𝙰𝙻 𝚂𝚔𝚒𝚔𝚍𝚒 シ︎

𝙰𝙻 𝚂𝚔𝚒𝚔𝚍𝚒 シ︎ Informations de contact, plan et itinéraire, formulaire de contact, heures d'ouverture, services, évaluations, photos, vidéos et annonces de 𝙰𝙻 𝚂𝚔𝚒𝚔𝚍𝚒 シ︎, Site web informatique et Internet, Av. Colonel Loth, Rue Dehbi Mohamed, Sétif.

من نحن؟
صفحة تقنية يُديرها شباب جزائري واعد، يريد الإسهام في بناء مجتمع تعلمي يواكب التغيرات في المجال التّقني و التكنولوجي بصفة عامة!
⚡ المجالات التي سنهتم بها:
- البرمجة: من تطبيقات الهاتف، تطبيقات سطح المكتب، الواب و الألعاب
- الذكاء الاصطناعي، الأنظمة المعلوماتية، الأمن المعلوماتي، تحليل البيانات!
- الطباعة ثلاثية الأبعاد.
- الكترونيك.
- الهاردوير و كل ما يتعلق بقطع الحواسيب و الهواتف.
- أخبا

ر تقنية، مصادر تعليمية.
- وكل ما يحتاجه الطالب من محتوى علمي، بحوث ومذكرات.
⚡ أهدافنا:
👈 إشراك الشاب الجزائري في بناء المحتوى التعليمي و التقني بصفة عامة!
👈 توفير محتوى متكامل و تقديمه بطريقة سلسلة و سهلة من أجل إيصال المعلومة بوضوح و بأسلوب مميز!
👈 الهدف الأكبر هو مساعدة المتابع في بناء المعرفة انطلاقا من المعلومات التي سنشاركها!
⚡ الطريقة:
اعتماد أساليب مختلفة حسب المحتوى، ستكتشفونها تدريجيا🔥

👉We make it easy ✅

23/12/2022

⭕️شفتي كي يقولك الأب الكريم دير تشوف حفيظ دراجي راهم قالوا راه في القناة الثانية و أنت تغيبلك و يبدأ منبع الحنان بالكف و الحقرة

🔴🔴أيا جاتك في بالك كيفاه يقدر التلفاز يفرق بين يبدل القناة و يزيد في الصوت؟ أرواح تشوف اوراح

✅️كاين إشارات راهي تبعث من émetteur يتواجد على مستوى مقدمة la télécommande

✅️ و كاين sensor تع أشعة ماتحت الحمراء (Infrared sensor) يتواجد على مستوى التلفاز

✅️الsensor هذا يقوم بإستقبال الإشارات اللي هيا نوع من الأكواد مثلا "3FEC" اللي هوا خاص بزيادة الصوت

✅️على مستوى التلفاز يكون كاين كود يقول بلي اذا الإشارة المستقبلة تحتوي على كود من نوع "3FEC" فقم بزيادة الصوت

✅️فكل زر في la télécommande عندو كود خاص به تم برمجة التلفاز عليه

23/12/2022

⭕ ارواااح نقولك كيفاش تزيد من فرص العمل تاعك كمبرمج!

🔵 كاين وحد المنصات لي يأكدو على كيفية حل المشاكل problem solving 🤓
أدخل و قم بإنشاء الحساب تاعك، شعال ما تحل شعال ما يزيدولك النقاط ➕ و يطلع الحساب تاعك ↗️

🟠 منبعد في مقابلة عمل يشوفك داخل في منصات كيما هادو ، يفهم بلي عندك منطق مليح في حل المشاكل ✅، هاد الشيء يزيد من فرصة انه يوظفك 🤝

⚫ ما زالك حاسب هاد المنصات للمبتدئين و الصغار؟🙆 روح أجري على روحك أولدي و خود النصيحة من الأدمينة الياقوت XD، أيا روح للتعليقات تلقى المنصات هادو، أدخل و بدا تخدم على روحك =>

23/12/2022

⭕ شوف في هذه الدنيا عمرك ماتستشفى 🤣 لأنو صح الدنيا دور ، بعد ما ضحكوا المطورين على الديزاينرز بسبب هدات Adobe والذكاء الاصطناعي ، جاهم الدور دوك :)

✅ لمهم OpenAI طورت chat bot اسمو ChatGPT ويقدر يجاوبك على أي سؤال علمي في راسك بطريقة ديناميكية كيما هذاك صاحبك لي طايح يعرف كلش ، الفرق هنا انو هذا صح يعرف كلش ، يعني على حسب السؤال يعطيك الإجابة عن طريق Artificial intelligence 🔥
وراه يطور باه يقدر يخدم برامج وتطبيقات وحدو على حسب طلب المستخدم 😢 اتسما حنا نغلقوا ولا كيفاه ؟

🚨 أبدا تتعلم وكونك ديما Updated باه ميفوتكش القطار 😌

23/12/2022

صحبي الاوتوماتيسيان الخشين راك باغي تولي واعر في الماتلاب بثلاث خطوات برك ؟ حل راسك مليح و تبعني تشو

◾ اول خطوة، تحكم هاد الدرايف لي حطيتولك في الكومونتار تيليشارجي واش فيه( اقرا واش كتبتلك في الكومونتار باه ماتتلفلكش)

◾ كي تكمل ، واش دير كخطوة ثانية ؟ نظم وقتك و اقسموا على حساب الوحدات لي كاينة ، دير في بالك بلي مدة الكورس لي كاين في درايف هي 26 ساعة .

كاين بزاف وحدات منها :
🔺أساسيات الماتلاب و أنواع البيانات فى الماتلاب
🔺الدوال الأساسية و الشائعة و عمل الحلقات التكرارية
🔺كتابة الأكواد و الدوال فى الماتلاب و عمل الرسومات ثنائية و ثلاثية الأبعاد
🔺حل المعادلات بالطرق العددية و استخدام الماتلاب فى الرياضيات
🔺استخدام الماتلاب فى التحسين و ذلك باستخدام الخوارزمية الجينية

◾ كي تشوف روحك منضم وقتك ابدا اقراا شويا كل يوم ( ماتبداش تقرا 3 سوايع في نهار و منبعد تكره تحبس ف سمانة)

⭕ ايا شاراك تستنا باه تبدا فهمني🙂🔨؟ توكل على ربي و ابدا
و قول تاد ماعطاوناش 🔥

⭕ كامل نعرفوا تطبيق WhatsApp وبزاف يستعملوه ، بصح ، تعرفوا القصة المميزة تاع مؤسس هذا التطبيق الأوكراني Jan Kaum 🇺🇦 ؟! 🔶...
23/12/2022

⭕ كامل نعرفوا تطبيق WhatsApp وبزاف يستعملوه ، بصح ، تعرفوا القصة المميزة تاع مؤسس هذا التطبيق الأوكراني Jan Kaum 🇺🇦 ؟!

🔶 عاش وتربى في منطقة فقيرة في ضواحي العاصمة كييف الاوكرانية ، يماه ماتت بالسرطان وبعدها ب 3 سنوات باباه مات وهو صغير ، بصح حاجة كانت مقلقاتو ، لي هي " ماكاش أمور يقدر يديرهم الفرد بطريقة تحمي حياته الشخصية " الحكومة تراقب كلش ، يعني ماكاش خصوصية ، ايا هذه كانت من دوافع لي وصلاته للمشروع هذا ( زعما واتساب مايسربش ومايتجسسش على حياة الناس 🙄🤣 خلينا يا جان )

نجح في دراسته وتحصل على منحة لجامعة San Jose بالولايات المتحدة الأمريكية قرا computer science ... خدم في ياهو بصح خرج منها لأنو شاف انها بزاف مملة :/ وكانت هذه نقطة تحول كبيرة في حياته 😍

بعدها حط CV عند فايسبوك بصح رفضوه ( مارك مايحبش الشوبان ) ، بدا يدبرس ويخمم كيفاش أنا مهندس ومالقيتش خدمة ! بصح مخممش في حل ولي هو " منحة البطالة ! " 🤣 ( نضحك برك )

✅ ف 2009 وبعد عمل كبير قدر يؤسس واتساب مع ياهو ( كان يقول عليهم مملين -_- ) وبدأ مسيرة النجاح مع نهاية 2014 كان عندو 400 مليون مستخدم للتطبيق وبعدها باعها ب 19 مليار دولار لفايسبوك 🔥

قال مرة بلي " حتى وصلت لسن 19 باش كان عندي حاسوبي الخاص " ، ونتا حاسوبك وآش راك دير بيه ؟

11/11/2022

⭕ زاكي جيت قاصدك بالحسب والواب 🤣 باش تفهمني في حاجة حبيت نتعلم نخدم مواقع الكترونية بصح والله تلفتلي لقيت بلي كاين مواقع Static و Dynamic والله مافهمت ياك المهم موقع الكتروني 😂.
🔵 مكاش مشكل يا الروجي تبعني تشو 👇
فالمواقع الإلكترونية كاين زوج أنواع :
✅ المواقع الثابتة Static:
هي مواقع تعرض محتوى ثابت كالصور نصوص وفيديوهات ومتتغيرش بزااف، لكن كي نجو نغيرو كاش حاجة نروحو دائماً للكود ونبدلو 😥 يتم انشاؤها ب : HTML,CSS,JS ومع بعض الأومورات الزينة.
✅ المواقع المتحركة Dynamic :
هي مواقع تفاعلية بزااف لي تخلي أي مستخدم يتفاعل مع الموقع كيما يحب هذه المواقع تستعمل عادة قواعد البيانات وكذالك لغة Php بالإضافة الى لغات اخرى مساعدة. عادة هذه المواقع عندها Control Panel لي تخلي مسؤول الموقع يتحكم فالموقع تاعو وتحديد صلاحيات مستخدمين الموقع....
🔴 مزال مفهمتش ؟ نتا اهبط للتعليقات تفهم وقلوزة سيدفع الثمن 👇

Adresse

Av. Colonel Loth, Rue Dehbi Mohamed
Sétif
19000

Téléphone

+213540616795

Site Web

Notifications

Soyez le premier à savoir et laissez-nous vous envoyer un courriel lorsque 𝙰𝙻 𝚂𝚔𝚒𝚔𝚍𝚒 シ︎ publie des nouvelles et des promotions. Votre adresse e-mail ne sera pas utilisée à d'autres fins, et vous pouvez vous désabonner à tout moment.

Contacter L'entreprise

Envoyer un message à 𝙰𝙻 𝚂𝚔𝚒𝚔𝚍𝚒 シ︎:

Raccourcis

Partager

Type