اتعلم برمجه ولاكن مش عارف ابدا منين ؟دول اكتر سؤالين الناس عماله تسالهم علي السوشيال مي...
24/12/2024

عايز اتعلم اساسيات البرمجه ؟
عايز اتعلم برمجه ولاكن مش عارف ابدا منين ؟

دول اكتر سؤالين الناس عماله تسالهم علي السوشيال ميديا من ساعة ما الناس بتاعت الثانويه العامه خلصت وعايزه تبدا في المجال وطبعا اصحاب الهبد كتير واللي يقول ابدا ب c++ و اللي يقول ابدا بلغة java و مليون راي الناس اللي بتهبد عماله تقوله للناس اللي لسه حابه تدخل المجال وبيخلوهم يتعقدو من المجال ويحسو ان البرمجه صعبه مع ان البرمجه مافيش اسهل واتفه منها ولاكن ذي ما قولت في الفيديو بتاع المذاكره ان البرمجه سهله مع اللي يذاكر صح ويفهم الكود كويس .

طب اي هيه بقي الاساسيات واذاي ابدا في البرمجه ؟😀

بص يا باشا لحد وقتنا هذا مافيش خطه معينه لتعلم البرمجه ولو انت مش مصدقني ف عندك واحد من اساتذتي واستاذ المجال وهوه المهندس Osama Mohamed هتلاقيه برضو قايل في فيديو من فيديوهاته ان مافيش خطة معينه او مسار معين لتعلم البرمجه .

طب انا واحد عايز ادخل المجال اذاي ابدا ؟🥹

بص يا باشا في خطوات هتمشي عليها والخطوات دي دي الخطوات اللي استنتجتها من طول مسيرتي التعليميه والعلميه (يعني انا مش بقولك ان ده اجباري او لو ما عملتش كده هضيع ) ولاكن انا بقولك الخطوات دي علشان انا دي اللي مشيت عليها والحمدلله قدرت انجح في حياتي وادرس برمجه بيها والخطوات هيه :

1. هتعرف الاول يعني اي برمجه .
2. تعرف اقسام البرمجه وكل قسم بيعمل اي واي مميزاته وعيوبه .
3. هتبد تشوف تشوف نفسك من اللي قرائته عن البرمجه وعن مجالاتها ف انت حابب قسم اي بالظبط فيها .
4. هتبدا تعرف لغات القسم اللي انت اختارته وتبدا تبحث عن كل لغه وتشوفها اي هيه المهام بتاعتها بحيث تكون فاهم كويس انت اللغه اللي شغال بيها دي تقدر تعمل بيها اي بالظبط
5. هتبدا بقي تتعلم اللغات بتاعت القسم
6 . بعد مابدات في اللغات بقي وبقيت كويس فيها ابدا حل مشاكل علي اللغه دي بحيث تبقي عارف اي المشاكل اللي بتكون في اللغه ده غير ان انت نفسك وانت بتتعلم اي لغه اكيد هتغلط في مسيرتك التعليميه واكيد هتلاقي ولو جزء بسيط من المشاكل اللي واجهتك دي في المشاكل اللي هتدرب عليها بعد ما تخلص اللغه.
7 . ابدا بقي اعمل مشاريع لنفسك وابدا اعرضها علي الناس بحيث ان الناس تشوفك وتبدا بقي تتعامل مع الناس وتبدا تشوف شغلهم ويشوفو شغلك وكده .

كده يا صديقي ب ال 7 خطوات دول انا اضمن ليك انك تكون مبرمج محترف مش مبرمج ناجح كمان لاني مشيت بال7 طرق دول والحمدلله بقيت الحمدلله بمستوي عالي في البرمجه ف توكل عالله وبالتوفيق للجميع .😊❤

20/06/2024

هل المعلم ممكن في يوم من الايام ان يصبح تلميذ ؟ وهل التلميذ ممكن في يوم من الايام ان يصبح معلم ؟ ومتي يشعر المعلم انه اصبح تلميذ ومتي يشعر التلميذ انه معلم ؟

سؤال وجهته ليا واحده من فريق العمل بتاعي في اجتماع امبارح وبصراحه السؤال ابهرني جدا لدرجة اني سكت لدقيقة و سكوتي ده كان بسبب حاجتين السبب الاول ان انا منبهر بالشخصية دي والسبب التاني هوه ان السؤال نفسه فكرني بذكريات جميلة ونصائح وحكم كنت بستكشفها من الجمل اللي كنت بسمعها من اساتذي ايام الابتدائية و الثانويه وبالاخص استاذ Mohamed Saleh و استاذ رمضان سلطان والاستاذ حسن عبدالغفار لان دول بالذات كانو الاساتذه الوحيدة اللي كانت اول كلمة بتقولها قبل ما تبدا الحصة بتاعتها هيه انا بحثت و جبتلكم اسئلة اكتر لدرس انهارده علشان نحل كمية كتيرة وتقدرو تفهمو درس انهارده كويس فلما انا كنت بسمع الكلمة دي انا والناس اللي معايا في الحصه بصراحه كنت بشوف معظم الناس كانت بتبقي قاعدة في الحصه مش طايقها نفسها ولاكن كنت انا وبعض الناس كنا بنبقي مستمتعين بالحصه وكنا بنتمني انها ماتخلصش و في يوم من الايام قولت لنفسي طب ما اجرب اني اعمل ذي ما الاستاذ بتاعي بيعمل و ابحث عن الدرس وبالفعل قررت اني اعمل ذي المدرسين بتوعي وانفذ فكرة اني ابحث عن معلومات عن الدرس اللي هناخده قبل معاد الدرس بيوم ولذلك لما طبقت الفكرة بجد فرقت معايا جدا 180 درجة وبقيت حاسس نفسي متفوق واني بتحسن في المادة دي وكمان كانت اكتر حاجه بتحمسني اني لما كنت بلاقي نفسي بجاوب استاذي بسرعة البرق بمجرد انه يقول السؤال وده نتيجة اني شوفت السؤال في الكتب والمراجع اللي قرائتها قبل ما اجي الحصه لذلك كان ردي علي الشخصية والفريق بتاعي كالاتي :

1. هل المعلم ممكن في يوم من الايام ان يصبح تلميذ ؟

ايوه المعلم ممكن ان يصبح تلميذ في حالة واحدة وهيه انه يكون بيستخدم نفس المنهج ونفس الاسلوب ونفس كل حاجه مع كل جيل بحجة ان ده المنهج بتاعكم و هوه بيدرس ذي ما هوه كده و ماينفعش انه يدرس بطريقة تانيه فبتالي هييجي في يوم من الايام وهيلاقي حد تاني بيشرح المنهج ده بطريقة مبسطه عن الطريقة اللي هوه بيشرح بيها وغالبا هيلاقي اللي بيشرح ده كان تلميذ عنده في يوم من الايام ولاكن التلميذ ده اصبح معلم لانه كسر القاعدة اللي كان شغال بيها استاذه وبحث عن طريقة تانيه يشرح بيها للطلاب ونجح بالفعل وبدا انه يدرس للطلاب الطريقة دي وجابت نتيجة ايجابية والطلاب بدائو في الاستيعاب وبدائو يفهمو المنهج ويحققو درجات عالية فبتالي نصيحتي لاي حد اول ما تسمع الجمله دي من اي مدرس او مدرسة ف ابعد عن المدرس او المدرسة فورا وشوف حد غيره لان حضرتك كده هتبقي ماشي علي منهجية معينة وهتلاقي نفسك في الاخر لابس في الحيطة لان العلم كل لحظة في جديد .

2 . هل التلميذ ممكن في يوم من الايام ان يصبح معلم ؟

ايوه التلميذ ممكن يكون معلم وده لما التلميذ يبحث ويطور من نفسه ويبدا انه يدرب علي انه يوصل المعلومات العلم للاجيال الحالية والاجيال الجايه لان تعريف المعلم هوه شخص قادر علي توصيل العلم الي الاشخاص , فلما التلميذ لما يبحث ويذاكر ويطبق ويجتهد ويتدرب علي كيفية توصيل العلم فبتالي يستحق كلمة معلم .

3 . متي يشعر المعلم انه اصبح تلميذ ؟

ذي ما قولت في اول سؤال ان المعلم هيلاقي اللي شرح المنهج بطريقة اسهل من الطريقة اللي كان بيشرح بيها و ده نتيجة انه بحث و طور من نفسه ف هنا هييجي شعوره بانه فعلا لا يستحق ان يحمل لقب معلم لانه كان رافض فكرة انه يطور من نفسه وانه يبحث عن طرق جديده يستخدمها في شرح الطلاب ومن هنا هيحس فعلا بانه تلميذ لانه هيلجا انه يتبع الاساليب والطرق اللي اتبعها غيره علشان يقدر انه يقدر يرجع معلم من تاني وانه يكون قادر علي توصيل العلم للطلاب من تاني .

4 . امته يحس التلميذ انه معلم ؟
السؤال ده اجابته ليها نقطتين :

النقطة الاولي : لما التلميذ يبحث ويطور من نفسه في ايجاد طريقة تانيه لشرح المنهج ويبدا يدرب نفسه علي الطريقة دي فبتالي هيكون عنده القدرة علي اذاي يوصل اللي وصل ليه نتيجة ابحاثه و تطويره من نفسه فبتالي هيلاقي عنده شجاعة انه يبدا يوصل العلم ده للطلاب فبتالي هيبدا يعرف الناس بنفسه ويبدا ينشر علمه مابين الناس .

النقطة الثانية : هي لما يلاقي اقبال كبير من الطلاب والاستمرار معاه وكمان تفوق طلابه و حصولهم علي اعلا الدرجات في المنهج و ده نتيجة فهمهم للمنهج وثانيا والاهم لما يلاقي الطلاب حابين المنهج اصلا ومش بيملو من وقت الحصه وبيبقو عايزين الحصه ماتخلصش وانهم لو قعدو يحلو اختبارات من هنا للسنه الجايه مش هيملو فبتالي ساعة ما يبقي متوفرين النقطتين دول فالتلميذ هيحس بانه معلم وبالفعل فهو يستحقها لانه قدر انه يحقق معني كلمة معلم وهيه توصيل العلم الي الطالب بكل سهولة ويسر .

وفي النهاية احب ان اشكر اساتذتي الكرام علي تعبهم و مجهودهم معي طوال مسيرتي التعليمية وبالاخص استاذ Mohamed Saleh و استاذ رمضان سلطان و استاذ حسن عبدالغفار واحب ان اقول لهم انني مدين لكم طوال حياتي وانني مهما فعلت فلن استطيع ان اوفي بهذا الدين ابدا 😊❤

تتقدم شركة Tomorrow's company وكل العاملين بها وخصوصا المهندس اسلام الشريف مدير الشركة بخالص التعازي والمواساة الي اصدقا...
13/06/2024

تتقدم شركة Tomorrow's company وكل العاملين بها وخصوصا المهندس اسلام الشريف مدير الشركة بخالص التعازي والمواساة الي اصدقائي واخوتي الاعزاء المحامي معاذ ناصر. و الاستاذ هشام ناصر محفوظ البرعصي لوفاة خالهما الشيخ أحمد سليمان عبدالهادي القطعانى سأل المولي عز وجل ان يغفِرْ له ويرحَمْه ويعفُو عنه ويكرِمْ منزلَه ويوسِعْ مُدخَلَه ويغسِلْه بالماءِ والثَّلجِ والبَردِ وينقِّه مِن الخطايا كما يُنقَّى الثوبُ الأبيضُ مِن الدَّنسِ وأن يبدِلْه بدارِه دارًا خيرًا مِن دارِه وأهلًا خيرًا مِن أهلِه وزوجةً خيرًا مِن زوجتِه وان يدخِلْه الجنَّةَ وان يعِذْه مِن النَّارِ ومِن عذابِ القبرِ اللهم إنْ كان محسنًا فزِدْ في إحسانِه وإنْ كان مسيئًا فاغفِرْ له ولا تحرِمْنا أجرَه ولا تفتِنَّا بعدَه
EL Kaiser
Tomorrow's company
معاذ ناصر.
هشام ناصر محفوظ البرعصي

Address

مصر
Cairo
002

Telephone

+201155775811

Website

Alerts

Be the first to know and let us send you an email when Tomorrow's company posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Tomorrow's company:

Shortcuts

Share

Category