Hafz technology

Hafz technology Page for technology services

31/08/2024

If you want to go fast, go alone. If you want to go far, go together

18/08/2024

العملات الرقمية وسلاسل البيانات
الجزء الثاني

العملات الرقمية غير مصرحة في جمهورية مصر العربية
وتم تجريم التعدين فيها او تداولها او الترويج لها
ولكن ما هي العملات الرقمية
هي اصل وهمي غير موجود
شبه كده آن واحد يطبع ورق بشكل معين صعب حد يعمل زيه و يسميه عملة و يقول الورقة دي بمليون جنيه
والناس تبدا تقتنع ان ليها قيمة و تدفع فلوس بعملات تانية و تشتريها و مع الإقبال عليها يبدا ثمنها يزيد بدون سبب مفهوم لقيمتها إلا بس انه في طلب عليها . حاجة زي الفنكوش بتاع عادل إمام كده لو حد فاكره
وده اللي حصل بس بشكل إلكتروني مش حتي حاجة تمسكها في إيدك
( البيتكوين - مثال لأشهر عملة رقمية - واحد بيتكوين يساوي انهاردة تقريبا ٣ مليون جنيه )
الموضوع مش بس كده لكن تفاصيل تانية توضح ليه انتشرت
نتكلم عليها في بوستات تالية

15/08/2024

معلومات استفدتها من دورة تدريبية وفرتها وزارة التعليم العالي و نظمتها وزارة الاتصالات

العملات الرقمية و سلاسل البيانات block chain
الجزء الاول
سلاسل البيانات فكرتها هي انك يبقي عندك معلومة و تشارك المعلومة دي مع جهات مختلفة ( نفس النسخة من المعلومات )
بس عشان تضمن ان مفيش اي جهة منفردة تغير المعلومة
كل نسخة من المعلومات بتتعمل بشفرة فريدة ( حاجة زي البصمة كده لا يمكن تتشابه مع بصمة اخري )
فانا لما احب اتاكد من المعلومة كل الجهات المشاركة تبعت المعلومة الي معاها وكمان تبعت الشفرة بتاعة المعلومة
لو كل الشفرات متطابقة تبقي المعلومة سليمة ومؤكدة
لكن لو في طرف كانت شفرته مش مطابقة يبقي الطرف دي مش موثوق و يتم استبعاده من المنظومة دي

ولم نحب نغير المعلومات لازم نبعت لكل الجهات و توافق و بناء عليه يتعمل شفرة جديدة علي المعلومة بعد التعديل

الاستفادة الكبيرة هنا حاجتين الاولي السرعة في إنجاز العمل و التانية الثقة في المعلومات ومنع احتمال تغيير المعلوم بشكل متعمد او حتي عن طريق الخطا
لانه إذا حصل هيتم اكتشاف هذا التغير فورا لان كل الأطراف بتراجع تطابق معلوماتهم بشكل آلي ودوري

الأمثلة لاستخدام ذلك مثلا منظومة الجمارك
مثلا مستورد خد تصريح باستيراد شحنة معينة المعلومة دي بتكون موجودة عند كل الجهات المختصة زي الجمارك و الرقابة علي الواردات و الضرائب و الجهات الأمنية المختصة و اي جهة تانية وده من لحظة الحصول علي الترخيص
و بالتالي عند وصول الشحنة لميناء الجمارك عندها خلفية مسبقة بمحتوي الشحنة وتقدر تراجع علي الشحنة في نفس اللحظة و قيمة الجمارك عليها محددة سلفا و شركة التنزيل عندها المعلومة سابقا فجاهزة للتنزيل فورا و نفس الكلام شركة الشحن و كمان الضرائب محددة قيمة الضريبة للمنتج ده
وهكذا انتا بتقلل وقت التخليص الجمركي من شهور سابقا - بخسائر ارضية و تكاليف تاخير بيتحملها المستورد و بيحملها علي سعر المنتج طبعا- الي ايام قليلة
وده ليه مردود اقتصادي كبير غير طبعا منع اي شخص او جهة من التلاعب في البيانات
و الكلام ده بدأ تطبيقه في مصر فعلا بنظام التسجيل المسبق للشحنات قبل وصولها أصلا لمصر

وهنكمل الموضوع في منشورات تالية ان شاء الله

05/08/2024

رابط فيديو لشرح أهمية تعلم تطبيقات الذكاء الاصطناعي علي قناتي علي يوتيوب
بعتذر طبعا ان التصوير مش احترافي لكن ان شاء الله يتطور مع الوقت

11/07/2024

تعلم علوم الحاسب شي ممتاز ومجال جميل جدا و شيق و مفيد في الحياة العملية في اي مجال تتخصص فيه ولكنه يحتاج وقت وصبر كبير
يحتاج مع تعلم علوم الحاسب والبرمجة وخلافه ان تقوي لغتك الإنجليزية لأنها لغة معظم مصادر التعلم إذا حابب تكمل فيها
كمان محتاج شوية رياضيات في بعض تخصصات علوم الحاسب
اللغة و الرياضيات مش شرط تتأسس الاول فيهم لكن مع تعلم علوم الحاسب لازم تمشي في تطوير اللغة و الرياضيات علي التوازي
طبعا تاني عنصر الوقت مفيش حاجة اسمها كورس ٣ شهور هيخليك مبرمج دي مبالغات غير حقيقية بينشرها بعض اللي بيدوا كورسات لجذب الناس و خلاص
لكن احنا بنتكلم عن من سنتين الي ٣ سنوات في المتوسط عشان توصل انك تشتغل في المجال و طبعا حسب انتا بتذاكر كام ساعة في الاسبوع
الخلاصة ان الدخول في المجال ده كويس جدا بس تكون صبور ومع خطة تعلم واضحة والمدة المطلوبة هتوصل ان شاء الله لأهدافك
كمان للعلم المجال يحتاج حتي بعد ما تشتغل فيه لازم التعلم الدائم لان المجال متسارع جدا في التطور ولازم تواكب كل جديد في تخصصك عشان تستمر فيه

Alx platform هي منصة تعليمية تقدم كورسات في مجالات تكنولوجية متعددة وهي تقدم منحة في الذكاء الاصطناعي بدون دفع اي رسوم ا...
07/07/2024

Alx platform
هي منصة تعليمية تقدم كورسات في مجالات تكنولوجية متعددة
وهي تقدم منحة في الذكاء الاصطناعي بدون دفع اي رسوم

الكورس مدته تقريبا من ٦ الي ٨ أسابيع في حدود من ٢٠ الي ٣٠ ساعة اسبوعيا

كورس باللغة الإنجليزية سواء الشرح المكتوب في الدروس او الفيديوهات ومفهوش ترجمة
عشان كده انتا محتاج مستوي معقول في اللغة الإنجليزية عشان تستفيد من الكورس و كمان عشان تعمل المهام المطلوبة وكمان عشان تنجح في الاختبار كل اسبوع

عشان توصل انك تاخد المنحة بدون رسوم في اختبار لمدة ساعة اونلاين عشان تثبت استحقاقك المنحة
أنا لسه مخلص المنحة دي وفعلا حاسسس انها أفادتني في مهارات متعددة و طورت طريقة تفكيري وكمان تحسين التفكير الإبداعي و مهارة حل المشكلات غير طبعا التعرف علي تطبيقات كتيرة للذكاء الاصطناعي و طريقة استخدامها وعمل مشاريع عليها

02/07/2024

اساسيات امن المعلومات
١- استخدم كلمات مرور قوية وفريدة لكل حساب
٢- احرص علي تحديث البرامج باستمرار
٣- كن حذرا بشأن ما تنقر عليه وما تقوم بتنزيله علي الجهاز
٤- لا تفتح مرفقات البريد الإلكتروني او رسائل المسنجر او الواتس من مصادر غير معروفة او من مصدر معروف أنت تعرف انه بيفرود الرسائل بدون تأكد من الثقة فيها
٥- استخدم برامج مكافحة الفيروسات ومكافحة البرامج الضارة علي اجهزة الكمبيوتر
٦- احرص علي نسخ بياناتك الهامة احتياطيا بانتظام

26/06/2024

هل الذكاء الاصطناعي سيحل محل البشر في اداء الوظائف ؟؟؟
الاجابة المختصرة
"سوف يحل الذكاء الاصطناعي في العمل محل اي انسان لا يتقن استخدام الذكاء الاصطناعي"
بمعني الذكاء الاصطناعي هو اداة جديدة يجب عليك اتقانها حتي تستمر في عملك مثله مثل الحاسب نفسه في بداية ظهوره و تعلمه البشر واصبحوا يتعاملون به و اصبحت اغلب الوظائف تشترط المعرفة بالحاسب الالي
و هذا هو ما سيحدث مع الذكاء الاصطناعي و ذلك في المستقبل القريب.

23/06/2024

الذكاء الاصطناعي

وهل الذكاء الاصطناعي هيحل محل البشر في اداء الوظائف ؟؟؟

هو تطبيقات او برامج كمبيوتر كبيرة تستطيع من خلال ادخال كم هائل من البيانات الي الحاسب ( يقوم بذلك موسسوا هذه التطبيقات ) وفي نفس الوقت التطبيق بيتعلم من كل مستخدم و البيانات اللي بيدخلها المستخدمين عشان يطور التطبيق او البرنامج نفسه مع الوقت
وبالتالي انت كمستخدم تسطيع مثلا تحويل فكرة قصة الي قصة كاملة او رواية ( يقوم التطبيق يعمل المولف )
او تحويل نص مكتوب من المستخدم الي صورة ( يقوم التطبيق يعمل الرسام )
او تحويل نص مكتوب لقصة او رواية او مجموعة صور الي فيلم او فيديو ( يقوم التطبيق بعمل الممثلين و المصور و المونتاج و .......)
ممكن تساعدك في التخطيط لمستقبلك المهني بناء علي معرفة قدراتك و مهاراتك الحالية
ممكن تساعدك تعرف المهارات المطلوبة لوظيفة معينة انتا عايزها وكمان تعمل جدول زمني مناسب للتعلم
ممكن تساعدك تنظم مواعيدك و ايميلاتك سواء موظف او صاحب عمل و تعمل المهام اللي انتا بتعملها بشكل متكرر تخليها اوتماتيك تتعمل في مواعيدها كل يوم او في الوقت اللي انتا محدده
ممكن كمان تنظم اهداف شركتك و كفائتها و نقاط ضعفها و نقاط القوة و امكانيات السوق و تحليل كم هائل من المعلومات بسرعة كبيرة و عرض التوصيات
ممكن تعمل سيرة ذاتية لك بناء علي معلوماتك

ربما كفاءة هذه التطبيقات اليوم ليست كبيرة و لكن - وبناء علي التسارع الرهيب في تطوير هذه التطبيقات - في المستقل القريب ستكون ذات كفاءة عالية

السوال الاهم واللي متداول لكل العاملين في المجال ده
هل الذكاء الاصطناعي هيحل محل البشر في اداء الوظائف ؟؟؟ مناقشة السوال ده في منشور قادم ان شاء الله

22/06/2024

اعتذر اولاً عن الانقطاع عن الكتابة علي الصفحة الفترة السابقة نظرا لانضمامي لدورة تدريبية عن الذكاء الاصطناعي لمدة ٦ أسابيع السابقة وان شاء الله سأحاول التوفيق بين مسار التعلم الخاص بي و بين الانتظام في الكتابة علي الصفحة
هذه الصفحة وكما ذكرت عند انشائها مخصصة للكلام عن التكنولوجيا و تطبيقاتها المختلفة و نصائح عن كيفية التعامل مع التكنولوجيات المختلفة
وكلي أمل ان اكون منتظما في النشر علي الصفحة وان يكون المحتوي مفيد لكم ان شاء الله

03/04/2024

منتشر خلال هذه الايام تهكير حسابات وصفحات الفيسبوك
أنا اوكد ان اول طريقة للتهكير و الأسهل للهكر هي الروابط المجهولة اللي بتضغط عليها لأسباب انه يكتب فيها شي عن مكاسب مادية او باقات مجانية وهمية عشان يطمعك تضغط علي الرابط

كمان رسالة تظهر ليك و كانّها من فيسبوك ان حسابك في خطر و هيتم ايقافه لو مضغطتش علي رابط لتأكيد حسابك
وفي الحقيقة ده الرابط اللي انتا بنفسك بضغطك عليه بتدي الهكر حسابك للتحكم فيه

احذروا الضغط علي هذه الروابط

27/03/2024

لحماية جهاز الكمبيوتر الخاص بك من الاختراق يجب دائما تحديث الويندوز وكمان تحديث البرامج اللي علي الجهاز باستمرار

Address

Asyut

Telephone

+201006664008

Website

Alerts

Be the first to know and let us send you an email when Hafz technology posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Hafz technology:

Shortcuts

Share

Category