StormTech

03/06/2026

وصول الميقوماتر unit 501a+ testeur de rotation الى ورشة إيلفوك للكهرباء الصناعية الواقعة في ولاية غرداية.
الحمد لله ❤

29/05/2026

رحت عند كليون كان عنده مشكل في الكونجيلاتور تاعه.. 🛠️
​بش نخدم مرتاح وبلا قلق، ركبت الـ Pince ampèremétrique Stormtech وكونكتيتها ديريكت مع التيليفون (Bluetooth). هكذا نتبع الـ Courant وأنا قاعد بعيد غير من التيليفون بلا ما نبقى عاس لافيشور.
​بصح الصدمة وين؟ غير ناض الموتور، نلاحظ في التيليفون بلي تيار الإقلاع (Courant d'appel) طلع خبط في 15A في الثواني الأولى.. ومن بعد هبط واستقر في 2.4A! 📈📉
​أثبت إنك Électricien أو frigorist في الكومنتار 👇:
قولنا علاش التيار طلع حتى لـ 15 أمبير في الديماراج ومن بعد هبط للـ 2.4A؟ واش راهو صاري لداخل؟
​ورينا شطارتك وفهمنا في الكومنتار! 👇😎
​

26/05/2026

وصوا الميلتيماتر بلوتوث st 3000cf بالاضافة الى testeur de prise zt E2 بالإضافة إلى هدية مجانية الى اخونا محمد شريف من توقرت.
الحمد لله ❤

25/05/2026

جماعة الـ Électronique و الـ Maintenance، الـ UNI-T UT60s راهو هنا باش يسهل الخدمة على لاطابل دو ترافاي (Table de travail).
​أنسى التخلاط تاع لي كاليبر، الجهاز فيه Smart Mode يفرق وحدو بين الـ Résistance، الـ Diode، والـ Continuité بـ Précision عالية، وزيد فيه True RMS باش ما تغلطكش التموجات (Parasites).
​سؤال التحدي للمحترفين في الكومنتار 👇:
علابالنا كامل بلي في الميكرو-إلكترونيك (Micro-électronique) الفولطاج الصغير والمقاومة الدقيقة هما كلش. هل تمنوا في الـ Smart Mode تاع هاد الميتريكس باش يقيسلكم الـ Résistance تاع لي كومبوزون الصغار (SMD)، ولا دايماً تفضلوا تريغلوها مانيال باش تضمنوا النتيجة 100%؟
​أرواحوا للكومنتار وأعطونا رايكم عن تجربة! 👇
​

23/05/2026

العرض الاسطوري 🔥 مقدم من طرف أخونا الكهربائي المتميز علي طوطو ❤

22/05/2026

حكاية تيليفون يصوني 15 المرة.. ولغز "العلبة الملعونة"! 📞⚡
​واحد الليلة على الـ 11 تاع الليل، التيليفون تاعي بدا يشعل ويطفا. كان يعيطلي السيد "أحمد"، زبون قديم كنت خدمتلو من قبل. ما رفدتش عليه لأنو الوقت كان متأخر، بصح التيليفون عاود صونا.. وزاد عاود.. لحقت لـ 15 المكالمة وموراها خلالي ميساج فوكال بصوت فيه الخوف والستريس: "يا أستاذ، يرحم والديك سلكني، التيريسيتي راهي تروح وتجي وتقطع كل نص ساعة، والأجهزة قريب يتحرقوا، ومانيش نرقد في الليل خوفاً من كاش كارثة أو ماس "
​مع الصباح الباكر، كنت أنا الأول عند باب دارو. دخلت وبديت نيفيريفي بالفحص الكلاسيكي؛ الطابلو الرئيسي (Tableau de répartition) يبان ما شاء الله، والديجونكتور تفاضلي (Disjoncteur différentiel) سليم. بصح المشكلة كانت غامقة وعميقة.. كل ما يشعلوا زوج أجهزة يستهلكوا بزاف (كما الكليماتيزور والماشينة لافي)، تصرى شوت دو طونسيو (Chute de tension) قوية، والريزو تاع الدار يولي يغلي بلا ما يبان.
​سقسيتو: "يا سي أحمد، قولي الصح، كاش ما بدلت ولا زدت في الريزو هاد الأيام؟"
تردد شوية ومن بعد قالي وهو هارب بعينيه: "في الحقيقة.. جبت واحد 'إلكتريسيان السمانة اللي فاتت باش يخرجلي ليني (Ligne) تاع ضو زيادة للكاراج، وخدم مورا هاد الحيط اللي راهو أون شونطي..."
​تم تم رحت للحيط، وغير نحيت الكركاس الفوقاني، بقيت مدهوش قدام هاد الكارثة اللي راكم تشوفوا فيها في الصورة
​هاديك العلبة تاع التفرع (Boîte de dérivation) كانت عبارة عن قنبلة موقوتة!
الخيوط تاع النحاس كانوا ملويين فوق بعضهم بطريقة عشوائية وبدائية بزااااف، بلا ما يستعمل فيهم غمادات الربط السريع (Wago) ولا حتى شريط لاصق (Chatterton) يعزلهم ويحميهم. الخيوط العريانين كانوا يقيسوا في بعضهم مع أدنى فبراسيون، والأعظم من هادا كامل أنو سلك "النتر" (Neutre) كان مش مزير mauvais serrage وهادا الشي اللي دار خلطة وتخلخل في الجهد تاع الشومبرات كامل وقريب تسبب في حريقة لا قدر الله!
​داتلي الحكاية زوج سوايع وأنا نعاود نفرز في الخيوط، نقطع في النحاس المحروق ، ونركب في البواطة من جديد على قناعة وبالمعايير التقنية الصارمة . كي كملت عطيتو نصيحة ونقولها ونعاودها :
​"يا خاوتي، التيريسيتي ما ترحمش.. كي تجيب واحد مشي كاليفي ولا هاوي برك لأنو 'رخيص في السومة'، راك قادر تخلصها غالي في سلامة دارك وولادك. الكهرباء حرفة وصنعة تاع ماليها والمحترفين، ومشي مجرد تلوية خيوط!"
​شاركونا في التعليقات : بصفتكم صحاب الصنعة وحرفيين، شكون صراتلو قصة كيما هذي

22/05/2026

💡 شرح كامل لطريقة ربط دارة ذهاب وإياب بثلاث قواطع بطريقة سهلة وواضحة 👌⚡
إذا كنت كهربائي أو تتعلم الكهرباء المعمارية فهذا الفيديو رح يفيدك بزاف 🔥

✅ فهم مخطط التوصيل
✅ طريقة ربط الأسلاك الصحيحة
✅ تجنب الأخطاء الشائعة
✅ تطبيق عملي خطوة بخطوة

🤔 برأيك شحال من سلك استعملنا في هذا الربط؟
جاوبنا في التعليقات 👇
وإذا حبيت المزيد من شروحات الكهرباء الاحترافية دير ❤️ وشارك الفيديو مع صحابك ⚡🔥

20/05/2026

⚡️ UT125C… المولتيميتر الصغير لي يخدم خدمة الكبار 😍
دقة عالية 📏، تصميم عملي 👌 وشاشة واضحة تخليك تخدم براحة في أي مكان 🔥

✅ قياس الفولطية
✅ قياس المقاومة والاستمرارية
✅ حجم صغير ساهل للحمل
✅ مناسب للكهربائيين والإلكترونيين

📦 التوصيل متوفر لكل الولايات
📞 للطلب والاستفسار: 0659840602

🚀 اطلب جهازك اليوم وخدم باحترافية أكبر!
#الكترونيات

18/05/2026

⚡ الكهربائيين المحترفين يعرفو هذي الحركة مليح 😏

قبل ما يدينيدي الكابل دار مادة خاصة على النحاس 👀
برأيكم… واش هي هذي المادة؟ و علاش تستعمل؟ 🤔

اللي يعرف يجاوبنا في التعليقات 👇🔥

#كهرباء #كهربائي #الكترونيات #تقني #ورشات #كابلات #صيانة

17/05/2026