23/08/2024
لعنة الأهلي .. عبد الله (السعيد) ❌ .. عبد الله (المنحوس) ✅
عبد الله السعيد لعب في الاسماعيلي 8 سنين مكسبشي ولا بطولة وخسر معاهم 18 بطولة
بعد كده راح الأهلي 7 سنين ونص كسب معاه 12 بطولة مختلفة محلية وقارية
وبعد كده ساب الأهلي ولعب في 4 أندية مختلفة (كوبس الفنلندي وأهلي جدة وبيراميدز والزمالك) لعب معاههم 6 سنين مكسبشي ولا بطولة
عبد الله مع الـ 4 فرق دول خسر 25 بطولة (بطولة مع كوبس وبطولة مع أهلي جدة و20 بطولة مع بيراميدز و3 بطولات مع الزمالك)
مع منتخب مصر عبد الله لعب 15 سنة مكسبشي ولا بطولة ، وشارك في 4 بطولات خسرناهم كلهم
اجمالا عبد الله السعيد كسب 12 بطولة في تاريخه كلهم مع الأهلي ، وبره الأهلي في كل الأندية ومع المنتخب مكسبشي ولا بطولة وشارك في 47 بطولة خسرهم كلهم !!!
البطولة الوحيدة اللي كسبها الزمالك الموسم ده كانت كاس الكونفيدرالية ومتحسبتش لعبد الله لانه مشاركش فيها ومكانش مقيد في القايمة
لو بيراميدز كسب كأس مصر الحالية بعد رحيل عبد الله .. هتكون أول بطولة لبيراميدز ,, وعبد الله هيكون أكتر لاعب منحوس في العالم !!!
