20/10/2021
Sən p*s proqramçısan? 👨💻 Gəlin, yoxlayaq!
Hamımız bilirik ki, proqramlaşdırma öyrənmək zəhmət tələb edir. Bəs ən yaxşı proqramçı hansı xüsusiyyətlərə malik olmalıdır?🧐
✅ Məqsəd et və ciddi şəkildə ona əməl et!
Əlbətdə ki, ilk addım proqramçı olmağa 100% əmin olmaqdır. Buna görə işə başlamazdan əvvəl hər şeyi düşünün. Bilin ki, öyrənmək və davam etmək çətin olacaq, ancaq əsasları öyrəndikdən sonra proqramlaşdırma sizə olduqca əyləncəli gəlməyə başlayacaq.
✅ Kodunuzu təhlil edən və nəzərdən keçirən ilk siz olun
Bir az çətin olsa da, başqalarından əvvəl öz kodunuzu özünüz təhlil etməyə və səhvlərinizi özünüz təyin eləməyə çalışın. Belə etdikdə zamanla səhvsiz kod yazmağı öyrənəcəksiniz.
✅ Mümkün qədər təcrübə alın
Yaxşı proqramçı olmaq üçün növbəti addım təcrübə etməkdir.Hər gün məşq etmək üçün bir müddət təyin edin. Nə olursa olsun fərqli kodları sınamağa davam etməlisiniz.
✅ Sadə, başa düşülən, məntiqli kod yazın
Həyatın demək olar ki, hər sahəsində olduğu kimi, ‘Sadə və qısa saxlayın’ düsturu proqramlaşdırmada da işləyir. Ona görədə kod yazarkən mürəkkəbliyə çox yol verməyin, daha çox məntiqli kod yazın.
✅ Problemi analiz etməyə daha çox vaxt ayırın, onu həll etmək üçün daha az vaxta ehtiyacınız olacaq
Problemi anlamaq üçün nə qədər çox vaxt sərf etsəniz, onu həll etməyə o qədər az vaxt sərf edəcəksiniz. Ona görədə problemi başa düşməyə, təhlil etməyə və bunun həll yollarını hazırlamağa daha çox vaxt sərf edin. Geri qalan şeyləri daha asanlıqla edə bilərsiniz.
✅ Dəyişən texnologiya dünyasına baxaraq özünüzü qorxutmayın
IT dünyası bu vaxt ərzində işlərindən məyus olan və hətta yeni texnologiyaları öyrənmək və işləmək üçün yeni işlər axtarmaq məqsədilə işdən çıxan insanlarla doludur. Yenilikləri öyrəməkdən çəkinməyin.
✅ Başqalarının kodundan öyrənin
Öyrənəcəyiniz dil üzrə sizdən daha təcrübəli olan proqramçılarla ünsiyyət qurun və onların məqalələri varsa oxuyun, yazdıqları kodlara baxın, öz kodunuza əlavə edib yoxlayın çəkinməyin, istinad edin. Bunu yalnız əsasları bilmək üçün deyil, həm də yaxşı proqram yazmağın yollarını öyrənmək üçün də edin.
