06/06/2024
السلام عليكم ورحمه الله وبركاته ♥️
اهلا بيك عزيزي الديفيلوبر الصاعد 😇
بمجرد انك بتدخل مجال البرمجة بتسمع عن تراك الويب
طيب هو ايه الويب⁉️
وايه اقسامه ⁉️
ركز بقي معايا علشان دا بوست طويل ❤💪
أولا : هو يعني ايه ويب ؟🤔
مواقع الويب هي مجموعة صفحات ويب مرتبطة ببعضها ومخزنة علي نفس ال server مثلا
زي مواقع الاخبار ، التعليم ، الكورة ... الخ
حلو 👌 ايه الأقسام ؟؟
تراك الويب بينقسم لجزأين في غاية الأهمية
1️⃣ Web Design التصميم
2️⃣ Web Development التطوير
هنبدأ بالتصميم :
طيب ليه بدأنا بالتصميم ؛ علشان هو الأسبق في ترتيب صناعة أي مشروع برمجي . المشروع يبدأ عند مصمم الويب ثم ينتقل الي مطور الويب .
👈 مين هو مصمم الويب ؟ او ال ui/ux designe
وايه المهام اللي بيقوم بيها؟
هو شخص لا يتعامل مع الكود انما يتعامل مع
(UI/UX) ( واجهات المستخدم و تجربة المستخدم )
يستخدم مصمم الويب تقنيات التصميم المعروفة مثل :
(Photoshop- Sketch- Illustrator- Indesign….)
ببساطة هو الشخص اللي بيقوم بتهيئة المشروع بصريا قبل كل شيء..
نيجي بقي لدور ال web developer
هو شخص بيعمل علي هيكلة وتكويد صفحات الويب ، بياخد التصميم من ال ui/ux وبعد كدا يبدأ بتكويدها وتطويرها باستخدام بعض اللغات ، وقبل ما ندخل علي اللغات لازم تعرف ان عمليه ال development بيكون قائم عليها مبرمج او اتنين .
طب ازاي الكلام دا !؟
تعالي اوضحلك دور كل مبرمج !
1️⃣ Front End Developer
هو شخص بيهتم بترمجة التصميم اللي عمله المصمم علي شكل كود برمجي وعلشان يعمل كده بيستخدم عدة لغات :
⚫ HTML (Hyper Text Mark-up Language)
هي مش لغة برمجة انما لغة هيكلة النصوص اللي بتوضح عناصر الصفحة وممكن نشبها بالهيكل العظمي للانسان .
⚫ CSS (Cascading Style Sheets)
ودي اللغة المسئولة عن التنسيق والألوان باختصار الشكل الخارجي للموقع .وممكن نشبها لون البشرة ومكان كل عضو في جسم الانسان .
⚫ JavaScript
ودي بقي مسؤولة عن ديناميكية الموقع وعلشان ابسطهالك اكتر
فهي زي العضلات في جسم الانسان ، اي أكشن بيتم داخل الموقع بيكون مسئولية الجافا سكريبت .
احنا قولنا أن web development بينقسم ل front end ودي اتكلمنا عنها فوق دلوقتي بقي هنتكلم عن ال back end
2️⃣ Back End Developer
هو شخص جيد جدا في التخطيط و التعامل مع البيانات ، يقوم بربط الواجهات مع قواعد البيانات وهذا العمل لا يظهر علي صفحات الويب أي لا يراه المستخدم.
اللغات اللي بيستخدمها :
PHP, Node.js, Python, Java, MySQL
وزي ما قولتلك أن عملية ال development ممكن يعملها مبرمج واحد او اتنين .
3️⃣ Full Stack Developer
Back End وال Front End هو الشخص اللي بيتعامل مع ال
يعني دا الشخص الي بيشتغل علي مواقع الويب كامل هوا الي بيعمل الموقع من أوله وآخره
قولنا بقي حابب تبقي Front-End ولا Back- End ! 🧐
