Michelle's Fotoatelier

Name: Michelle's Fotoatelier
Address: Siebnen, 8854, CH
Telephone: +41794205917

Startseite
Schweiz
Siebnen
Michelle's Fotoatelier

Fotografie, Bildbearbeitung & Design Hey und herzlich willkommen auf meiner Seite. Schön, hast du den Weg zu mir gefunden.

Ich bin Fotografin und Grafikerin mit einem kleinen Atelier in Siebnen. Oft bin ich jedoch in der ganzen Schweiz unterwegs.

- Hochzeit
- Babybauch und Neugeborene
- Buisnessportraits
- Familien
- Firmen
- Boudoir

09/03/2024

Frostigi Temperaturä, aber d'Bilder und s'Herz gfüllt mit ganz viel Wärmi und Liebi! Jedi Schwangerschaft isch ä Reis voller Magie und dä Winter verleiht derä Ziit namal e ganz bsunderi Atmosphäre. Diä beidä in Kombination mit verschniitä Tannä und dem wunderschönä Liecht, das laht au mis Fotografäherz immer Luftsprüng machä.🥰

24/11/2023

Daniela & Roger ❤️

En gigantischä Tag, wo mir händ dörfä mitenand verbringä. 🤩 Ich ha diä beidä vom Getting Ready bis zu derä absolut geilä Party dörfä begleitä und dä ganzi Tag isch so Facetterich gsi. Ganz en bsundrigä Ort händ sie sich au für d'Trauuig usgsuecht, nämli dä Hof wo d'Daniela hät dörfä ufwachsä. So Plätz womer nomal ganz e spezielli Bindig dezue hät, machet dä Tag grad namal zu öpis ganz speziellem. Es isch eifach überwältigend gsi, vo Ahfang ah bis ganz am Schluss.

Vo ganzem Härzä dankä, han ich üch dörfä begleitä!

15/09/2023

Verliebt i jedes einzelni Bild 🤍

Diä liebi Isabelle und dä liebi Andreas han ich letscht Jahr dörfä ah ihrem grossä Tag begleitä. Im April hani denn diä schöni Nachricht becho, dass sie sersti Mal Nachwuchs erwartet. Drum händ mir im August denn diä schöni und spezielli Ziit uf Bilder festghaltä und ich ha mich so gfreut, diä beidä wieder zgseh. Es hät eifach alles perfekt gstummä a dem wunderschönä Summerabig. Wiä diä einä oder andere wüsset, bin ich absolut verliebt i schöns Liecht und schöni Stimmig - und das isch au dä wieder mal dä Fall gsi, besser hettet mirs nüm chönä breichä.

Es chlises Detail zum letschtä Bild:
D'Schueh händ diä beidä damals bedruckt als Gschenk uf d'Hochziit becho, und jetzt händs na diä süessä chlinä Schüehli als Erwiiterig dezuä becho. Was für e schnüsigi Idee!

18/04/2023

Wintershooting, Y & R 🤍

01/06/2022

Dä hütigi Tag hani für mini Websiitä gnutzt und ahgfangä, diä wieder mal es bitsli zergänzä. Bim dursuechä vo all minä Galeriä isch mir mal wieder bewusst wordä, wieviel kuuli Sachä ich bereits han dörfä machä. 😍

Mis Herz hät grad en Sprung gmacht, wo ich uf diä beidä gstossä bin. 🥰 Scho so lang han ich mir gwünscht, mal es Shooting im Usland amä Strand zmachä. 🐚🌴 Uf üserä Maledivä Reis händ mir diä beidä dörfä kennelernä und wo ich sie gseh han, hani denkt, das wär doch perfekt. Und ich erinnerä mich so gern a dä schöni Abig zrug!

31/08/2020

Eifach unglaublich wie schnell diä Ziit vergaht..

Eis Jahr isch dä grossi Tag vo denä 2 Liebä scho her und er isch mir na in so so schöner Erinnerig ♥️

Alles Liebi zum 1. Hochziitstag!

#31082019👰🏼🤵🏼 #♥️ @ Seminarhotel Bocken

19/04/2020

Iris & Peach

Was für en überwältigendä Tag!
Bereits bi dä Vorbesprechig han ich en unglaublichi Vorfreud uf ihrä grossi Tag gspürt, da sie mir so schöni Detail verzellt händ. Z.B. hät dä Iris ihräs Gotti d'Traured ghaltä und diä ganzi Gsellschaft kennt sich au scho vo vorher sehr guet. Au ä Trauuig im Bockä mal dörfä zbegleitä, han ich mir sehr gwünscht.

Und dä Tag hät mich so umghauä! Diä 2 händ en unglaublichi Liebi und Dankbarkeit usgstrahlet, d'Gsellschaft isch so herzlich gsi und das ganzä ah derä wahnsinns tollä Location!

Dankä viel mal, han ich üchä grossi Tag dörfä begleitä!

11/08/2018

G & B ❤️ 11.8.18

Erst paar Mönet ischs här, wo mir 3 s'Vorshooting für d'Ihladigschartä gmacht händ. Es sind so viel wunderbari, vertrauti und natürlichi Bilder entstandä, sogar s'Wetter hät super mitgmacht und üs na chli Sunnä und Wärmi gschenkt a dem Herbsttag.🍁 S'isch eifach schön gsi zum Zueluege, wie entspannt diä beidä au vor dä Kamera mitenand umgangä sind und gnau so isch s'Shooting au für mich gsi. Puuri Freud han ich gha, woni hei bin, mit ganz viel schönä Bilder im Gepäck.

Ja und hüt isch bereits üchä grossi Tag, so schnell isch's gangä! Ich freuä mich wahnsinnig druf, üch am hütigä Tag dörfä zbegleitä!

30/04/2018

Ich chumä grad wieder Hunger über, wenn ich diä Bilder ahluegä.😍 Sooo viel feini Sachä hani dörfä für Cludis Süssigkeiten fotografierä und sie git sich uu viel Müeh. Und diä Bilder sind na lang nöd alles, was sie chan.

Au so Sachä fotografier ich unglaublich gern und legge viel Wert uf Details. Da chan ich amel richtig abefahrä, mitem Liecht spielä und alles in Rueh so platzierä, bis es mir 100% gfallt.

Wer chunt da kei Hunger über?🤭

www.cludis.ch

25/04/2018

Fürd Coiffure Carina Hairlounge han ich diä nüä Mitarbeiterbilder dörfä machä. 💇‍♀️ D'Farbä harmonieret perfekt mit dä Website.

Au Mitarbeiterbilder dörfet ruhig mal chli andersch si wie ich find.
Dankä für dä Uftrag, shät mega Spass gmacht mit üch Ladies!

www.coiffure-carina.ch

Adresse

Siebnen
8854

Telefon

+41794205917

Webseite

http://www.michellezueger.ch/

Benachrichtigungen

Lassen Sie sich von uns eine E-Mail senden und seien Sie der erste der Neuigkeiten und Aktionen von Michelle's Fotoatelier erfährt. Ihre E-Mail-Adresse wird nicht für andere Zwecke verwendet und Sie können sich jederzeit abmelden.