Azərbaycanı beynəlxalq internet şəbəkəsinə qoşan və beynəlxalq internet trafikini Azərbaycana gətirən magistral (backbone) internet operatoru. “Azertelecom” MMC Azərbaycanın dinamik şəkildə inkişaf edən telekommunikasiya operatorudur. Şirkət 2008-ci ildə beynəlxalq naqilli telefon əlaqəsi, internet, eləcə də məlumat və səs ötürülməsi xidmətlərini təklif etməklə, naqilli rabitə bazarında fəaliyyət
göstərmək məqsədilə təsis edilib. “Azertelecom” MMC Azərbaycanı beynəlxalq internet şəbəkəsinə qoşan və beynəlxalq internet trafikini Azərbaycana gətirən milli backbone internet operator şirkətidir və bu istiqamətdə müvafiq lisenziyaya malikdir.
“Azertelecom” MMC həmçinin səsli rabitə, internet, VoIP (İP şəbəkəsi üzrə səsin ötürülməsi) və mövcud ümumi istifadəli telefon şəbəkəsi xətlərinin inteqrasiyası daxil olmaqla müxtəlif sabit xidmətlər üzrə lisenziyalara malikdir.
Öz fəaliyyətində yüksək texnologiyaları tətbiq edən “Azertelecom” MMC müştərilərə aşağıdakı xidmətləri təqdim edir.
- Internetin Topdansatışı
- Ayrılmış Kanal Xidməti
- Mobi Şəbəkələrdə Nəqletmə
- Beynəlxalq Tranzit
"Azertelecom" MMC-nin missiyası müştərilərə innovativ texnologiya əsasında müasir telekommunikasiya xidmətləri göstərməklə onların biznesinin daha da inkişaf etməsini və uğurlu olmasını təmin etməkdir.
Şirkət fəaliyyətində bir sıra prinsipləri rəhbər tutur. Belə ki, dinamik inkişaf, qabaqcıl texnologiyaların ölkəmizin telekommunikasiya sektoruna gətirilməsi və burada tətbiq edilməsi, müştəri məmnuniyyəti prinsipinin rəhbər tutulması, daim təkmilləşmə bu kimi prinsiplərdəndir.
“Azertelecom” MMC-nin müasir fiber-optik kabel şəbəkəsi Naxçıvan da daxil olmaqla Azərbaycanın bütün əsas bölgələrini və şəhərlərini əhatə edir. Şirkətin beynəlxalq şəbəkəsi isə dünya üzrə bütün əsas telekommunikasiya hablarına birləşir. Şirkətin malik olduğu şaxələnmiş şəbəkə Azərbaycanı şimaldan cənuba və qərbdən şərqə qonşuları Rusiya, Gürcüstan və İranla birləşdirir. "Azertelecom" MMC telekommunikasiya sahəsi üzrə müxtəlif yerli və beynəlxalq sərgi, seminar və müşavirələrdə iştirak edib və bu istiqamətdə fəaliyyətini bu gün də davam etdirir. Şirkət Xəzər Avropa İnteqrasiya İşgüzar Klubunun (CEİBC) gümüş üzvüdür. "Azertelecom" MMC həmçinin Amerikanın Azərbaycandakı Ticarət Palatasınının (AMCHAM) daimi üzvüdür.
