09/04/2022
Kubera ikena ry'ama "bus", bashizeho "groupe" WhatsApp yo kuza baratahana n'amaguru
👌🏽 Wa mugani w'Abarundi uvuga uti "uwuvunitse yiga gucumbagira", waza waja mu ngiro.
🚌 Kubera imirongo miremire usanga ku bituro vy'ama "bus" aha muri Mairie de Bujumbura, hari abahisemwo gushiraho "groupe" kuri WhatsApp yo kuza baratahana n'amaguru. Bayise "Tuharye i reggae" (tuhagende n'amaguru ku batari bazi iyo mvugo) 🤭
🤔 None bigenda gute ?
📲 Mu kiranga iyo "groupe" (bimwe bita "description" mu gifaransa), handitse ibi bikurikira : "Ino groupe yashizweho kugira abari hafi baze barabwirana, kugira batahane bari kumwe. Ushaka kwiyunguruza uva mu gisagara canke hagati muri karitiye, urandika ubaza ko hari uwuri hafi y’aho uri maze abonetse mukajana".
Ubu iyo "groupe" ikaba imaze gukwiza abantu (membres) barenga amajana abiri 😮
🙈 Basomyi, ako gakenyuro kakozwe n'abo bantu, mukavuzeko iki ?
