31/05/2022
حسين بيستلم غلط في منطقة الجزاء و رايح اشبه بالانفراد
= موسيماني يشيل الماتش
- ياسر و طاهر بيضيعوا رأسيات سهلة في الشوط الاول
= موسيماني يشيل الماتش
- بيرسي تاو منفرد انفراد صريح بالمرمي و بيضيعه
= موسيماني يشيل الماتش
- صلاح محسن و شريف بيضيعوا فرص من ال ٦ ياردة
= موسيماني يشيل الماتش
- هاني يغلط في أ ب تغطية عكسية ، ياسر يغلط في تمريرة ملهاش لازمة ، يتسببوا في هدفين
= موسيماني يشيل الماتش
- الاهلي يستحوذ 66% و يسدد 14 تسديدة بس مسجلش
= موسيماني يشيل الماتش
- الاهلي بيلعب في ارض المنافس في ملعب اتحدد قبل مباراة النهائي ب اسبوعين و لعب تحت بنود غير قانونية بالمرة و تحت ضغط جماهيري شرس للخصم
= موسيماني يشيل الماتش
= اي خطأ اداري ، المدرب لا يتحمل مسئوليته
= اي خطأ تقني و فني للافراد ، المدرب لا يتحمل مسئوليته
= المدرب لا يسأل داخل الملعب غير علي الوضع الاستراتيجي و التكتيكي فقط فقط فقط ، اللي هيا نسبة حددها بيب جوارديولا افضل مدرب استراتيجي في العالم انها 30% فقط ، اما ال 70% الباقية ف يسأل عليها اللاعبين فقط ..
متلومش مدرب ابدا علي اي اخطاء بتصدر من الافراد ، المدرب مش هينزل يحط الكورة في الشبكة ولا يعمل تغطية عكسية ، هتقولي طب ما يجهز حسام حسن و كريم فؤاد و ميكيسوني و باقي الشلة و يلعبهم مكان هاني و تاو و شريف ، هقولك ماشي ممكن نقف عند النقطة دي و نقول موسيماني ، لكن مهما كان ، عمر ما المدرب يعرف يأثر علي اللاعب تقنيا ، دي ظواهر بيتعلمها اللاعب و هو ناشئ ، كونه متعلمهاش ، متجيش تلوم المدرب بعد اذنك ...
انا مستني كل البوستات اللي هيتقال فيها " اقالة بيتسو موسيماني " ، اتفضل اعمل كدة حقك ، ما العيب عليه فعلا انه علمك و عاودك و حط جواك فكرة بتقول " بطولة افريقيا في الجيب كل سنة " ، العيب عليه صدقني انه عشمك للدرجة الجنونية دي ، زي ما زيدان عشم ريال مدريد بثلاثية دوري ابطال متتالية و قالهم مفيش اسهل من انك تكسب دوري ابطال كل موسم 👍 ...
