GraphiMedia - جرافيميديا

Home
Egypt
Alexandria
GraphiMedia - جرافيميديا

Contact information, map and directions, contact form, opening hours, services, ratings, photos, videos and announcements from GraphiMedia - جرافيميديا, Graphic designer, Alexandria.

اثراء المحتوى العربي في جانب الجرافيك ديزاين والفريلانس

بنزل مقالات عن الفريلانس والتصميم
قناة اليوتيوب بشرح عليها كتب عن التصميم والتغذية البصرية
وكمان بشارك ع قناة تليجرام افلام وثائقية عن المجال 👇😍

When design becomes an art not just a job!

10/07/2026

مارجان ساترابي.. اتوفت من فترة قصيرة .. كنت حاطه كتبها ع قائمة القراءة من فترة بس لما اتوفت مفكرتش كتير واستعرت كتبها المتاحة ف المكتبة
صورت الكتب دي ع قناة "عن الفن" ع اليوتيوب.. اللينك في أول تعليق لسلسلة الفيديوهات دي واكيد هعملها تحديت كل ما ألاقي كتاب بقى متاح في المكتبة ليها..
اشتركوا في القناة علشان يوصلكم كل جديد عن الكتب الفنية 👇

#جرافيميديا
#فن

26/06/2026

مراجعة وشرح لكتاب جديد في مجال تصميم الجرافيك وهو كتاب Perfect Palette الجزء الاول والثاني..
اختيار بالتتة الألوان حاجه مهمة وليها معاني تقدر تغير في رؤيتك للتصميم..

لينك المشاهدة ع اليوتيوب في اول تعليق 👇

اشتركوا في قناة اليوتيوب علشان يوصلكم كل جديد وقناة تليجرام عليها افلام وثائقية عن التصميم والفن حصرية 🤩

#جرافيميديا

22/05/2026

مراجعة جديدة لواحد من أشهر وأهم كتب الفن في العالم: The Art Book من نشر دار Phaidon العريقة…
الكتاب ببساطة يعتبر موسوعة بصرية بتلخص تاريخ الفن في كبسولة سريعة وممتعة، وبيجمع أهم 500 فنان غيروا وجه التاريخ!

لينك المشاهدة ع اليوتيوب في اول تعليق 👇

اشتركوا في قناة اليوتيوب علشان يوصلكم كل جديد وقناة تليجرام عليها افلام وثائقية عن التصميم والفن حصرية 🤩

#جرافيميديا

08/04/2026

فى ذكرى رحيل بيكاسو .. ٨ أبريل
عندي تجميعة لبعض كتبه اللي بتضم رسوماته وصور من حياته الشخصية
صورت الكتب دي ع قناة عن الفن ع اليوتيوب.. اللينك في التعليقات لسلسلة الفيديوهات دي واكيد هعملها تحديت كل ما ألاقي كتابه حلو ليه..
اشتركوا في القناة علشان يوصلكم كل جديد عن الكتب الفنية

#جرافيميديا
#بيكاسو #فن

27/03/2026

عودة لشرح كتاب جديد عن تصميم الجرافيك والنهاردة بنشرح كتاب Logo Design واللي يعتبر القاموس والمرجع الأول في مجال تصميم اللوجوهات..
مش هرغي كتير .. اتفرجوا ع الفيديو وابعتوه لأصحابكم المهتمين بالمجال ده أو اعمللهم منشن

لينك الفيديو في أول التعليقات👇

اشتركوا في قناة اليوتيوب علشان يوصلكم كل جديد وقناة تليجرام عليها افلام وثائقية عن التصميم والفن حصرية 🤩

#جرافيميديا

14/02/2026

٤
#جرافيميديا

29/01/2026

مقال جديد بعد غياب ..
الـ AI والجرافيك ديزاين .. هل فعلاً أنت مش مبدع لو استخدمته؟

لو إنت مصمم أو صانع محتوى، أكيد الأيام دي حاسس إنك ف خناقة كبيرة مع نفسك.
كل ما تفتح السوشيال ميديا تلاقي كلام عن الـ AI وكورسات كتابة prompt واحفظ البوست ده علشان ترجعله تاني .. وغالبًا مبترجعش ..
المهم .. ناس بتقولك ده لغي الإبداع..ده شغل جاهز وإنت كدة مبتتعبش في تصميمك!!.
فبقينا بنخبي إننا استخدمنا الذكاء الاصطناعي علشان منبقاش قليلين أو مش شاطرين.

تعالوا بقى نفكك العقدة دي ونعرف الحقيقة ايه ..هل استخدام الـ AI وصمة عار فعلاً؟

الناس فاكرة إن الـ AI ده زرار سحري بتدوس عليه يطلعلك لوجو عالمي في ثانية بس الحقيقة أي حد جرب يكتب Prompt عارف إن الموضوع محتاج دماغ..
الـ AI معندهوش خيال هو عنده بيانات ..الخيال والتوجيه بتاعك إنت.
لو إنت مش فنان وعندك رؤية.. ف الـ AI هيطلعلك حاجه ملهاش طعم… الإبداع هنا اتنقل من إيديك لعقلك..

الأداة مش هي اللي بتصنع الفنان..زمان لما الفوتوشوب طلع .. الفنانيين اللي بيرسموا بالفرشاة قالوا ده غش لكن دلوقتي اللي مبيعرفش فوتوشوب مبيشتغلش ف بالتالي الـ AI هو مجرد فرشاة متطورة جداً.

كمان الذكاء الاصطناعي بيخلصنا من المرمطة بدل ما تضيع ٣ ساعات بتقص في خلفية صورة أو بتشيل حبوب من وش موديل.. الـ AI بيعمل ده في ثانية وده بيخليك تفضي دماغك للفكرة Concept اللي هي أصل الشغلانة.

كمان هو يُعتبر مخزن أفكار مبيخلصش.. ساعات أنت افكارك أو مخك بيقفل لكن الـ AI هنا زي صديقك اللي بيفكر معاك (Brainstorming) لحد ما توصل للخيط اللي هتكمل عليه بلمستك.

بس ازاي تستخدمه بذكاء ومن غير م تطلع شغل ملهوش روح؟

عشان متقعش في فخ الـ (Copy-Paste) ممكن تخلي بالك من النقط دى..

- خلي AI نقطة بدايه.. استلهم منه الـ Moodboard، الألوان، أو التكوين، وبعدين خد الشغل على برامجك وكمله إنت.

- حط التاتش بتاعك .. العميل دافع فلوس علشان رؤيتك إنت، مش عشان صورة طالعة من Midjourney…عدل عليها، غير الخطوط، اضبط ال composition وهكذا.

- اتعلم فن الطلب..احترافك للـ Prompt Engineering هو المهارة الجديدة اللي بتميز المبدع عن الهاوي.
-
ساعات الناس بتحط عار ع مصمم الجرافيك اللي بيستخدم الذكاء الاصطناعي لكن كاتب المحتوى لا .. ليه!
ف شوية ازدواجية معايير واضحة في السوق حالياً.
ليه كاتب المحتوى لما بيستخدم ChatGPT بنقول عليه ذكي ومواكب للعصر ولما المصمم يستخدم Midjourney بنقول عليه كسلان وفقد إبداعه؟..

ده بيرجع لعدة نقاط نفسية وتقنية، تعالوا نتكلم فيها مع بعض .. 👇

الناس لسه رابطة الفن بالتعب الجسدي.. يعني لو رسمت لوحة في 10 ساعات يبقى إنت فنان لكن لو الـ AI طلعها في 10 ثواني..الناس بتحس إن القيمة راحت لأن مفيش تعب اتصرف عليها.
ف الكتابة، الناس بتتقبلها أكتر إنها عملية تفكير ف مش فارق معاهم مين اللي كتب الكلام ده..المهم المعنى يوصل لكن في التصميم، الناس لسه بتدور على صنعة الإيد.

لكن عندنا مشكلة حقوق الملكية هي أكتر حاجة مخليه المصممين خايفين.. ف حين كاتب المحتوى بيستخدم الAI علشان يرتب أفكاره لكن في الآخر هو اللي بيمضي على المقال..
ف التصميم الـ AI بيعتمد على تغذية بصرية من شغل فنانين تانيين ف ده خلق شعور بالذنب عند بعض المصممين إنهم بيسرقوا مجهود غيرهم بدون قصد فبيحسوا إن استخدام الـ AI وصمة عار أخلاقية قبل ما تكون تقنية.
او ناس بتسرق ومبتحسش بذنب عادي برضوا 😂

نقطة كمان .. المحتوى المكتوب بالذكاء الاصطناعي سهل تعدل فيه وتغير نبرة الصوت Tone Of Voice وتخليه شبهك لكن في التصميم..الـ AI أحيانًا بيطلع نتيجة حلوة زيادة عن اللزوم أو ليها اسلوب محفوظ ف لو المصمم مغيرش فيها بلمسته الخاصة..التصميم بيبان fake وده اللي بيخلي الناس تقول عليه مش مبدع لأنه مقدمش رؤية جديدة.

المصممين بيحسوا إن الـ AI بيمس مهاراتهم زي الرسم، التكوين والإضاءة لكن الكاتب ممكن يشوف الـ AI مساعد له في البحث..

المصمم بيحس إن الـ AI بينافسه في النتيجة النهائية وده اللي بيخلي فيه دفاع نفسي وهجوم على الأداة عشان يثبتوا إن البشر لسه أهم..

ف علشان تخرج من فخ وصمة العار ده .. لازم تتعامل مع الـ AI زي ما الكاتب الشاطر بيتعامل معاه ك مساعد مش مدير ..استخدمه في الـ الخطوات الأولية..في دمج العناصر أو في عمل textures صعبة.
لكن الفكرة الأساسية لازم تكون نابعة من البريف Brief اللي إنت فاهمه من العميل.

ركز على الـ Storytelling .. القصة اللي عايز تقولها لأن الإبداع مش في إنك تطلع صورة حلوة ولكن إنك تحكي قصة بالصورة دي..الـ AI بيطلع صور لكن إنت اللي بتصنع البراند ..

المصمم الشاطر هو اللي بيقول..أنا استخدمت الـ AI علشان أوفر وقت في تنفيذ الخلفية بس الفكرة وتوزيع العناصر واختيار الألوان هما شغلي..ده بيبين إنك مسيطر على الأداة مش هي اللي ممشياك.

وصمة العار الحقيقية هي إنك تفضل محلك سر والعالم حواليك بيتطور.
الـ AI مش هيحل محل المصمم المبدع..هو هيحل محل المصمم اللي مش بيطور من نفسه..

ممكن تبص ع مجتمعات المصممين على Discord أو أي مواقع تانية علشان تعرف الناس بتوصل لنتائج عاملة ازاي..

الشاطر مش اللي بيعمل كل حاجة بإيده من الصفر لكن اللي بيعرف يستخدم كل الأدوات علشان يطلع أحسن نتيجة في أسرع وقت.

ده المقال الأول ف سلسلة المصمم والذكاء الاصطناعي.. خليكم متابعين علشان يوصلكم كل المقالات

متنسوش تتشاركوا ف قناة تليجرام علشان تشوفوا أفلام وثائقية عن تصميم الجرافيك والفن مش هتلاقيها ف أي حته 👇😎

اعملوا subscribe لقناة اليوتيوب علشان يوصلكم كل جديد عن تصميم الجرافيك والفن وكتب مهمة للتغذية البصرية

وكمان ‎تفاصيل لتحميل كورس تصميمات السوشيال ميديا المجاني

اللينكات كلها ف التعليقات 👇👇
#جرافيميديا

16/01/2026

تزامنًا مع معرض الكتاب 🥳
لو أنت/ي مصمم أغلفة كتب ومش لاقي كتب تغذية بصرية تبص عليها .. البوست ده ليك 👇😍

‎فيديو الأسبوع ده هو شرح ل ٣ كتب ف مجال تصميم أغلفة الكتب

لينك الفيديو ف التعليقات👇

ودي أسماء الكتب اللي عرضتها في الفيديو👇
- The Look of the Book: Jackets, Covers, and Art at the Edges of Literature
Book by David Alworth and Peter Mendelsund

- The Illustrated Dust Jacket 1920-1970
Book by Martin Salisbury

- Front Cover: Great Book Jackets and Cover Design by Alan Powers

#جرافيميديا
#تصميم

#معرضـالكتاب

05/01/2026

بالصدفة استعرت كتب عن Hayao Miyazaki من المكتبة العامة عن اشهر فيلمين ليه وهما Spirited Away و My Friend Totoro وفيهم اسكتشات حلوة اوي والنهاردة عرفت انه عيد ميلاده ال٨٥
ف قولت أشارك معاكم الكتب دي لمحبي افلام ستوديو جيبلي
صورت الكتب كاملة بجودة عالية ونزلتها ع قناة "عن الفن" ع اليوتيوب .. اللينك في اول تعليق 😍👇
وهستعير باقي كتب هاياو ميازاكي وهنزلها ع القناة ف اشتركوا واعملوا لايك علشان يوصلكم كل الكتب الفنية وقريب هنزل كتب انمي ومانجا لمحبي النوع ده 😍🥳
واللي اعتقد أنها تغذية بصرية حلوة لمحبي الفن والتصميم

#جرافيميديا

18/12/2025

كتاب جديد عجبني اوي قولت لازم أشاركه معاكم 😍

كتاب “Logos That Last” للكاتب ومصمم الجرافيك
Allan Peters

هو يُعتبر دليل بصري مهم لكل مصمم مهتم ببناء شعارات قوية وتعيش مدة طويلة

لينك الحلقة كاملة هتلاقوها في التعليقات 👇😍

متنسوش تتشاركوا ف قناة تليجرام علشان تشوفوا أفلام وثائقية وكتب تانيه عن تصميم الجرافيك والفن عامة مش هتلاقيها ف أي حته 👇😎
اللينك ف التعليقات

#جرافيميديا
#لوجوهات

Address

Alexandria

Website

https://graphimedia548844302.wordpress.com/, https://t.me/graphimedia

Alerts

Be the first to know and let us send you an email when GraphiMedia - جرافيميديا posts news and promotions. Your email address will not be used for any other purpose, and you can unsubscribe at any time.