15/12/2025
🎯 في أي شركة… قبل ما تسأل عن الإنترنت، وقبل ما تسأل عن الربط بين الفروع، وقبل ما تسأل عن الأمان
لازم تسأل سؤال واحد بس:
السيرفر عندك جاهز ولا لأ؟
لأن الحقيقة اللي محدش بيقولها
إن 90٪ من مشاكل الشبكات مش من الخط، ولا من الراوتر، ولا من الفايروول
المشكلة بتبدأ من سيرفر متبني غلط.
خلّينا نحكيها من الأول، واحدة واحدة، بالراحة.
أول حاجة… يعني إيه سيرفر أصلاً؟
السيرفر هو عقل الشركة
هو اللي شايل الداتا
هو اللي منظم المستخدمين
هو اللي بيخلي الموظف في أي فرع يفتح جهازه ويحس إن الدنيا شغالة طبيعي.
لو السيرفر واقع
الشركة كلها واقعة.
طيب علشان أجهز سيرفر صح يخدمني في ربط فروع، محتاج إيه؟
أول حاجة البيئة
مينفعش تحط سيرفر على مكتب جنب الشباك
مينفعش تحطه على كهربا عادية
مينفعش تحطه من غير تهوية.
السيرفر محتاج مكان ثابت
كهربا مظبوطة
UPS ⚡
يفضل Rack
والأهم حد فاهم بيشغله.
نيجي بقى للمواصفات… وهنا ناس كتير بتغلط.
المعالج
مش أي CPU
سيرفر يعني Xeon أو EPYC
علشان يشيل Users، AD، DHCP، DNS، File Server، VPN، ERP.
الرام
أقل من 32 جيجا في شركة؟
هتتعب
64 جيجا هي البداية الصح لو ناوي تكبر.
التخزين
ودي أكبر مصيبة بتحصل
ناس تحط هارد واحد
ويقع الهارد، تقع الشركة.
الصح
RAID
RAID 1 أو RAID 5 أو RAID 10
علشان لو هارد وقع، الشغل مكمل.
طيب السيرفر ده هاردوير ولا سوفت وير؟
السيرفر الهاردوير
جهاز حقيقي
ثابت
أداء عالي
اعتمادية أعلى
بس تكلفته أعلى شوية.
السيرفر السوفت وير
Virtual Machine
أوفر في الفلوس
مرن
سهل النسخ الاحتياطي
بس محتاج Host قوي وفهم صح.
مميزات الهاردوير💫
ثبات
تحمل
أمان أعلى.
عيوبه ❌
سعر
قطع غيار.
مميزات السوفت وير 💫
مرونة
توفير
سهولة نقل.
عيوبه ❌
لو الـ Host وقع… كله يقع.
أشهر موديلات السيرفرات اللي في السوق
Dell PowerEdge R740
Dell R750
HPE DL380 Gen10
HPE DL360
◀️ دي أجهزة معمولة شغل تقيل، مش لعب. ⚙️
نيجي بقى لأهم جزء… السيرفر بيعمل إيه؟
أول حاجة Active Directory
ده اللي بيخلي كل موظف ليه User
وبيتحكم في الصلاحيات
وبيخلي الفروع كلها ماشية بنفس النظام.
ثاني حاجة DNS
وده أهم خدمة في الدنيا
لو DNS بايظ
الناس تقولك النت واقع
وهو في الحقيقة DNS واقع.
ثالث حاجة DHCP
وده اللي بيوزع IPs
ومن غيره هتدخل في دوامة IP Static ومشاكل ملهاش آخر.
رابع حاجة File Server📂
ملفات الشركة
مش على أجهزة الناس
على السيرفر
صلاحيات
نسخ احتياطي
أمان.
🎯 طيب إعداد السيرفر يتم إزاي باختصار مفهوم؟
تثبت Windows Server ⚙️
تدي IP ثابت
تشغل AD
تعمل Domain
تشغل DNS
تشغل DHCP
تحدد Scope
تعمل Join للأجهزة
تظبط Policies
تظبط Backup.
◀️ كده السيرفر بقى جاهز للربط..... 💡
نيجي بقى للفلوس
إزاي أوفر؟
بدل ما أشتري أكتر من جهاز
أعمل Virtualization
أشغل AD وFile وERP على VMs
أستخدم Windows Built-in VPN بدل أجهزة غالية
أخلي السيرفر هو القلب وكل الفروع Clients.
أشهر المشاكل اللي بتحصل بقى؟
الموظفين يقولوا النت بطئ
والحقيقة DNS مش مظبوط.
الدومين يفصل
والسبب إن السيرفر من غير UPS.
الملفات تختفي
والسبب مفيش Backup.
الربط بين الفروع يقطع
والسبب السيرفر مش متظبط صح من الأساس.
الحلول؟
تصميم صح
إعداد صح
Backup
Monitoring
وحد فاهم.
والبديل لو الميزانية قليلة؟
سيرفر متوسط
Virtualization
فايروول كويس
تنظيم مش أكتر.
📌 وفي الآخر… إيه الهدف من كل ده؟
إن الشركة
تشتغل
تتوسع
تزود فروع
من غير ما تعيش في رعب كل يوم
ومن غير ما تحتاج 3 شركات لكل جزء.
📌 سيرفر متظبط = شركة مستقرة = فلوس أقل ومشاكل أقل.
الهدف من دا كله... 🙂
إنك تفهم إن أي ربط ناجح
بيبدأ من سيرفر صح
مش من خط إنترنت.
لو كملت للاخر اوعدك الفتره هتستفاد كتير بنفس الطريقه دي اللي لازم اكون انا فاهمه الاول قبل ما انشر ليك البوست ده... يااريت تسيب بصمه كويسه تفرحني 🙏🏻🤍
Karim ElWakeel
