13/11/2025
سلسلة معلومة في خمسينة … ايه هو مجال الـ Web Development
لو مهتم بمجال البرمجة او عاوز تعرف اكتر عن مجال الـ Web Development البوست ده ليك !
الـ Web development هو مجال تطوير تطبيقات الويب الـ Web Applications ومثال على تطبيقات الويب فاغلب الخدمات البنتستخدمها بشكل يومي على المتصفح الـ Web Browser زي الـ firefox و google chrome
ومثال على تطبيقات الويب facebook , amazon, youtube, olx … الخ
تطبيقات الويب تشمل ايضاً ال Internal Systems وهي الأنظمة الإدارية المستخدمة في الشركات أو المحلات أو المخازن و الصيدليات ودي أنظمة بتفتحها على المتصفح وبيدخل المستخدم بيانات حسابه والنظام بيوفر أدوات لخدمة التخصص المعمول عشانه النظام
لاحظ ان في فرق بين تطبيق الويب الـ Web Application والموقع الـ Web Site الأول يعتبر برنامج بياخد data من المستخدم ويخزنها في قاعدة بيانات اما بالنسبة للاخير مجرد صفحة ثابتة لاستعراض معلومات زي مثلا موقع لشركة بتعرف عن الخدمات البتقدمها مفيش مستخدمين ومفيش data بتدخل او بتطلع
مجال تطوير تطبيقات الويب مجال مطلوب في سوق العمل و في دراسة احصائية اتعملت في 2021 تنبأت ان خلال العشر السنين التاليين اي لحد 2031 فرص العمل المتاحة في مجال تطوير تطبيقات الويب هتزيد بنسبة 30% حولين العالم , بالنسبة لمتوسط المرتبات المرتبات فى مصر 35,000 EGP و في بعض الاوقات بتوصل لي 100,000 EGP
طيب لو حابب تتعلم Web Development تبدأ ازاي ؟!
اولا لازم تعرف ان تطبيقات الويب تتكون من قسمين وهما ال Frontend & Backend
الـ Frontend بيهتم بتصميم وتطوير الواجهة الرسومية User Interface الخاصة بالتطبيق والواجهة الرسومية هي الصفحة الخاصة بالموقع أو التطبيق زي بروفيلك الشخصي على Facebook وده بيشتغل بشكل مباشر على المتصفح وفي الغالب يتم تطويره باستخدام لغات برمجية زي ال HTML, CSS & JavaScript
الـ Backend معقد اكتر من الـ Frontend و ده لان الـ backend بيشتغل علي حاجة اسمها الـ server ! طب ايه هو الـ server ؟!
السيرفر هو جهاز كمبيوتر بامكانيات عالية جداً يعني في وقت ان الجهاز بتاعك فيه 8 جيجا رام او حتي 16 جيجا رام … السيرفر ممكن يبقي عليه 64 جيجا رام او حتي 128 جيجا رام و بدل المعالج اتنين و ممكن يبقى فية اتنين معالج على نفس السيرفر بيشتغله بشكل متوازي
السرفر بيتحط عليه ال web application بالكامل ودوره أن يستقبل طلبات الموقع الـ requests من المستخدمين …
الـ request هو اللي بتعمله في كل مرة تفتح فيها لينك لموقع علي المتصفح و المتصفح بيبعت للسيرفر والسيرفر بيرد بي response يحتوي علي ال html, css & js البيشتغل علي المتصفح.
كمان عندنا ال Database وهي قواعد البيانات و دي دورها تخزين بيانات مستخدمين التطبيق و طبعاً مكانها بيكون علي السيرفر و المطور دورة يكتب كود بيشرح للسيرفر طريقة استدعاء او ادخال بيانات جديدة لقواعد البيانات و صلاحيات المستخدمين زي مثلا المستخدم العادي عنده صلاحية يشوف البيانات الخاصة بالبروفايل بتاعة و يقدر يعدل عليها او حذفها لكن ميقدرش يعدل على بيانات مستخدم غيره … في وقت أن مدير النظام يقدر يشوف او يعدل علي بيانات بقيت المستخدمين بكل سهولة
تطوير ال Backend بيتم باستخدام لغات برمجية زي الـ php, python, ruby…الخ و قواعد البيانات في منها انواع كتير زي SQL Server, Mysql, PostgreSQL … الخ
الشخص البيتخصص في ال Frontend بيتقال علي Frontend developer والشخص البيتخصص في ال Backend بيتقال عليه Backend Developer و لو بيشتغل في التخصصين بنقول عليه
Full stack web developer
طبعا الموضوع ده محتاج تفصيل أكثر في بوست تاني قريب جداً.
دي كانت معلومة في خمسينة برعاية GooWeb
