Hussam Hussien - حسام حسين

09/11/2020

مشكلة فى موقع noon Egypt عند القيام بعملية الدفع.
نوع المشكلة
JavaScript NaN: Not-A-Number.
لو دة ساعدكم فى حل المشكلة اظن اقل واجب coupon خصم حلو كدة شبة الديزاين الجميل اللى هقلدة فى حاجه قريب ان شاء الله 😂

28/10/2020

يجب التخلى عن الرغبة الملحة فى الشعور بالرضا و الأطمئنان و النجاح و الأنجاز بشكل دائم و مستمر ،حتى لو وصلت لمرحلة مستقرة فى حياتك فهى معرضة فى اى لحظة للتغيير، الحياة دائما مليئة بالصخب و المفاجأت و لا يمكن لأحد اى كان ان يتغلب عليها .. الشعور بالرضا عن عمل تم بشكل رائع يجب ان يلحقة عمل اخر اكثر نجاحاً،و الأنجاز قد ينتهى ان لم يتطور و الأطمئنان يأتى من قبول التغيرات و القدرة على التعامل معها و ليس فى تجنبها و الهروب منها.
راقب خطوتك، أستمر فى الأنجاز و توقف عن ملاحقة الأخرين، ما تنتجة انت و ان كان صغيرا فهو افضل من العودة الى الوراء، رتب اهدافك و استعن بالله على تحقيقها.

17/10/2020

اعتقد مفيش بداية مثالية او وصفة سحرية توصفها لحد عشان يجيلك بعد 6 شهور او سنة و هو متعلم programming وجاهز يشتغل، بس الطريقة الأكثر فاعلية هى اشتغل بالى اتعلمته حتى لو بتعرف تطبع كلمة على الscreen بس.
وبعد ما تتأكد انك بتعرف تطبع كلمة كويس اتعلم حاجه تانيه .. انك تتعلم نظريا لمدة طويلة دى ثقافة عامة مش learning عايز تتعلم اشتغل، عايز تشتغل بطريقة سليمة اقرا كتب و شوف فيديوهات و خلى بالك المقارنة السلبية بينك وبين اللى حواليك دى عادة سيئة، عايز تحس انك احسن واحد و انك اتعلمت كل حاجه يبقى الprogramming مش مكانك، لكن انك تلاقى نقاط ضعفك و الحاجات اللى تخليك اسرع و ادق و فاهم دى عملية مستمرة هتعملها طول حياتك عشان تفضل مكمل.

08/11/2019

صباح الخير عليكم جميعا اصدقائى الأعزاء، ملقتش وقت افضل من دلوقتى اقدر اتكلم فيه معاكم و خصوصا بعد اسبوع عمل مرهق ظل يتكرر طيلة الأسابيع الأخيرة، انا فى حالة مزاجية مؤقتة الأن تسمح لى بكتابة اى شئ ربما يكون ذو قيمة، عشان كدة هستغل الوقت دة و احاول اتناقش معاكم.

انا اعلم ان غالبية المتواجدون هنا ربما ممن لاحقهم الشغف و فضول التعرف على البرمجة و خصوصا عندما ترتبط فكرة القدرة على البرمجة عند الكثيرين بعمليات الأختراق الذين يقومون بها و كأن البرمجة تم اختراعها خصيصاً ليتم اختراقها بالبرمجة ايضاً !
هذا غير صحيح ابداً، ولكن بسبب تأثير الأفلام السينمائية و ترويجها للأشياء من منظور واحد و ربما غير محايد تظهر لنا الأشياء بصور غير حقيقية، فليس كل المتدينون مخيفون ولا ارهابيين، و الأسكندرانية بيتكلموا عادى بضمير المفرد، و البورسعيدية مش بيتكلموا زى أبو العربى، بس فعلا القاهرة زحمة هما عندهم حق فى دي 😅

فالبرمجة علم تم تأسيسية منذ بداية ستينات القرن الماضى و ظل يتطور بشكل كبير و يضم كل ما هو روتينى له ليبعث فيه روح جديدة و يحسن من ادائة، لذلك هو من اهم العلوم الموجودة حاليا و الوحيد القادر على استيعاب العلوم الأخرى و التداخل معها و تحسين قدراتها.

و أصبح من الضرورى على الجميع تعلم البرمجة، ايوة و فى اسباب كمان لكدة، هتخليك تبدأ تفكر تتعلم ازاى تكتب كود مهما كان تخصصك او مهنتك.

السبب الأول:
كتابة الأكواد هتقدر تفهمك التكنولوجيا اللى بقت حوالينا فى كل مكان بصورة اوضح و تقدر تخليك تستخدمها بشكل أفضل عشان تقدر تطور من حياتك و تطور من شغلك.

السبب الثانى:
لو عرفت تكتب كود بسيط هتقدر تفكر احسن و تحل مشاكل بتقابلك فى حياتك بطريقة دقيقة، هتعرف تكسر المشكلة الكبيرة الى اجزاء اصغر و تحل كل جزء لوحدة، و هتعرف تحط هدف و ترسم خطة عشان توصل لهدفك بناء على خطوات معتمدة على بعض و ماشية على ترتيب محدد.

السبب الثالث ومش الأخير:
هتقدر تطور معرفتك و تقوم بوظائفك بشكل اكبر و بطريقة احسن من خلال أضافة مهارت جديدة الى مهنتك و استغلالها فى أضافة قيمة جديدة لوظيفتك، تخيل معايا كدة انك مهندس معمارى و بتعرف تكتب كود او محاسب و بتعرف تكتب كود، او صيدلى و بتعرف تكتب كود، و بتعرف تكتب كود مش موضوع بسيط انت بتعرف تطور برامج تحسن من اداء مهامك و بتعرف على سبيل المثال تطلع تقارير لمديرك او لنفسك بشكل اوتوماتيكى و بتكلفة لا تذكر.

لسة فى اسباب كتير و كمان الأسباب اللى فاتت لسة محتاجة شرح و كلام كتير، و هحاول اوضحها فى المرات الجاية بأذن الله.

فى النهاية عايز اقول لية ما تاخدش الخطوة دى دلوقتى، و تقدر تستفاد بالميزة التنافسية دى قبل غيرك، البداية اكيد صعبة زى اى حاجه جديدة بتتعلمها، بس اول لما تعدى الجزء الصعب هتبدأ تطلع احلى ما عندك و تستمتع بالأمكانياتت الجديدة اللى بتمتلكها.

مين عارف يمكن تلاقى نفسك فى الحته دى اكتر من اى حته تانية انت فيها، و انا ممكن اساعد اى حد و هرد على اى اسئلة او كومنتات لو عندكم اى استفسارات بتسعدنى جدا الأسئلة و النتايج المذهلة اللى بنوصلها فى مناقشتنا.

30/06/2019

إن شاء الله هنبدأ حجز كورس الويب الأقوى في الاسكندريه بإذن الله 👌👍
Web Development and Design
هتتعلم تعمل موقع ديناميك و تخلى كل الناس تشوفة، من خلال استخدامك للغات برمجية و مكتبات زى:
php
JavaScript
CSS
jQuery
HTML
WordPress
MySQL
WooCommerce
Google APIs
وحاجات تانية كتير
واحب ابلغكم كمان⁦ ان اللي هيبقي متميز ف الكورس هيبقي ليه تدريب عندنا ف الشركه⁦☝️⁩👍 وبعد فتره التدريب هنعمله اختبار لو نجح فيه هيتعين عندنا في الشركه👏 وهيبقي واحد من ال team بتاعنا ⁦💪
يعني هتتعلم وتشتغل كمان ⁦✌️⁩💜
الكورس 3 شهور، محاضرتين اسبوعياَ
تقدر تقسط الكورس على 3 دفعات، سعر الكورس 3000 ج
👌⁦☝️⁩
أول 7 حجوزات ليهم خصم 20% يعنى سعر الكورس 2400ج 👌
🤙

11/06/2019

البداية اللى ملهاش بداية (لف و أرجع تانى)

هنتكلم أنهاردة عن موضوع مهم جداً و معظمنا عندة نفس المشكلة دى، انا كمان عندى نفس المشكلة دى !

لما بنقرر نبتدى فى حاجة جديدة، بناخد القرار ونبدأ نرتب الحاجات اللى هنعملها وبيملانا الحماس، الحماس اللى مع الوقت بيقل شوية شوية و يبدأ يختفى و الموضوع ينتهى تماماً.

السبب الرئيسى فى كدة هو الأعتماد على تفكيرنا و وتخيلاتنا بس فى الحاجة قبل ما نبدأ فيها، يعنى على سبيل المثال ناس كتير بتاخد قرار ان هى تتعلم ويب و تتعلم programming، لما بيجى فى دماغنا القرار دة بنشوف قدمنا ناس ناجحة فى المجال و عملت انجازات كسرت الدنيا زى Bill Gates اللى أسس Microsoft و Mark Zuckerberg اللى أسس Facebook و Steve Jobs اللى أسس Apple و شخصيات تانية كتير و أسامى مرموقة فى المجال دة.

بس الـ programming مش طريق للشهرة و الثراء وكفى، يعنى دة مجال كبير ممكن تحقق فيه انجازات كتير و تطور من نفسك و من الـ technologies اللى بتستخدمها كمان، مش شرط تكون مشهور و مش شرط تعمل Facebook تانى عشان تحقق اهدافك.

الصبر و الأجتهاد و التعب و الرغبة الملحة فى التعلم المستمر أهم الحاجات اللى هتعتعمد عليها لو فعلا أخدت قرار تتعلم programming، الأحلام شئ جميل بس متخليهاش تتحطم لما تخبط فى أرض الواقع، احلم براحتك بس اعرف لما تخلص حلمك هتقابل ايه فى الحقيقة و أزاى هتقدر توصل الحلم يبقى واقع مش كابوس، ولو انت حققت واحد على مليون من حلمك فكر فى الخطوة اللى جاية ازاى تحقق 2 على مليون من حلمك لأنك فعلا بدأت تحقق حلمك يا بطل.

فى سؤال دايما ناس كتير بتسألة انا امتى هقول على نفسى مبرمج ؟ انا اجابتى دايما انك طالما فتحت الجهاز بتاعك و بدأت تتعلم، انت كدة programmer بس لسة مبتدأ لسة بتتعلم حاجات محتاح تعرفها عشان تقدر تقدم خدمات للناس و المجتمع اللى محتاج مهاراتك دى، و كل لما تزود المهارات اللى عندك وكل ما تحسن من الأداء اللى بتقدم بية خدماتك كل ما تفيد الناس اكتر و تقدر تكسب من شغلك اكتر.

10/06/2019

الفيديو دة بتكلم فيه عن الفترة اللي جاية و ازاي هنظمها مع بعض، لو في اي اسئلة سيبوها في كومنت عشان كلنا نستفاد 😀

24/05/2019

أحب أبلغكم أن هنبدأ حجز الكورسات بعد رمضان بإذن الله 👌👍
واحب ابلغكم كمان⁦ ان اللي هيبقي متميز ف الكورس هيبقي ليه تدريب عندنا ف الشركه⁦☝️⁩👍 وبعد فتره التدريب هنعمله اختبار لو نجح فيه هيتعين عندنا في الشركه👏 وهيبقي واحد من ال team بتاعنا ⁦💪
يعني هتتعلم وتشتغل كمان ⁦✌️⁩💜
👌⁦☝️⁩
أول 20 حجز عليهم خصم 20%👌
#للاستفسار : 01286036550🤙
💜💜

08/04/2019

شباب احنا قربنا الحمد لله نبقي 1000 وكمان في مكان في اسكندرية قريب جدا هيكون جاهز عشان نشتغل workshops مع بعض، بس انا عايز اقتراحتكم للفترة اللي جاية.. محتاجين ايه؟

04/02/2019

عدنا من جديد
درس بعنوان الثوابت
PHP CONSTANTS

PHP constants