30/03/2026
Nipi ynë Alban Selimi nga fshati Rahovic ka nevoj për ndihm të i ndihmojm sa do pak me mundësit tona që kemi !
Të nderuar vëllezër dhe motra,
Po ju drejtohem me zemër të rënduar, por me shpresë të madhe tek mirësia dhe solidariteti juaj.
Unë jam Alban Selimi nga fshati Rahovic. Prej disa vitesh jetoj me qira në një banesë në Preshevë, së bashku me gruan dhe fëmijët e mi. Jeta nën presionin e qirasë dhe obligimeve familjare është bërë gjithnjë e më e vështirë për ne. Edhe pse punoj çdo ditë për të siguruar jetesën, për shkak të kushteve të vështira dhe mungesës së punës gjatë muajve të fundit, nuk kam arritur më t’i përballoj këto shpenzime.
Sot ndodhem në një gjendje ku mundësitë e mia janë shterruar. Megjithatë, kam një shpresë – të ndërtoj një shtëpi të vogël njëkatëshe, vetëm sa për të futur kokën time dhe të familjes sime në një strehë tonën, pa frikën e përditshme të qirasë.
Falë familjes sime, e kam të siguruar punën e dorës për ndërtimin e vrazhdë. Por më mungojnë materialet ndërtimore, dritaret, instalimi i rrymës, pllakat dhe disa mobilje bazike për një jetë minimale.
Për këtë arsye, ju lutem nga zemra, për hir të Allahut, nëse keni mundësi të më ndihmoni sado pak, që të realizoj këtë ëndërr të thjeshtë, por jetike për mua dhe fëmijët e mi. Çdo ndihmë, sado e vogël, për mua është shumë e madhe dhe do të jetë një lehtësim i jashtëzakonshëm për familjen time.
Jam i hapur që kushdo që dëshiron të vijë dhe të më vizitojë personalisht për ta parë gjendjen nga afër.
Allahu ju shpërbleftë për çdo të mirë dhe ua shtoftë bereqetin në familjet tuaja.
Me respekt dhe shpresë,
Alban Selimi
Fshati Rahovic - Preshevë !
📞 +381 63 778 5946 (Viber / WhatsApp)
