Quel est le site Web ?

https://www.facebook.com/492497900624564/

غزلان للتصميم والطباعة

Page d'Accueil
Algérie
Oum Toub
غزلان للتصميم والطباعة

Informations de contact, plan et itinéraire, formulaire de contact, heures d'ouverture, services, évaluations, photos, vidéos et annonces de غزلان للتصميم والطباعة, Graphiste, Oum Toub.

30/07/2026

مساء الخيرات عزيزاتي ❤️
واخيرا زرت قريبتي لي قداه وانا نخطط بش نزورها ونبارك لبنتها لي نجحت فالباك
والمفيد كليت الطمينة البنينة 🥹
و عطيتلها الكادو وعجبها بزااااف وفرحت بيه 😍😍
يارب يديم الأفراح في كل البيوت و يفرح كل والدين ويطمنهم على اولادهم ويشوفوهم في أعلى المراتب
نرجعو للكادو درتلها كادر تهنئة و الدفتر الكيوووووووت لي كنت وريتهولكم قبل
خليولي رايكم فالتعليقات 👇👇

و بارطاجيو الصفحة مع حباباتكم 🥰🥰

و الطلبيات راهي مفتوحة
الخاص في انتظاركم 😘😘
#تصميم #طباعة #دفاتر #كادر #كانفا #سكيكدة

27/07/2026

مساؤكم سعيد صديقات الصفحة
بعدما اعتدل الجو شوية ورجعت شوية النفحة تع الخدمة (او بالأحرى نزير برك على روحي بش نخدم 😓)
قلت نبدا بالطلبيات لي عندي قداه وانا نأجل فيها بسبة انو كل مرة تيجي وحدة تقولي عندي طلبية مزروبة

الطلبية عبارة عن مناسب جدا لتعلم كتابة الحروف الأبجدية للكبار والصغار
يتوفر جسب الطلب نسخة مطبوعة او pdf (مع تعليمات لتسهيل الطباعة) او قالب كانفا قابل للتعديل

للطلب تواصلوا مع بريد الصفحة 💌
وماتنساوش تبارطاجيو الصفحة مع صحاباتكم
خليولي رايكم فالتعليقات 👇👇
وشوية تحفيزات 😔😔

14/07/2026

صباحكم سعيد أحبتي
هدية Alaa Errahmanne Teffouti جاهزة
اتمنى لها ولصديقتها التوفيق والسداد

12/07/2026

مساء الخيرات والمسرات متابعات 🥰
اولا وقبل كل شيء حبيت نهني الناجحين في شهادة البكالوريا و نقولهم ألف مليون مبروووووك والعاقبة لمزيد من النجاحات ونشوفوكم في اعلى المراتب وحظ أوفر للراسبين في الاعوام المقبلة بإذن الله
وثانيا جيت نعلنلكم عن الفائزة في مسابقة البارحة لي جاب تعليقها اكبر عدد من لي جام كيما حطيت فالشروط و شاركت المنشور في صفحتها طبعا ونشكركم بزااااف على تفاعلكم وتعليقاتكم الجميلة 🫶🫶

الفائزة ماهيش من ام الطوب ولكن ماهيش بعيدة راهي من الجارة بني والبان و ماعندهاش مانع انها تجي تدي الهدية تاعها بحكم اني مزال ماوفرتش توصيل خارج البلدية

نيجيو للهدية🎁
انا عطيتلها خيارين دفتر و لا كادر تهنئة وهي وقع اختيارها عل كادر تهنئة بش تهديه لصديقتها لي جابت الباك 😍
المهم بصحتك Alaa Errahmanne Teffouti وبصحتها سندس وياسعدها بصديقة كيما انت تاني 🥹🥹
وانتوما كش ناجحين في عايلتكم 😍😍
#تصميم #طباعة #كانفا #سكيكدة

10/07/2026

تعديل
بعض الملاحظات حبيت نقدمهالكم عزيزاتي
اولا شروط لازم يتطبقو كامل يعني حتى ولو تعليقك جاب اكبر عدد من الجامات لو ماطبقتيش الشروط الاخرى مانقدرش نعتبرك فائزة
ثانيا الفائزة لازم تكون من ام الطوب علاه لاني ببساطة ماعنديش توصيل خارج البلدية 🫣
ثالثا الصفحة راهي نسائية فرجاء ماتطاڨيوناش الرجال

مساء الخيرات والمسرات وجمعة طيبة للجميع 🤎🤎
بمناسبة اقتراب الاعلان عن نتائج شهادة البكالوريا لي تقرر يوم الاحد 12 جويلية على الساعة العاشرة صباحا صفحتكم غزلان للتصميم والطباعة جاتكم بمسابقة جديدة
وبش نكون واضحة معاكم
✅ الهدف الاول من المسابقة هو زيادة التفاعل على الصفحة لانو تع الصح قاعدة نتعب و التفاعل مع منشوراتي ضعيف جدااااا 🥹 ومنشوراتي ماراهمش يوصلو للناس لي صح مهتمة بالمحتوى تاعي
✅الهدف الثاني هو اني نفرح وحدة من متابعاتي بهدية من ورشتي كيما كنت وعدتكم وقلت بلي مرة على مرة نديرلكم مسابقة
نحكيو على شروط المسابقة
👈اولا ديري اعجاب للمنشور (حبذا تكون قلب مانحبش الجام الزرقا 😭😂)
👈ثانيا شاركي المنشور على صفحتك
👈ثالثا تكتبي تعليق جميل ومطمئن للمترشحين على بالي راهم على أعصابهم🥺🥺 (من فضلكم خليونا من الملصقات راهم يضرو المنشور مش يطلعوه)
بعدما تكتبي تعليقك طاقي اكبر عدد من صديقاتك يديرو جام على تعليقك (التعليق والطاڨ في نفس التعليق ان شاء الله تكونو فهمتوني😅)
نيجيو للفائزة 👇
الفائزة (بعدما تطبقلي الشرطين الاول والثاني طبعا 😅)
هي صاحبة اجمل تعليق ولي يتحصل تعليقها على اكبر عدد من الجامات

نيجيو الآن للمفيد الهدية 🎁😍😍
الهدية رح نعطيكم خيارين ونخلي الفائزة هي لي تخير
يا إما دفتر من دفاتري الجميلة 🤭
او كادر تهنئة تهديه لصديقتك بمناسبة نجاحها
التعليقات رح نخليها مفتوحة الى غاية ساعة الاعلان عن النتائج

و يوم الاثنين بإذن الله رح نعلن عن الفائزة
ولي يخرجلها المنشور هذا فضلا وليس امرا تدير متابعة للصفحة و اعجاب بالمنشورات
بالتوفيق للجميع
#تصميم #طباعة #بكالوريا #كادر #دفاتر #كانفا #سكيكدة

06/07/2026

فتيات الألفية الثالثة واللون الوردي قصة حب لا تنتهي 🤭

دفتر جميل بتصميم لطيف وألوان هادئة من ورشة غزلان للتصميم والطباعة للكيّوتة Rahma Bmz
نوفرولكم أيضا كل انواع الدفاتر و المطبوعات
الطلبيات مفتوحة و لي عندها اي استفسار حول الاسعار او مواصفات الدفاتر تقدر تتواصل مع بريد الصفحة 💌
مرحبا بكم 🥰🥰
و ماتنساوش تابونيو الصفحة و تبارطاجيوها مع حباباتكم 😘😊

#تصميم #طباعة #دفاتر #كانفا #سكيكدة

05/07/2026

مساء الخيرات والمسرات متابعات 🥰🥰
ارواحو نحكيلكم على مواصفات هاد الدفاتر
✅ حجم كبير (21cm×29.7cm a4)
✅نابض حديدي
✅الغلاف ورق صور مغلف حراريا
✅عدد الصفحات 160 صفحة
✅ صفحات داخلية بسيطة ملائمة للدراسة
افتحو الصور وشوفو
وطبعا هاد التفاصيل الزبونة لي تتحكم فيهم يعني نخدم حسب الطلب 😊
بصح السعر أنا لي نتحكم فيه 🫣🤭
الطلبيات مفتوحة و لي عندها اي استفسار تقدر تتواصل معاي على الخاص 💌
ماتبخلوش عليا بآراءكم 🥹
اتقبل كل الآراء بش نزيد نطور خدمتي
#تصميم #طباعة #كانفا #دفاتر #سكيكدة

04/07/2026

لطالبة بكالوريا شعبة لغات حبت تبدا تتحضيراتها لبكالوريا 2027 بتشكيلة دفاتر جميلة من ورشتي غزلان للتصميم والطباعة
يا رب يكونو فال خير عليها
أدعولها ربي يوفقها
بالمناسبة انا جوزت بكالوريا 2011 شعبة علوم تجريبية
وانتوما 🥰
ماتنساوش تبارطاجيونا المنشور و تطاڨيو صحاباتكم يابونيو الصفحة
اتهلاو

#تصميم #طباعة #كانفا #دفاتر #سكيكدة

02/07/2026

بعدما غبت على طابعتي سر سعادتي لأكثر من أسبوعين توقعت انو نروح نلقاها فسدت 😓 لانو مش مليح تخليها لمدة طويلة متوقفة عن العمل
اول حاجة بديت بيها هي الهدية تع Eline Décoration لي كنت وعدتها بيها، نطبع وندعي ياربي ماتكونش فسدت بش ماتقولش وعدتني ودارت عليا 🥺
المهم الحمد لله لقيتها لاباس عليها وخدمتلها الكادر وجا تحفة 😍😍 و بايتة نغلف فيه في نصاص الليالي 🤭🤭 (شوفو الستوريات)
و الصباح رحت ڤوطيت و اديتهولها و فرحت بيه خلاص 🥹 و هادا روثورها 👇
فرحت بزاف كي عجبها
بصح الحاجة لي حيرتني كاين عزوف كبير عن الانتخاب المراكز شبه خالية
يا درا واش السبب 🤔🤔
و انتوما رحتيو ولا مارحتيوش
#تصميم #طباعة #كانفا #كادر #سكيكدة

Adresse

Oum Toub

Site Web

facebook.com

Notifications

Soyez le premier à savoir et laissez-nous vous envoyer un courriel lorsque غزلان للتصميم والطباعة publie des nouvelles et des promotions. Votre adresse e-mail ne sera pas utilisée à d'autres fins, et vous pouvez vous désabonner à tout moment.