Stage Kode

Stage Kode يلا ناخد عهد ونبدأ الرحلة جد 😉
بنقدملك محتوي تكنولوجي ينفعك يا هندسة فكون أنت قد التحدي وأبدأ معانا رحلة التغير 🧑🏼‍🎓

واخيراااا بوست جديد 😮‍💨نتكلم بقي كده واسمعني يا ولد عمي 😎 مجال من المجالات اللي فعلا الطلب عليها متزايد وغير كده سهله ال...
03/07/2025

واخيراااا بوست جديد 😮‍💨
نتكلم بقي كده واسمعني يا ولد عمي 😎 مجال من المجالات اللي فعلا الطلب عليها متزايد وغير كده سهله التعلم مش معقد زي باقي المجالات وطبعا احنا مش بنلاقح علي حد 🥸.
‏مجال الـ UI/UX يعني اي مش فاهم 🤨
هقولك اهو صبرك عليا
💡 الأول… يعني إيه UI/UX؟
‏UI (User Interface)
ده شكل التطبيق أو الموقع اللي بتتعامل معاه… يعني الأزرار، الألوان، الخطوط، الصور، والقوائم
‏يعني بيتخصص أكثر بالمظهر اللي بياخده المبرمج علشان يبرمجه علي هيئة موقع او تطبيق و المبرمج عشان يكون سهل للمستخدم ان يتعامل معاه وتكون الحقول واضحة للجميع والالوان متسبش أي أضرار للعين و الخطوط تكون بنسبة قابلة للقراءة وواضحة ويكون شكله منسق وجميل يخلي العميل منبره بيه ويتعلق في حب الابلكيشن ده.
‏UX (User Experience)
ده بيهتم بتجربة المستخدم… هل التطبيق سهل؟ سريع؟ مريح؟ هل المستخدم بيتوه ولا لأ؟

‏علشان نجاح أي تطبيق أو موقع إلكتروني لازم يكون سهل وبسيط وسريع ميخليش المستخدم يحس بملل وهو بيستخدم المنتج ده دور UX انه يشوف اهتمامات المستخدم ايه والمشاكل اللي بتواجهه وتخلي ميستخدمش المنتج ده سواء ابلكيشن او موقع ويب فهو بيدرس السوق كويس ويشوف اي هي المشاكل ويحلها كويس.

‏مميزات المجال ده بقى إنه سهل التعلم سريع إنك تتقنه وتفهمه وسهل إنك تدور علي شغل فيه في تطبيقات المواقع العمل الحر أو في شركات بسيطة نشأ لحد ما تكتسب خبرة ويكون لي مكان كبير في شركة كبيرة 😍

يلا ابدا دلوقتي واتعلم فرصة النهاردة ممكن تغير بكره كله 😉
تابعنا علشان كل جديد ❤️

https://linkfly.to/stage-kode


يا باشا دة رز أبيض وده رز بسمتي ماليش دعوة بية 🤨ثواني بس نشوف الموضوع ده ع أي ، الموضوع وبكل بساطة أي الفرق بين الفرونت ...
01/07/2025

يا باشا دة رز أبيض وده رز بسمتي ماليش دعوة بية 🤨

ثواني بس نشوف الموضوع ده ع أي ، الموضوع وبكل بساطة أي الفرق بين الفرونت والباك آند وأبدا بانهي فيهم وازاي اختار تخصصي 🤩

Front end Development
الـ Front End، يا عزيزي، وبكل اختصار عامل زي العربية الـ BMW ومتقوليش اخترت العربيه دي بالذات عشان انا بحبها وهو كده عامه وركز ف الشرح 😠
زي ما قلنا هو عامل زي العربيه اللي شكلها حلو وجميل من بره وانك تقدر تتفاعل معاها زي لما تدوس بنزين العربيه تتحرك ولما تدوس فرامل العربيه تقف ولما تدي اشاره يمين او شمال اللمبه تنور! 💡
زيها زي الموقع بالظبط يعني هو الجزء اللي بتشوفه وبتتفاعل معاه في المواقع أو التطبيقات، زي الألوان، الأزرار، الصور، والحركات اللي بتخلّي الموقع يبدو "حيّ" وسهل الاستخدام. باختصار، هو المكياج واللبس الشيك بتاع البرنامج! 💅
الـ Front End Developer هو اللي بيحط "البودرة والروج" ده، بيستخدم HTML زي الهيكل العظمي، CSS زي اللبس والإكسسوارات، وJavaScript زي السحر اللي بيخلّي الأزرار ترقص لما تضغط عليها! 🕺

- طب والباك اند 🧐
اصبر يا هندسة جايلك في الكلام 🤦🏼

Back end Development
شايف نفس العربيه اللي تكلمني عليها فوق شفت قد ايه كانت شكلها حلو جميل من بره وكانت سهله لما تيجي تدوس على البنزين تمشي وتدوس على الفرامل تقف اكيد الحاجات دي مش شغاله كده وخلاص اكيد في حاجه او system معين هو اللي بيمشيها.⚒️

وده بالظبط اللي بيحصل لو فتحنا كبوت العربيه هنلاقي ان جواها موتور وبطاريه واسلاك ومضخات وليله سعادتك 😫
ده بالظبط الباك اند ان هو الحاجات اللي جوه او الحاجات اللي في الخلفيه اللي المستخدم مش بيشوفها بتخلي السيستم شغال بفاعيلة زي لما تبعت رساله تروح توصل للشخص المبعوته ليه وزي لما تعمل عمليه دفع لمنتج فتتم عمليه الدفع والفلوس توصل للشخص الي بتشتري منه وزي لما تملي فورم فيتبعت وهكذا ديت كلها حاجات من الباك اند المستخدم ما يقدرش يشوف الاكواد اللي بتتنفذ ورا علشان العمليات دي تتم بس هو بيقدر يشوف الفرونت اند بس 🗿

تبدا بي اي بقي 🤔
هل تبدا ک Front end ولا Back end ؟!
مش شرط انك تكون بتعرف الاثنين علشان تعمل ويب بس يكفي لو انت عندك فرونت اند بس انك تعمل ويب ديناميك بس على خفيف يعني ما فيش فيه مميزات كثير غير لما يخش فيه الباك انت طيب هل تبدا بالباك اند ولا فرونت اند لو عايز تعمل ويب متكامل.

كل شخص وليه طريقه بيتعلم بيها بس اللي بينصح به ناس كثير انك تبدا Back end علشان الباك اند هيديك خبره اوسع في مجال الويب وخصوصا ان في لغه مشتركه ما بين الباك اند والفرونت اند وهي JavaScript.

فنصحتي ليك يا مهندس يا شاطر ابدا بي اي حاجه المهم انك تبدا اذا بدات بالباك اند هتوصل للفرونت اند ولو بدات بالفرونت اند هتوصل للباك اند المهم انك تبدا بس .♥️

وعلشان عارفين انك هتبقى محتار اكتر وعايز تفهم ايه الحاجات اللي اقدر اذاكرها في الفرونت والحاجات اللي اقدر اذاكرها في الباك اند عشان تبقي بروفيسير محترف ويب وممتاز هنعمل لك محاضره مجانيه تماما هنشرح فيها الباك اند والفرنت اند قريب جدا جدا تابعنا علشان يوصل لك كل جديد 😉🧑🏼‍🎓

https://linkfly.to/stage-kode -


ضحكوا عليك يا حزين وقالولك ان لغة HTML دي لغة برمجة وتقدر تبقي مستر روبوت منها 🤨 ؟!الـ HTML هي مجرد لغة وصف (ترميز) اختص...
29/06/2025

ضحكوا عليك يا حزين وقالولك ان لغة HTML دي لغة برمجة وتقدر تبقي مستر روبوت منها 🤨 ؟!

الـ HTML هي مجرد لغة وصف (ترميز) اختصار لكلمة HyperText Markup Language وقبل ما تسأل يعني أي هجاوبك بس ركز معايا كده يا هندسة .

- مجال الـ Front end فية لغات كتير مقسومة نصين لغات برمجة ولغات وصف زي أي
لغات الوصف زي :
HTML
CSS
طيب البرمجة :
JavaScript
Typescript
غير المكتبات اللي مبنية علي تقنيات الـ JavaScript وغيرها بس ده مش موضوعنا

يعني اي برضوا لغة وصف وازاي الويب بيتكون 🤨

- الويب زي تصنيع العربية الـ HTML هو الجسم (body) والسقف (head) تقفيل العربية (contact) ومع غير اي اضافات تانيه تبقي العربية دي مش بتتحرك ولا ليها لازمة حته حديدة . 🔩

يجي دور الـ Css وده الدهانات الكراسي (style) وكدا العربية بقيت بتلمع بس كده من برة هالله هالله من جوه يعلم الله علشان كده العربية مش بتمشي 🤡

دور الـ JavaScript وده الماتور اللي هيخلي العربية تمشي لما ندوس علي البنزين (function) وكدا العربية جاهز للانطلاق 🥳

بس الـ JavaScript بقيت عبارة عن ماتور صيني طيب والعمل علشان نضيف مميزات تخلي العربية تجري أسرع ومتعطلش قدام والمستخدم يقدر يعدل عليها براحته 🤔؟

يجي دور React و Angular وغيرها من مكتابات وإطارات عمل وكده يبقي عندك عربية مش مع حد تاني 😉

وعلشان عارفين أن الموضوع صعب شوية هيكون في محاضرة مجانية تماماً وكورس كامل مجانا قريبا جدآ هنشرح فيه مجال الـ Front end Dev. بشكل كامل وبصورة أبسط . 🙈

تابعنا علشان يوصلك كل جديد خليك معانا مش علينا 😉.


Address

10Th Of Ramadan City
10Th Of Ramadan City

Website

Alerts

Be the first to know and let us send you an email when Stage Kode posts news and promotions. Your email address will not be used for any other purpose, and you can unsubscribe at any time.

Shortcuts

Share

Category