ក្លឹប អាឌីណូ នៃវិទ្យាល័យ ហ៊ុន សែន ពាមជីកង

19/02/2025

សម្រាប់ប្អូនៗសិស្សានុសិស្សដែលមានចំណាប់អារម្មណ៍ទៅលើជំនាញរ៉ូបូតទិក ក្លឹបអាឌីណូ អាចជួយសម្រេចក្តីស្រម៉ៃរបស់ប្អូនៗបាន!

សេចក្ដីជូនដំណឹងស្ដីពីការជ្រើសរើសសិស្សចូលរួមជាសមាជិកក្នុងក្លឹបអាឌីណូ។

24/08/2024

កាលពីថ្ងៃព្រហស្បតិ៍ ៣រោច ខែស្រាពណ៍ ឆ្នាំរោង ឆស័ក ព.ស.​២៥៦៨ ត្រូវនឹងថ្ងៃទី ២២ ខែសីហា ឆ្នាំ២០២៤ នៅវិទ្យាល័យ ហ៊ុន សែន ពាមជីកងបានរៀបចំកម្មវិធីចែកលិខិតសរសើរដល់សិស្សានុសិស្សដែលមានស្នាដៃក្នុងការចូលរួមសកម្មភាពក្លឹបផ្សេងៗ ក្នុងឆ្នាំសិក្សា ២០២៣-២០២៤ ក្រោមអធិបតីភាពគណៈគ្រប់គ្រសាលារៀន និងមន្ត្រីកម្មវិធីប្រចាំការនៅវិទ្យាល័យ ហ៊ុន សែន ពាមជីកង។ ជាមួយគ្នានេះផងដែរ សិស្សានុសិស្សចំនួន ២៤ នាក់ដែលបានចូលរួមសកម្មភាពក្នុងក្លឹបអាឌីណូ ក៏ត្រូវបានទទួលលិខិតសរសើរផងដែរ។

ថ្លែងក្នុងកម្មវិធីចែកលិខិតសរសើរ លោក ស៊ាន សុផល នាយករងទទួលបន្ទុកបច្ចេកទេសនៃវិទ្យាល័យ ហ៊ុន សែន ពាមជីកង បានបង្ហាញសេចក្តីពេញចិត្តចំពោះសមិទ្ធផលរបស់សិស្សានុសិស្សតាមក្លឹបនីមួយៗ ហើយក៏បានមានមតិផ្តាំផ្ញើដល់សិស្សទាំងអស់ក្នុងក្លឹបបន្តការចែករំលែកចំណេះដឹងដែលពួកគេទទួលបានទៅកាន់សិស្សានុសិស្សដទៃទៀតនាឆ្នាំសិក្សាបន្ទាប់។

ជាចុងក្រោយ កម្មវិធីត្រូវបានបញ្ចប់ជាមួយការថតរូបទុកជាអនុស្សាវរីយ៍ ក្រោមបរិយាកាសរីករាយក្រៃលែង។

16/08/2024

សូមទស្សនាវីដេអូនៃការប្រកួត រ៉ូបូត ស៊ូម៉ូ (Sumo robot) ដែលបានរៀបចំឡើងនៅក្នុងកម្មវិធីតាំងពិព័រណ៍ស្នាដៃសិស្សរបស់វិទ្យាល័យ ហ៊ុន សែន ពាមជីកង ថ្ងៃទី១៥​ ខែសីហា ឆ្នាំ២០២៤

15/08/2024

កម្រងរូបភាពការប្រកួតរ៉ូបូតស៊ូម៉ូ (Sumo robot) ក្នុងឱកាសទិវាតាំងពិព័រណ៍ស្នាដៃសិស្ស នៅវិទ្យាល័យ ហ៊ុន សែន ពាមជីកង ថ្ងៃទី១៥ ខែសីហា ឆ្នាំ២០២៤

10/08/2024

សូមគោរពអញ្ជើញសាធារណជនទាំងអស់ មកចូលរួមទស្សនាការប្រកួតស៊ូម៉ូរ៉ូបូត ដែលនឹងប្រព្រឹត្តទៅនៅក្នុងកម្មវិធីពិព័រណ៍ស្នាដៃសិស្ស ថ្ងៃទី១៥ ខែសីហា ឆ្នាំ២០២៤ នៅវិទ្យាល័យ ហ៊ុន សែន ពាមជីកង ចាប់ពីម៉ោង 2:30 រសៀលតទៅ។ សូមអរគុណ

24/03/2024

LDR Sensor ជាប្រភេទSensor ដែលមានភាពរួសនឹងពន្លឺ។ អ្នកបច្ចេកទេស ច្រើនប្រើSensor ប្រភេទនេះ ជាមួយអំពូលភ្លើងសម្រាប់បំភ្លឺតាមដងផ្លូវ តាមសួនច្បារ និងប្រើក្នុងគេហដ្ឋាន ដោយSensor នឹងបញ្ជាឱ្យអំពូលឆេះភ្លឺ ឬរលត់ដោយស្វ័យប្រវត្តិ ក្នុងលក្ខខណ្ឌអាំងតង់ស៊ីតេពន្លឺកំណត់មួយ។

17/03/2024

កម្រងរូបភាពខ្លះៗនៃសកម្មភាពក្លឹបអាឌីណូនៃវិទ្យាល័យ ហ៊ុន សែន ពាមជីកង។
១៦ មីនា ២០២៤

16/03/2024

សកម្មភាពសិស្សនៅក្នុងក្លឹបអាឌីណូ សិក្សាលើអង្គញាណពីរ គឺអង្គញាណចាប់ចំហាយហ្គាស និងអង្គញាណចាប់ដំណក់ទឹក នៅក្នុងបន្ទប់វិទ្យាសាស្រ្តនៃវិទ្យាល័យ ហ៊ុន សែន ពាមជីកង។
១៦ មីនា ២០២៤

21/01/2024

សកម្មភាពសិស្សដែលចូលរួមនៅក្នុងសកម្មភាពក្លឹបអាឌីណូ កាលពីថ្ងៃសៅរ៍ ទី២០ ខែមករា ឆ្នាំ២០២៤។ សម្រាប់សិស្សថ្មីដែលភាគច្រើនជានារីបានសាកល្បងរៀនសរសេរកូដបែបមូលដ្ឋានគ្រឹះនៃអាឌីណូ និងបានធ្វើតេស្តផ្ទាល់ទៅលើឧបរណ៍ជាក់ស្តែង។ រីឯសិស្សចាស់ បានសាកល្បងប្រើប្រាស់ Appតាមទូរស័ព្ទដៃ ដែលភ្ជាប់ជាមួយWiFi បិទ និងបើកអំពូលLED តាមរយៈESP8266។